身為SH Fan屎，聽人講左CWB 間 SH x Hello Kitty McD 甘耐，當然都要去朝聖一下！

呢個就係店外window 成個人甘大既 SH 公仔！！值得留意係佢兩個頭上既Hello Kitty蝴蝶結，簡直係畫龍點睛之筆！！　

呢間位於CWB廣場２期既McD,全部都被SH包圍，當然不能不提門口Window個兩個SH公仔，一場去到一定要take photo!!

店內好多當眼位都有SH 既野，我好似去左間SH 主題餐廳甘

當然佢地今次係挾住 Hello Kitty 個熱潮，但對我來講，我去只係為睇 SH ja, ahhahahahha

McD佢地平時個食物tray仲用埋新既紙幫SH concert 賣廣告　

Hello Kitty既Fan屎要留意啦，除左16隻色外，仲有2個軟硬特別版，但呢2個係唔會就甘＋$9就換到，而係要買佢地$300 一set 有齊16色＋2個軟硬特別版.....仲包14張$10McD Coupon，計落即係$160有齊一套!!

走前黎張合照先!!!

最後送上小弟多年珍藏 SH 早年出道時既mini CD Box Set, 個時都好似要三百蚊架！ 大家可以睇到今年新版SH公仔係由呢個當年既公仔演變出黎架! 

近排好似變番中學生時代去追星甘．．．

追o既當然係軟硬啦!!!無論任何magazine 有佢地做封面，我都有衝動去買黎睇

當然every week 都要買 "dont" touch 啦．．．期期都有少少佢地既新聞，上一期仲有SoftHard sticker送添啦!! hahahahahha 

佢地o係CWB 個WTC 開左間 "軟硬期間限定店"... (10/F)
每日只係6pm 開始到 7:27pm ....得個零鍾，仲要去拎籌先有得入去，真係巴之閉啦，搞到我都想入去睇睇

唔係幫人賣廣告，不過係 SH (Soft Hard) fans 就買本 "dont" touch 睇下啦，佢地有　限定 SoftHard +Shop Tee 訂，hahaha, 我都訂左件！

大家更可上http://softhard.881903.com/　睇下佢地o既update

在差不多打爆一日電話既時間，終於俾我買到飛啦！！！可惜得番全部都係$400, 我估d位都唔多靚．．．但軟硬十年來先開一次show, 點都要俾下面啦　
期待29/7 !! Long Time No See !!!
黎緊要不斷留意軟硬既歌啦、CD啦、Concert item啦，我仲林住買件東Touch + SoftHard tee 黎玩下, hahahah 

真係萬眾期待!

肯定好難有飛! 但好想睇! 

暫定九月三十日 (星期六)
晚上七時三十分　（無位就改下午二時三十分）
地點：演藝

終於睇左幾個月前買定既"萬世歌王"　　

呢個係我人生第一次買飛去睇既（比較）藝術野，其實我同好多人一樣，都係因為詹瑞文呢三個字而入場既。我地一行１２人準時七點半入場，七點四十分開波，去到十一點左右散場（中間九點十分時有三個字時間小息）我地個位都幾山頂，但都冇咩所謂既。

一開波既城城舞，已經睇到大家high哂；另外，"Be Yourself"（你個You即係me;係做我，唔係你自己）；"話之你"唱歌演繹方式（中段唱報紙標題時我有諗過如果我飛份南早俾佢會點呢．．？）；歐瑞強民歌式自彈自唱（佢又真係彈得兩手wor,起碼扮得似模似樣）；當然仲有我最中意既"Thousand Mountain I Go Alone"萬人大合唱啦！！　我一路唱一路標眼水！ (其實我細個時都有玩玩下自己亂甘用英文唱歌．．)

中段放個十五分鐘小息，我地十二人就衝左去飲免費生力(因生力全力支持)，我地仲係度大合照，好似幫人地promote甘

成套劇就會一定有D比較藝術我唔係好識欣賞既時候．． 但總括黎講都睇得好開心

今次之後令我仲想睇人氣爆燈既"男人之虎"，好似今年九月又有（唔通又要一早買定幾個月既飛!?）

“好波”一詞，通常係酒吧或球場波地度聽到；通常用黎形容一場球賽好好睇，某個球員技術超卓，或者一個漂亮既入球；到左而家，“好波”又可以等同“好o野”黎表達當期時興奮既心情；大部份男性對“好波”一詞，或者會有更深一層o既解釋

話說尋晚因同事臨時有事唔得閒，多出一張演唱會飛，甘我就同同事去睇第二場既《周慧敏Back For Love2006演唱會》。其實我本身並唔係周慧敏既fan屎，我對佢既認知程度只限於Yes Card、宮廷裝、Sailor Moon、同“不要自作多情去做夢”…（所以全部演唱會萬人大合唱既時候，我只係眼光光甘望住大家合唱）

當年既一代玉女再開演唱會窩，一定唔少得既梗係靚人靚衫靚場景，而且仲有好多嘉賓（有d仲要係好懷舊個隻），包括有林子祥、黃凱芹、林隆璇、邰正宵、古巨基。

林子祥：仲係好有父女feel

黃凱芹：白馬王子甘款出場，又攬又錫仲想咀咀，我係倪震一定入後台打獲佢

林隆璇：個樣已經唔認得，但兩人鋼琴jam都好好睇

邰正宵：都仲係N年前個九萬幾枝玫瑰

古巨基：“好波”理論

........to be con't