近排好似變番中學生時代去追星甘．．．

追o既當然係軟硬啦!!!無論任何magazine 有佢地做封面，我都有衝動去買黎睇

當然every week 都要買 "dont" touch 啦．．．期期都有少少佢地既新聞，上一期仲有SoftHard sticker送添啦!! hahahahahha 

佢地o係CWB 個WTC 開左間 "軟硬期間限定店"... (10/F)
每日只係6pm 開始到 7:27pm ....得個零鍾，仲要去拎籌先有得入去，真係巴之閉啦，搞到我都想入去睇睇

唔係幫人賣廣告，不過係 SH (Soft Hard) fans 就買本 "dont" touch 睇下啦，佢地有　限定 SoftHard +Shop Tee 訂，hahaha, 我都訂左件！

大家更可上http://softhard.881903.com/　睇下佢地o既update

在差不多打爆一日電話既時間，終於俾我買到飛啦！！！可惜得番全部都係$400, 我估d位都唔多靚．．．但軟硬十年來先開一次show, 點都要俾下面啦　
期待29/7 !! Long Time No See !!!
黎緊要不斷留意軟硬既歌啦、CD啦、Concert item啦，我仲林住買件東Touch + SoftHard tee 黎玩下, hahahah 

真係萬眾期待!

肯定好難有飛! 但好想睇! 

暫定九月三十日 (星期六)
晚上七時三十分　（無位就改下午二時三十分）
地點：演藝

終於睇左幾個月前買定既"萬世歌王"　　

呢個係我人生第一次買飛去睇既（比較）藝術野，其實我同好多人一樣，都係因為詹瑞文呢三個字而入場既。我地一行１２人準時七點半入場，七點四十分開波，去到十一點左右散場（中間九點十分時有三個字時間小息）我地個位都幾山頂，但都冇咩所謂既。

一開波既城城舞，已經睇到大家high哂；另外，"Be Yourself"（你個You即係me;係做我，唔係你自己）；"話之你"唱歌演繹方式（中段唱報紙標題時我有諗過如果我飛份南早俾佢會點呢．．？）；歐瑞強民歌式自彈自唱（佢又真係彈得兩手wor,起碼扮得似模似樣）；當然仲有我最中意既"Thousand Mountain I Go Alone"萬人大合唱啦！！　我一路唱一路標眼水！ (其實我細個時都有玩玩下自己亂甘用英文唱歌．．)

中段放個十五分鐘小息，我地十二人就衝左去飲免費生力(因生力全力支持)，我地仲係度大合照，好似幫人地promote甘

成套劇就會一定有D比較藝術我唔係好識欣賞既時候．． 但總括黎講都睇得好開心

今次之後令我仲想睇人氣爆燈既"男人之虎"，好似今年九月又有（唔通又要一早買定幾個月既飛!?）

“好波”一詞，通常係酒吧或球場波地度聽到；通常用黎形容一場球賽好好睇，某個球員技術超卓，或者一個漂亮既入球；到左而家，“好波”又可以等同“好o野”黎表達當期時興奮既心情；大部份男性對“好波”一詞，或者會有更深一層o既解釋

話說尋晚因同事臨時有事唔得閒，多出一張演唱會飛，甘我就同同事去睇第二場既《周慧敏Back For Love2006演唱會》。其實我本身並唔係周慧敏既fan屎，我對佢既認知程度只限於Yes Card、宮廷裝、Sailor Moon、同“不要自作多情去做夢”…（所以全部演唱會萬人大合唱既時候，我只係眼光光甘望住大家合唱）

當年既一代玉女再開演唱會窩，一定唔少得既梗係靚人靚衫靚場景，而且仲有好多嘉賓（有d仲要係好懷舊個隻），包括有林子祥、黃凱芹、林隆璇、邰正宵、古巨基。

林子祥：仲係好有父女feel

黃凱芹：白馬王子甘款出場，又攬又錫仲想咀咀，我係倪震一定入後台打獲佢

林隆璇：個樣已經唔認得，但兩人鋼琴jam都好好睇

邰正宵：都仲係N年前個九萬幾枝玫瑰

古巨基：“好波”理論

........to be con't

間場時不斷播出周慧敏既生活照，配以溫馨既音樂，感覺好似去左人地既婚禮飲宴甘；當然唔少得倪震既片段，佢個句“周慧敏有兩對o野最吸引我”,簡直恨死好多Vivian 既男fan屎……倪震之後就解釋“兩對o野”分別係Vivian 對眼，“講野時Vivian對眼會望住你對眼，望到你眼入面好深既地方，俾佢望到唔知點甘，哈哈”（甘梗係啦，你係倪震我唔係，唔通Vivian望住第二個都係甘咩！）

另一對係Vivian對腳，倪震又解釋話“一般Model對腳係好修長，但通常都骨慘慘，Vivian對腳就唔同，你睇落去修長得黎又有d肉地，好有手感，哈哈哈”…“骨慘慘”我諗我都會睇得出，但我就真係唔係好明“好有手感”點樣睇得出黎啦！？呢d野…我諗係阿倪生你本人先知架啫！

之後另一個高潮位，相信就係古巨基出場，當時全場立即起哄歡呼(失控的還包括我某位同事 。更出乎意料之外係基仔o既一段說話，“其實好多人都話Vivian「好波」，唔好以為只有倪震試過，我都有試過……我指既好波係佢打桌球「好波」”，基仔仲同全場講“如果紅館全場萬幾人一齊講﹕『周慧敏好波』甘就好啦！”

跟住基仔仲問“今日既宮廷裝出左未？…哈哈，唔好意思，講開好波我就好快飛左去諗宮廷裝，sorry”，佢臨走前仲提大家如果想encore，大家記住o益“周慧敏好波，我地要encore！”

其實之前一路都覺得周慧敏係偶像派玉女歌手，但今次入場聽佢唱live，好似同以前唔同左，有d前輩歌手既唱歌腔，中段佢既鋼琴自彈自唱，都令人覺得佢已經唔係三人世界裡面o個個細路女了……

入場既時候每人都獲發一張周慧敏閃咭，呢個亦勾起左大家以前去儲去抽Yes Card 既回憶

睇完成晚個show之後，總括黎講，我心裡的確同基仔一樣，不得不講句『周慧敏好波”』

終於睇左 Da Vinci Code電影版啦!!!

好唔好睇就留下入場既朋友自己判斷，因為我覺得有無睇原著小說亦係一個好重要既因素。

我係有睇左中文版原著小說先，再睇電影版；其實之前睇左小說，好多野都未visualize到，亦有個衝動去下呢d景點去睇下；而今次睇完電影，我就好似映像深好多！！hahah，我仍然有衝動將來去呢d景點睇下！

而我今次入場睇，就絕對抱住“講故唔好駁故”既心態去睇，D人話邊度改左同小說唔同，邊度又好似唔係好講得通，我都一一接受，大家要知道小說既“紙上談兵”係可以寫到天花龍鳳，但要好真實甘（有哂畫面）係觀眾面前表現出黎，往往會有D難度…而且好多位其實睇左小說既朋友都會估到下一步，但作為一本已經賣出左超過四千萬本既名著，好自然大家都會對小說版有先入為主既感覺了，所以其實呢個電影版係o係好多限制下拍出黎o既，所以我都會體諒導演無將電影拍到驚天地泣鬼神甘。

成套片唯一我個人唔太接受到係男女主角年齡／外表好似相差太遠，感覺似一對父女，hahahah。

唔知會唔會有前傳<<天使與魔鬼>>既電影版，或者原著作者其他名作拍成電影！？