活得很班魚
|
||||||||
 |
|
|||||||
|
| |
|
|
|
|
|
|
May 26,2006
周慧敏“好波”(part 2)
周慧敏“好波”(part 2)
間場時不斷播出周慧敏既生活照，配以溫馨既音樂，感覺好似去左人地既婚禮飲宴甘；當然唔少得倪震既片段，佢個句“周慧敏有兩對o野最吸引我”
,簡直恨死好多Vivian 既男fan屎……倪震之後就解釋“兩對o野”分別係Vivian 對眼，“講野時Vivian對眼會望住你對眼，望到你眼入面好深既地方，俾佢望到唔知點甘，哈哈”（甘梗係啦，你係倪震我唔係，唔通Vivian望住第二個都係甘咩！
）
另一對係Vivian對腳，倪震又解釋話“一般Model對腳係好修長，但通常都骨慘慘，Vivian對腳就唔同，你睇落去修長得黎又有d肉地，好有手感，哈哈哈”…“骨慘慘”我諗我都會睇得出，但我就真係唔係好明“好有手感”點樣睇得出黎啦！？呢d野…我諗係阿倪生你本人先知架啫！
之後另一個高潮位，相信就係古巨基出場，當時全場立即起哄歡呼(失控的還包括我某位同事 
。更出乎意料之外係基仔o既一段說話，“其實好多人都話Vivian「好波」，唔好以為只有倪震試過，我都有試過……我指既好波係佢打桌球「好波」”，基仔仲同全場講“如果紅館全場萬幾人一齊講﹕『周慧敏好波』甘就好啦！”
跟住基仔仲問“今日既宮廷裝出左未？…哈哈，唔好意思，講開好波我就好快飛左去諗宮廷裝，sorry”，佢臨走前仲提大家如果想encore，大家記住o益“周慧敏好波，我地要encore！”
其實之前一路都覺得周慧敏係偶像派玉女歌手，但今次入場聽佢唱live，好似同以前唔同左，有d前輩歌手既唱歌腔，中段佢既鋼琴自彈自唱
，都令人覺得佢已經唔係三人世界裡面o個個細路女了……
入場既時候每人都獲發一張周慧敏閃咭，呢個亦勾起左大家以前去儲去抽Yes Card 既回憶
睇完成晚個show之後，總括黎講，我心裡的確同基仔一樣，不得不講句『周慧敏好波”』
俾意見 [0]
文章URL
引用 [0]
May 19,2006
密碼文西
密碼文西
終於睇左 Da Vinci Code電影版啦!!! 
好唔好睇就留下入場既朋友自己判斷，因為我覺得有無睇原著小說亦係一個好重要既因素。
我係有睇左中文版原著小說先，再睇電影版；其實之前睇左小說，好多野都未visualize到，亦有個衝動去下呢d景點去睇下；而今次睇完電影，我就好似映像深好多！！hahah，我仍然有衝動將來去呢d景點睇下！
而我今次入場睇，就絕對抱住“講故唔好駁故”既心態去睇，D人話邊度改左同小說唔同，邊度又好似唔係好講得通，我都一一接受，大家要知道小說既“紙上談兵”係可以寫到天花龍鳳，但要好真實甘（有哂畫面）係觀眾面前表現出黎，往往會有D難度…而且好多位其實睇左小說既朋友都會估到下一步，但作為一本已經賣出左超過四千萬本既名著，好自然大家都會對小說版有先入為主既感覺了，所以其實呢個電影版係o係好多限制下拍出黎o既，所以我都會體諒導演無將電影拍到驚天地泣鬼神甘。
成套片唯一我個人唔太接受到係男女主角年齡／外表好似相差太遠，感覺似一對父女，hahahah。 
唔知會唔會有前傳<<天使與魔鬼>>既電影版，或者原著作者其他名作拍成電影！？
May 12,2006
adicolor Superstar II BK 6
adicolor Superstar II BK 6
唔該哂克明哥甘有效率，同佢個朋友o既幫忙，我唔駛一個星期就已經有呢對 adicolor Superstar II BK 6 !!! Wahahahaha.....
克明哥，下次飲o野我o既!!!!!
May 09,2006
5月5日長洲包山之旅
5月5日長洲包山之旅
好耐冇更新呢個曰記啦！ 今次主要講吓上個星期兩日一夜嘅包山團,哈哈。 最後多謝團友提供是次活動照片記錄
成個團由星期五〈5/5〉三點鐘班快船正式開始！一上船就林住訓一陣,為呢個九成都通頂嘅團叉下電,點知船上我後面嗰位外籍夫婦同佢地嗰對非常"可愛"既仔女…真係令我冇覺好訓!
話說D小朋友成程船不停走黎走去,個阿媽就不停甘叫住佢地個名〈但佢自己只係坐係自己個位度益),結果當然係"阿崩叫狗,愈叫愈走"啦!
落船後想第一時間去攞房架啦,點知D路因為飄色巡遊而封哂…等到四點幾解封我地先去到"渡假村"…
我同阿恒先攞key開房先,因租屋時阿姐再三提醒我地兩個人去攞key好啦,實情係我地十個人租個兩人房,唔可以俾屋主知甘多人住…哈哈,林住經濟實惠D,因為估計九成都唔會點訓。
我地一開道屋門…嘩！呆左三秒lor...嗰條走廊真係……好難表達嗰種既驚又喜嘅心情,你地都係自己睇啦~
http://space.netvigator.com/resources/yulokben/200ftroom.3gp
(請先下載Quicktime Player)
之後我地用三十蚊租左麻雀同塊麻雀板,呢個將會係呢兩日一夜嘅精神之柱。
有消息話搶包山現埸要有飛先可以入埸,而D飛只有千五張,晚上九點四十五分先開始派;本來我都無期望過有得現場睇,不過阿B同阿Dap七點左右就話去視察埸地,探子回報話已經有人開始排隊攞飛…無錯!!
係七點排九點四十五分嘅飛去睇十ニ點嗰埸包山!!因為佢地話佢地排嘅位最多係百幾ニ百(梗係啦，甘早!),所以仝人買左少少糧餉,就去長期革命啦(七點等到十ニ點)!
最好笑係排排下D電視台開始黎採訪,D cam係甘映黎映去,都只係訪問我地前面同後面嘅人,所以阿Dap阿B比比等人非常失望,哈哈哈哈…期間Thomas入左黎,不過佢知道要等到十二點,而且現場睇包山的全部都係企位,佢就決定唔排,自己一個番房等我地,大家怕佢會悶,佢話無問題,邵逸夫(電視)會陪住佢。
十一點左右就有得入埸,好在大會分哂區,每一區都冇迫爆人,不過就唔知點解前排嘅朋友會帶埋櫈仔入埸,企高去映相,檔左唔少朋友嘅視線,當然我無呢個問題啦,哈哈哈哈哈!
現場睇搶包山又真係勁好多!詳情自己睇啦!
http://space.netvigator.com/resources/yulokben/baoshanlive.3gp
(都係要下載Quicktime Player)
睇完嗰十分鐘左右嘅包山活動,我地一行十人就去食晚反!有好多大排檔都未收,我地去嗰間仲要有點心食!哈哈!大家食飽之後,我地就番房四方城馬拉松賽!
阿B同謝西加一組/Welland同比比/Dap加恒同我/Lisa同Thomas。由原本Welland嗰組一個輸三個,到最後佢地一個贏三個;阿B嗰邊由輸二百到一百,全部簡直峯迴路轉!!結果我嗰組常勝軍(恒同Dap)都要每一輸十二蚊… >_<
我地打到第二曰上午十一點半就結數,因為十二點交屋。
之後去咗間D嘢勁難飲嘅越南餐廳食"早餐",D波蘿冰只有水味越色特飲有益力多加奶味/檸檬特飲只有酸味,隻酸仲要係飲完隔三秒先會湧出黎(唔該哂謝西加真人示範咗一次)!
跟住Lisa同Thomas走先,我同恒等快船,順便行下D鋪,其他人留低睇飄色。
最可惜係最後都買唔到包山抌頭……因為第一日已經沽清。不過都唔緊要,我都有真係買咗兩個平安包番屋企!保吓大家平平安安!
http://community.webshots.com/album/550216397yuszRU/0
(歡迎其他團友提供)
February 06,2006
原來都有多幾個friend 一齊玩PCCW
原來都有多幾個friend 一齊玩PCCW
今日我阿媽都拎左部PCCW lu~~ 星期五到我阿爸拎！
拎完電話，佢仲買左件大Size Tee 俾我，hahah，"多哂" ！！！
另外，今日發現都有一D中學同學有玩PCCW 3G，甘從今日起要令兩個手機出街了，hahah 各位有興趣o既朋友好o係 10/2之前上www.pccwmobile.com登記啦！！（我冇收廣告費架！
）
February 04,2006
《戀愛狂熱啦啦啦》營運公告 - 3/2/2006
《戀愛狂熱啦啦啦》營運公告 - 3/2/2006
想贏取巨獎？
想在fing手袋的日子中找到一點樂趣？
想看見朋友都有情人終成卷屬？
由Ben and Hang Entertainment Limited 研發製作代理並負責營運的狗年萬人愛情遊戲鉅作《戀愛狂熱啦啦啦》，預定於數天後正式進入開放階段。為了提供遊戲更高的穩定度，Ben and Hang Entertainment Limited 不惜砸下重資，購置伺服器、專屬軟體與建立專屬機房，估計在開始時將可容納10名玩家同時在線，官方也將在不同管道釋出數十個帳號。
“CityU的玩家對遊戲的熱愛總是令我們印象深刻” Ben and Hang Entertainment Limited 總裁Mr. Ben Yu說道，”為了迎合CityU玩家的高度期望，我們積極地把《戀愛狂熱啦啦啦》連同一流的服務及遊戲品質帶給玩家；也感謝董事主席Mr. Truman Chan不斷的支持協助，我們有信心在即將到來的正式收費階段順利流暢地進行下去。”
“CityU的玩家對遊戲的熱愛總是令我們印象深刻” Ben and Hang Entertainment Limited 總裁Mr. Ben Yu說道，”為了迎合CityU玩家的高度期望，我們積極地把《戀愛狂熱啦啦啦》連同一流的服務及遊戲品質帶給玩家；也感謝董事主席Mr. Truman Chan不斷的支持協助，我們有信心在即將到來的正式收費階段順利流暢地進行下去。”
