不經不覺又過左 3 個月，原本打算打返最近呢3 個月發生過o既事，點知一開個 hompy 先知道呢個 blog 就快要 close 喇~~ 雖然我已經唔係日日寫日記，但呢個日記係記載左好多過去 4 年o既生活點滴...... 曾經又用過好多心機整到個 blog 靚一靚，就算當年有好多人都叫我用 xanga，我都唔捨得放棄呢個 blog _唉 係時候真係要搬家喇~~ 有時間都一定 save 低過往所寫o既日記，唔可以白白遺失.....

最近成日都失眠呀 !!!!! 其實我已經有 5 年冇失眠，點解突然間又開始發作o既 ?

好掛住各位朋友仔呀 _~ 我覺得我o既生活只有返工 & 放工，再係咁落去，我會冇晒 d 朋友喇!!! 你地幾時得閒?? 有 gathering 要約埋我呀........

昨晚瞓唔著o既時候，突然諗起 F.7 o既自己，原來唔經唔覺已經係 5 年前o既事..... 記得 5 年前o既 3 月 prepare 緊 A-Level，第一科考o既係文化科，哈哈!! 到左 5 年後o既今日，我都覺得當年o既 A-Level 真係令人生不如死，永遠記得讀極都讀唔入腦o既中史，都唔明點解可以讀足 8 年....... 但我想講，even 我讀左 8 年中史，我都未清楚晒每個朝代o既歷史背景，係咪好過份呢?!

出左黎社會打滾左差唔多 2 年，就發覺自己愈來愈懷念讀書o既日子，我覺得社會真係好現實，我唔識用咩技巧面對人同事，好多事總係令人無所適從，就算諗到 d 辦法處理 & 解決事情，但唔代表萬試萬靈，當然有好多時都要考驗下自己轉數夠唔夠快 =.=" 我自問自己轉數唔夠快，都唔知點解..... 唉.....

自從 club house 開左之後，日日都係 OT..... 以前覺得日日 OT & 返足 12 hours 係忍受唔到o既事，但原來....... 時勢迫人o既環境真係冇得俾你選擇，係就係唔多願意，但都要忍!!!! 就當係先苦後甜，希望幾個月之後冇咁忙時就攞大假去旅行啦，就算短程都好 ~~

踏入廿幾歲呢個年幾，身邊有好多朋友 & 同事都結婚喇~~ 昨日去左同事o既 wedding party，場面都幾感動呀~~~ 新郎致謝時感動到哭起來，連我都被受感動。要搵到一個下半生可以共患難o既人真係好難，好羨慕已經搵到幸福o既人呀 !!!!

最近諗左好多好多野，亦諗緊下一步應該有咩部署，目前最重要係儲錢，希望 3 幾年之後唔會咁惆悵....... 一諗到將來咩都係要錢，都唔知點算!! 以前讀書o既時候，好希望儲 3 年錢就讀埋個 master，雖然讀書係好重要，但而家發覺原來有好多野更加重要，我覺得真係要有所取捨..... 可能負擔重左，好多野都唔可以兩全其美，唯有一步一步盡量實現理想啦.....

愈來愈懶寫 blog，原來我已經有 4 個月冇寫過 lu~~~ 我諗就算我 uplate 左都唔會有人黎睇~ 實在太耐冇寫~

呢幾個月o既變化好大，太忙喇!!! 有時間都只係想o係家中休息，好耐冇見過自己 d 朋友，就連 msn 都冇咩點開過，返工日日都要對住部電腦，返到屋企連開電腦o既意識都冇.... 哈哈~ 當然，如果o係公司有少少時間都會立即上一上 facebook 啦，唔 relax 下自己真係會搞到心理唔平衡...........

最近壓力大左好多，竟然出現失眠 wor~~ 好怕會好似以前咁成日瞓唔著 tim..... 不過..... 相信只係一個過度期~

最近有一個衝動，好想好想讀書!!!! 我打算今年法文，但可惜唔就時間，加上而家公司 d shift 已有變動，就算 take 左個 course 都怕趕唔切上堂啦 _~ 真係要計劃一下 ~~

做左 2 個月糧地官，終於可以辭去呢d 咁o既職位.....

今次真係一個新開始~ at least 我唔駛再飄浮o係茫茫大海，仲要擔心埋唔知幾時俾個海嘯捲走......

第 1 日返工，覺得呢間公司對員工o既 grooming 捉得唔緊~ 其實.... 都係一件好事，可以唔紮起頭髮，又可以塗鮮色指甲油 & 染髮，如果係以前o個間公司，一定俾人鬧死!!! 不過 d 同事都好 nice，都幾熱情.... =.= 希望會做得開心~ 我唔想又要走呀~

成長 5 小福......

2008 年.... 我地已經相識 22 年喇 !! 冇錯! 係 22 年~

今年終於到家姐 & 啟啟大學畢業喇 !!! 恭喜你地呀~

好開心~ 我地終於可以一齊影相~ 希望下一次唔會係 4 年之後 =.=

 

女人........

「如果 20 幾歲時碰不到好男人，

    那麼 30 幾歲很難和好男人結婚，

    如果 20 幾歲不開始努力累積財富，

    那麼 30 歲時就連十五萬都難以攢在手裡。

    20 幾歲時，即使不做任何事情，都不會遭到白眼，

    甚至做錯事都很容易被原諒。

    一旦過了 20 幾歲，年輕、財富、朋友、美貌，所有的一切都會變得愈來愈遠。」

突然間，覺得自己好快就會老....... 但 20 幾歲o既自己仍然訂立唔到方向，時間愈少，就愈擔心自己將來~ 我唔想到左 30 幾歲先後悔 20 幾歲做錯決定....... 即使有「遺憾」，都唔想有「後悔」。

不經不覺又到左 10月尾......

由充滿歡喜至失望得跌落谷底o既心情都係 2 個月內發生~ 呢 d 都係自己之前一直任性o既結果......... 原來一個人o既任性，後果真係可以好嚴重..... 經過今次呢一個教訓，我會明白凡事要學懂退忍~

p.s. 原來重見天日o既感覺真係好好~