《不能說的秘密》一套感動了我既電影，由得知會係我生日果日上畫，我已經決定生日果日要去睇，願望亦都咁樣達成左，生日睇到呢套戲。由於我超鍾意周杰倫，預計唔好睇，但係由佢本人自編自導自演我都好想睇，睇左，發現真係超好睇。一套本以為係普通愛情片既戲，原來唔係普通，個故仔睇到我都好緊張，一開頭用輕鬆既手法帶出左兩個主角既愛情係點開始，直到有誤會發生，女主角冇再出現到再出現，睇到好緊張，用塗改液在枱面寫字對話既果一段，我滴左眼淚，當時想像得到女主角既心情就覺得好傷感，周董拎住支唔係好work既塗改液回應既時候果段音樂好緊張，呢段戲真係勁深刻。仲有勁感人既位就係最後周董死都要彈埋首歌去見返桂錀鎂果度，好感人，最後冇死到亦都見得返，勁開心。仲有就係黃秋生做爸爸兼老師既角色又係好深刻，當佢打開琴譜最後果頁，知道個仔發生咩事，知道以前既學生冇講大話唔係痴線，果一度又深刻。鬥琴同四手聯彈仲有周董背住個琴黎彈果ｄ又勁好睇，完全係佢個人表演，睇到我Ｏ左咀。好認真講，真係想睇多次。

生日，過了～非常開心，得到好多朋友仔既祝福，我又大一歲～二十二歲既呢一年，係唔係應該又要諗下前路應該點過呢？我好似唔係好知道，自己應該要點樣走自己既路。呢一年，經過左好多改變，發生左好多事，工作既環境又再改變左，身邊既朋友又唔同左，家康都改變左好多，我呢都變左好多，呢個係不得不承認既事實，改變左係好定係唔好，唔知道～但係一定要接受改變呢樣先係我最應該知道既事，所以希望黎緊呢一年會有更好既發展，同要再長大一點，脾氣要收儉，要有分寸，希望呢未來呢一年會更好。

今日下晝點幾鐘，daisy打畀我，問我最近點樣，最近都好平淡呀，返工放假，多左返屋企，拍下拖，最大件事就係我人生第一次畀紅色炸彈炸中。之後，夜晚同老公食飯，佢同我講，佢終於都辭左工喇，其實我知佢想辭好耐家喇，不過有好多原因令佢冇辭到，但係今日終於都辭左，我都好開心，佢終於都下定決心唔做。不過同時又好擔心，唔知佢之後點，咁短時間唔知佢搵唔搵到份工，好想幫佢手搵，但係我又覺得如果我幫佢佢又會唔鍾意同埋唔想做，定係我應該唔出聲靜靜支持佢就算呢，我想佢可以搵ｄ平穩ｄ既工，但係佢又好似唔鍾意喎，我知佢想搵過份可以照顧到我既工，但係我又怕佢太辛苦有ｄ勉強自己，其實唔係因為佢同左我一齊，佢都唔洗顧慮咁多，有ｄ覺得自己成為左佢既負擔，但係想幫佢，又幫唔到，我真係希望佢自己冇咁辛苦，我同佢一齊面對呢ｄ變化，希望我地將來會更加好啦。

調左去ms都半個月，好奇怪，唔知點解反感度同al果陣一樣，係唔係我真係唔適合做呢？其實原來以前係al做得係開心家，做落唔係真係辛苦，而且比較自由，想唔返就唔返，完全唔洗認真，亂做都冇所謂做錯野就由得佢，以前係咁樣，唔洗理同事點睇，唔鍾意做講出黎我唔做就唔做，不過ｄ同事真係極度唔ok，總覺得終於明白林恩恩點解想返去做，點解要為ｄ衰人要自己走呢，走左其實真係未必好，睇左其他地方，原來果度都真係最好做，起碼悠呀嘛，唔鍾意ｄ人，咪唔理囉，不嬲都唔點同佢地打交道，雖然又唔可以話係後悔，但係有少少唔抵啦。呢邊咩，古古怪怪咁，可能係我既問題啦，好辛苦呀，我原全唔係好想係到做得耐，半年再搵地方去過啦。

好耐冇寫過日記喇～真係勁懶呀～差唔多成個月冇寫喇～等我諗下呢個月做過咩先～首先要講就梗係五月十一至到十四，四日既泰國遊啦，我啦，小康啦，大佬ray仲有margaret一行四人去左曼谷四日，一個超級hea既行程，玩既地方好少，但係極度悠閒，同埋絕對係一個超級shopping之旅，買左勁多野，食左勁多野，但係都唔係用左好多錢，所以真係超級經濟，如果年尾儲到錢就同媽媽去多次，真係超級開心呀，第一次同小康去旅行，我覺得真係好開心呀，希望下次去旅行可以更加開心就好喇。仲有呢，今個月係我係al最後一個月，去旅行前之幾日，竟然係al既breakroom入面畀人偷左部nds，真係太過份喇，本來對呢度ｄ同事都冇咁討厭，但係發生左呢d咁既事之後我真係憎到佢地極點呀～不過就係因為呢件唔開心既事，反而令我更加知道小康有幾鍚我同埋對我有幾好，真係十分感動呀～最錫就係老公喇～黎到今日，淨返一個星期會係al真係好好好開心，希望快ｄ過埋呢個星期，走呀，快ｄ走，一諗起可以走，我就好開心喇，希望老公都可以快ｄ離開就好喇～收到aa果邊既secdule，返一至五九放六半，真係超開心，返office咁既時間，以前成日都唔鍾意，依家又變返呢ｄ放工時間，唔知我又會唔唔會頂唔順呢，不過我諗應該唔會既～希望可以快ｄ過去啦～

今日呢，有好多好野發生一樣，期待已久既旅行計劃今日終於叫做預備完畢，旅行社已經打左黎通知返ｄ機位同酒店完全冇問題，叫老公去找埋條尾數喇，咁樣呢過兩日去拎埋機票就可以如期出發喇～另外呢，我之後apply左既T&A係漫長既等待當中今日終於收到HR正式既電話通知，6月3號就可以離開AL呢個恐怖既地方，去第二度有新既開始喇，雖然唔知果邊係唔係真係好，但係我會覺得點都係離開左AL先，如果果邊唔OK的話，咁就又做一排先再算囉～同埋我過到去，起碼唔洗老公咁擔心，可以放心走左先呀，我都想佢快Ｄ搵到份終身職業，咁我地就可以快Ｄ有個家喇～

今日呢，係老婆日，即係我話晒事既一日～好野～老公要聽晒我話～一大早，我地第一站呢，係上山頂，好開心呀，我好耐都冇上過山頂，仲要係搭纜車上去，真係好多好多年冇試過～好開心兩個人，今日真係勁悠閒呀～悠閒地上到山頂，不過今日天氣唔係咁好，成日都天陰陰咁，所以呢冇咩野睇，我地都唔係留左好耐～上到去，食左burger king，薯條勁好味，汽水勁大杯～跟住係山頂廣場行左一陣，之後又落返去中環行街～去左h&m，真係超多人呀，但係好多野賣，我又好多野想買，雖然老公話可以放肆一天，但係我都係決定去左旅行先，去完返黎仲有資金先再去過啦～行完之後，我地又去左尖沙咀，行左利時，都係忍唔住係果度買左對鞋呀～勁開心今日全日行街～之後我地再落旺角，臨近晚飯時間，響唔係好多人既情況下入左去板前，本身好有期望既壽司店，一直以為咁多人等一定好食既情況下，我地食完覺得真係好唔掂，推介的，冇得食，一般的，真的非常普通，除左料足之外，味道同口感真係唔係咁ok～我呢，都係覺得活壽司好食好多，雖然係活壽司分店增加既情況之下水準有所下降，但係都仲係好食好多囉，今日食既板前真係令我太失望喇～跟住呢我地食完野之後就返屋企囉，今日真係超開心呀，好多謝老公陪足我一日，一個電話都冇聽，好感動呀～

逼得太緊　吳雨霏
情人當然愛情人 祥和心不要去問　纏綿怎可給催促誕生
是我　共你逼得太近　你間中想一個人　跟你早應該要如遠若近
＊我今天知不應該　手機中要你示愛　纏在附近令你沒自由出外
我是活該　逼迫你被深愛　一不滿意淚落下來　嚇得你要分開
如我知錯　可否乃念最初　再苦都快樂過　要告別懲罰我　怎可
你太重要使我淚亦落得多　見要見得多
假使感覺被折磨　能減少點愛　是否原諒我(重新開始過　越愛得輕泊)
情人總想吻情人　然而不可變責任　如勤工獎怎得到快感
是我　為你早戀上癮　成為熱心的怪人　不再值得一吻　和你未襯
REPEAT＊
如我知錯　請親我像最初　再苦都快樂過　太多愛便嫌我
我　我願意改過　那計較清楚　那個愛得多　青春不怕被蹉跎
自尊心都放開　認錯
＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊
我係唔係真係太唔大方呢？好小朋友呀可？係我唔識得睇諒？真係逼得你太緊？又鬧交，因為大家一直都唔夠坦白？以為就對方就好？最終忍唔住就發左脾氣喇。係唔係咁？其實大家心入面係唔係都有好多野要講？我唔夠坦白我認喎。我係唔係真係太幸福而自己唔知道呢？應該要滿足，係唔係？我係唔係唔應該成日都要你陪住得呀？一齊咁耐，到底大家係唔係真係知道對方為自己做過ｄ咩？到底大家又知唔知對方想要ｄ咩呢？以後係唔係應該見少ｄ呢？可能我走左，見少左，會開心ｄ掛？我係唔係真係要得太多呢？要你咁樣，要你呢樣，要你果樣。因為我太野蠻，令到你太辛苦的話，「對唔住呀。」因為我太冇安全感，令到你太擔心的話，「對唔住呀。」因為我太過任性，令到你受委屈的話，「對唔住呀。」因為我說話太過份，令到你難受的話，「對唔住呀。」因為我逼得你太緊，令到你抖唔到氣的話，「對唔住呀。」因為我太過自私，令到你太激氣的話，「對唔住呀。」因為我太過蠢睇唔到你對我既好，令到你太傷心的話，我要講一千句「對唔住呀。」因為我以為自己好愛你，而感受唔到你原來比我愛你更愛我的話，我要講一萬句「對唔住呀。」

康，我真係好想同你講，「對唔住呀，原諒我可以嗎？我真係好愛你呀！！！」
我唔會再逼你家喇，你都應該有你自己既生活，多謝你一直都陪住我。

講完喇，仲有就係每一晚都一定要講，「老公，早抖喇。」