一天做齊先約埋鈞佢地食早餐 -> 海洋公園 -> 食晚飯 ->  Aaron 演唱會 -> BBQ ->網吧打機 -> 吃個豐盛既早餐傾計傾到中午12點 -> 返到家暴訓

我都覺得自己好勁，點解可以一天做完以上既野，簡直攰死了，學臭多話齋，我呢度係等於人地2日既行程，我就縮短為一日，都覺得佩服自己  不過真係玩得超開心，我地一開始就遲到搞到11點先黎食我地既早餐，仲要係你急我唔急既心態，去到都12點了，不過好彩d game唔多人等，我地又唔洗排長龍，同上年既聖誕節相比，簡直蚊比同牛比，鈞同鼠又超爆笑，尤其玩果個滑浪飛船先好笑，人地坐船滑落去都係濕小小身，我地滑落去就大半邊身濕晒，仲要坐時個個對腳都鬼死咁長，坐都已經難坐，仲要猛玩左遙右擺，事後又要去wc用吹風機吹乾(有吹等於無吹)，要去玩洗衣機機動著住件外套將水吹乾，哈哈哈~~  最衰泰泰身體有事，唔係就可以一齊玩更開心啦，可惜可惜..... 不過真係好開心泰泰有講我知佢有事，唔係我就會變成兇手，好彩無事啦

之後6點幾，我同petpet約佐泰泰係紅磡食飯，見到佢行路真係超辛苦，都忍唔住想幫幫佢，但又唔知點幫好 = ="  不過食飯真係非常唔自在，平時咁多野講，居然係面對面就無野講，真搞笑

我地食完飯再入去，已經開場了，由於時間關係加上泰泰真係有事，我地要話泰泰隻腳傷佐要行黃閘入去，其實我地係紅閘要兜好大個圈先入到，仲記得看更講果句，"你地見佢有事都唔扶佢自己行自己走" 好鬼好笑，果陣仲要得我1個扶住佢，哈哈，坐低一見個台感覺好平平無奇，但估唔到會有咁大既轉變，居然個台180度升高企起度，從來無見過concert個台變成咁，又要玩體操，都幾有新鮮感，但唔知係咪自己太攰，定係真係悶問題呢，唔係太集中，而且我又知道我幾個朋友都係同一個場館(仲要佢地係唔識)，我又猛搵佢地蹤影，係encore果度真係幾好，佢又肯出黎，同我地唱佐幾首歌先走，走時都11點45分到了.....

再約佐臭鵬係紅館門口等，係架車都唔會悶，4個有講有笑，氣氛都算ok，去到11個人齊齊bbq，又唔可以比泰泰知道我同petpet返屋企拎蛋糕，又要執定屋企d傷口架餐，但我地又擔心佢悶，據臭鵬報道，我地2個話買野就失蹤佐45分鐘，點知d電話猛搵我地，哈哈~~~ 我地都想比泰泰一個驚喜啦，見到泰泰都開心咁就好了，我曾應承過會佢搞個大既生日會，希望我做到了，heehee~~  仲要比臭多話我搞既party同女王上次生日爭好遠，因為上次女王生日只係打邊爐....

之後泰都唔知係咪睇完Aaron跳得咁勁，話要去網吧打機，我地就租佐2架的士落荃灣打機，簡直勁，仲要當正自己屋企咁走黎走去，當人地個場無到，哈哈.....  死佬仲要係個老婆面前yo女，仲要叫我唔好阻住佢，真過份啦，嗚嗚 >﹏<"  生日真係大晒，哈哈

後尾臭鵬，pet，我，壽星仔一齊去大家樂食早餐，勁呀，我地當人地無到，猛傾計傾佐足足2粒鐘先走，我地超多野講，果陣先覺得真正既泰泰返黎了，我地走時我仲記得隔離台係食緊中午飯架，超勁~~

ka28號返黎HK了，我地又有得玩啦，諗起都開心，呵呵呵~~

琴日勁忙，放工後先同同事齊齊化恆裝，再黎自拍，玩了半個鐘，再搭的士再join另一班同事，就係為佐去CAROL觀禮，一見新娘就覺得佢變了小公主，好靚啦，當然我地本身係隱瞞佢個個唔去觀禮，所以佢見到我地都特別開心，觀完禮就同班同事去唱K，哇~~~ d人已經話我唱k係成日蓋住佢地把聲，估唔到一山還有一山高，sam你唱歌超勁，我相信可以絕對唔洗用咪唱都得，哈哈哈~~~

再之後去婚宴，估唔到CAROL最終忍唔住眼淚喊出黎，我都為佢開心而眼淚流出黎，好感動~~~ 拍佐9年拖係值得架，又嫁佐個好老公~~換佐幾套衫真係覺得你好FIT好靚啦，唔怪得你日日挨三文治都值得，忍不住套套都與你合照，仲要摸你纖腰影相相，呵呵~~ (剎那間都覺得自己成個男人)

再黎又join另一個frd與她既朋友一齊飲酒，wow~~~  唔知係咪太耐無落bar，你地玩既gaem好似我唔多識咁，唔同佐勁多，不過好低能好爆笑，飲得勁多~~  個人仲係好清醒，死火，唔通唔識醉字點寫..... >﹏<  一玩就玩到5點先返到屋企

點知到今日就黎料了，頭痛得要命，我足知明白拍戲點解飲酒次次都摸個頭，抵我痛佐成日，亦都今日訓足全日，唉 = ="

今日都見埋老公，覺得已經見到好多人了，真開心 ，老公俾我想像中令仔好多，kaka~~~  同埋個人都係咁好，good~~~

成班齊娃娃識到你地真開心，又多佐細佬，妹，老公，知己，仲有一大班好好好朋友，係我一大快樂事，希望可以長長久久~~

今日本以為出糧會加人工，點知落空了，是否我表現不好?  能力有問題嗎?  當我睇到我戶口，腦海裡只有這2個問題，為什麼做了這麼久連點兒都沒有?  我並不是因那幾百元強迫公司加給我，我只是想知是否我能力不勝任問題或甚麼出現問題嗎?  我決定等放假後好好問問經理，等自己都心安理得些，好, 決定吧!!!

或許是自己想太多了吧，有需要隱瞞嗎?  用密語問你也試過，都說不知道找不到，件事都過了很久吧，我已沒上心了，是因妳想保護我?  是因你只覺得是件小事?  還是他不想妳說呢?  還是妳怕我誤會?  或者是善意的謊言嗎?  我想的種種因素，我真的不太懂......只知道當知道這件事由第3者向我說時，受了不少打擊，我寧願妳當初向我說還好呢......我向妳明示暗示都做過了，但知道妳已不想回答我問題，我當妳是我的知己良朋，但猜不到我應該怎樣面對妳，ka與泰泰都想我沒事開心與妳和好，但以我性格我真的可扮作沒事與妳相處嗎?  在我朋友眼中，我是他人的開心果，但這件事，我已變質了，有可能再做他人眼中的開心果嗎?  但我真的不想因我的不開心換作泰泰, ka及妳的不快樂，算了吧......算了吧，或者是有因由呢~~ 我只可以自我催眠告訴自己，況且再講已不到我知道的範圍。我只想妳肯勇於把以後真實的告訴我，當我是妳的好朋友，我已心足了

不過都要多謝ka與老公肯聽我的訴苦，我知道這件事令你們很難做，尤其老公，我知道呢件事令你好不快樂，因我們兩個都是你的好朋友，我真的好後悔向你討苦，令你在msn都有寫我與她的事件，以後我希望可以沒事吧，我知道我可以做到.....

後記:  很開心，與妳已解決所有誤會，人也一下子輕鬆不少，哈哈哈~~~ XDDDDD

近這3個月，我過的生活過得完全不是人過的，工作多到不能接受，每晚都11, 2點下班，薪金又沒調整，只得個"做"字，大陸廠又不合作，經常錯漏百出，d貨又多，做到人既神經指數都偏高了，一哭, 二鬧都做過了，除了上吊還沒做之外，我選擇性用第3個方式"接受現實吧"，所以每天都過得辛苦.......人也一下子瘦了14磅 (當然現在胖回來了)

在6月30日，我已累得不像人形，好朋友生日，我已在前一天做到11點才離開公司，當天我都盡趕忙完，但當我離開公司已3點多，壽星女都沒心情慶祝，說取消了，當時真的不知道怎做好，因為我和另外一個朋友都不是有心才遲到，唉.....  我就與朋友參與另外一班朋友的聚會，還玩到零晨4點才在旺角搭車....

點知就有事發生了(沒吃飯的朋友千萬不要聽)，我去弼街打算搭泥猛的，見到小巴有位，又差一倍價錢，就去搭佐小巴，還好幸運地坐了單丁位置，打算睡我的好夢，點知車程到一半的時侯，忽然覺得有野在我身上，一打開眼.....媽的!!!!  我隔離行的人醉到把嘔吐物嘔到我和他隔離位果個男人身上，簡直痴線!!!!   仲要我上身, 褲, 袋, 甚至連我隔離既窗都有佢既嘔吐物，%E@*^#$!(^!#(^ 氣死我了!!!! 我第一時間清理他帶來的污穢物，甚至見到一條雲耳排住我件衫，嘩)))))))))))  救命呀!!!!!!!!  但我不知是否近來的工作令我情緒變得沒所謂，所以我居然沒有罵他，我都覺得自己EQ非常之高!!  難得難得!!!  但我雖然沒有即時罵他，但我一下車第一時間打給我朋友剛才的慘況，還要粗口連篇，氣死我了!!!!

回家後還要洗了兩次澡，把東西清理完後，都已早上7點幾，我還約了一班朋友看戲，但不知是否驚嚇過度，一醒來就病了，不知道為什麼每次假期我一定會病，但因為朋友已買了戲飛，所以不能不去，死死地都要去參與，這班可算是我第2班game frd(勁舞團朋友)，玩得很開心，還要上朋友屋企玩wii玩天光，但當然病菌都是跟著我來啦，到7月2日我已病到連聲音都變得沙啞，已睡了一天，但當我7月3日，我已通知我head說看醫生後才回來，但到下午我真的不行了，打電話再說不上班，但我後面的同事已把我罵到好像我是假病一樣，唉.....  因那天的工作量多到不知怎做好(好在我沒來上班)，如果不是死的一定是我.....

超耐無寫日誌了，轉眼都有3個月，呢3個月真係好快就過........不過都寫番呢幾個月做過d咩先.....驚老佐唔記得番

2月，好多謝某人在情人節為我做既一切，果刻真係超開心。 現在只係怪於自己，抱歉令你難受，希望能將唔開心既事盡快抺走，我們仍然是朋友吧

3月，多謝班好朋友，為我搞生日，仲要為我唔返學同我睇戲慶祝喎，真係開心屎啦，不過又要接受老多一歲既事實，嗚嗚~~~

3月尾又去埋運輸公司老細個仔結婚既晚宴，真係玩得好開心，見到好多舊同事，同班司機又玩得好癲，真係見到你地超開心超興奮啦~~~

4月初，仲要上埋司機屋企BBQ，今次係第5次搞聚會喇，仲要有工人服侍周到，又唔洗拎住支叉去燒，簡直係食緊BUFFET咁，超正~~~  希望仲有多D機會上孖6叔叔屋企玩就好嚕，呵呵~~

而家仲要勁玩"勁舞團"，仲識到班好好好好傾既一大班朋友仔(太young，唔用仔黎形容都唔得果種)，7月仲話一齊出黎食野，希望快d見到你啦，ka*~~ 哈哈~~~ 

而家有了新計劃目標，只係唔知道自己能否實現啦，好!!!  save錢先得!!!  唔係一定實現唔到!!! 

努力!!!

今日同兩個frd諗住去銅鑼灣食完蟹兼去嘉年華玩番晚，約佐4點先起銅鑼灣等，佢地掛住行街，我地諗住食個海鮮宴，不過今晚既晚飯真係無得頂，叫佐個蟹，蠔仔粥，炒規，炒豆苗，真係超好味啦，如果再有機會食就好了。

但食完都成7點半先搭的落去嘉年華，尋晚睇到步步hompy同聽到好多同事講嘉年華好好玩, 點知真係發覺超好玩呀, 今日仲要開始減價潻, 由11點至到夜晚11點都係150蚊咋(星期六或日)，仲要有30個代幣送啦，平日仲要120啦，仲要有d games係岩d小朋友玩，就算一家幾口都可以去玩啦，可惜我地唔知道有減價, 仲以為有日夜場之分，所以搞到成8點鐘先入場，d games玩都玩唔晒，又唔知係咪減價，搞到鬼死咁多人，排隊都要排好耐 (不過相對日本迪士尼黎講, 簡直蚊比同牛比)，仲要玩唔到最正既G-Force同滑浪飛船啦，好想玩啦!!! 嗚嗚~~~ 只係玩佐摩天輪，風車，滑梯，碰碰車，類似海盜船既物體，洗衣機，轉轉的鞦韆，過山車(4個人一排果款)。至於掟公仔喎，估唔到以我實力，居然比我運氣地羸佐幾隻公仔啦，仲要有亞pooh陪我潻，我frd唔夠力掟飛標，搞到我要幫埋手，仲要幫佢羸埋隻m&m公仔，但得個掟字，自己又無份要，嗚嗚~~~~正一衰女包黎架!!!

唔得，我要去多次，下次我要羸更多公仔，玩更多機動遊戲先得，仲要玩晒d我未玩過既games，哼!!!!

我好耐都無寫自己HOMPY, 亦很少用上now.com, 一味掛住玩ONLINE GAME(開佐就唔用得msn), 一係就出街出街再出街....

剛剛足知睇完Ding's 全部o既hompy, 有開心的, 亦有唔開心的, 希望大家都能開開心心, 快快樂樂啦~~~~

都好想去我地o既聚會啦, 好想快d見到你地啦