昨晚聽到壞消息，我好朋友o既媽媽5日前剛去世了，沒想過會這麼突然，雖然人生係要經歷這些，但始終莫名其妙有種不捨o既感覺和悲傷，可能因我都識得她媽媽吧。  好朋友都能面對到，都算好事，因他們只有她一個女兒，所以都要安排生後事，她都說已安排完了，只未完成送到和合石火化，我都會陪著她一起完成，希望她能刻服吧。

不知道是因之前自己壓力過大?  還是因食錯食物問題，近來胃口真係欠佳之餘，仲要日日反胃嘔晒出黎，有時加完班連吃都無吃，第二朝早一樣空肚做事，唔知真係以為自己有佐，唔通.....

石嬰出世了~~~

工作壓力越來越大，最近又時常給人抽後算仗，不是，應該說是還沒抽就已算仗了..........

平常總是不帶壓力回來，歡歡喜喜的性格才像我，現在呢?  只有失落和無奈感，還有那種氣憤...

究竟是我不懂做事?  是我說事實不對而給他人怪責?  還是我跟本不適合這份工作呢?  做了這裡4個月，同事與我之間當然和諧共處，但台灣那邊就好像是水溝油那樣....由於我說事實而令那位台灣同事給責怪，我都很感到心內疚

尋晚失眠佐成晚已經好慘，今朝著佐對涼鞋返工，無諗過爛鞋事件又再發生，行行下已覺得對右鞋有d唔托，見到巴士追幾步啦，點知右鞋就唔頂唔順斷帶，但好彩就係，今日無落雨(平時落雨實會著呢對)，而且今次斷帶都可以拖住行返屋企，再者起巴士見到我同事，咁佢都陪到我有個照應先啦，後尾都起公司時間，我head陪我落佐樓下買鞋啦。

一落佐去就買佐對birkenstock既鞋，但咁又比我無意中見到曾有人話過想生日想買既一對鞋，真係感觸良多....我仲記得上次爛鞋，都有打比佢求救....

但返番上去都唔係好好受，因為起公司發佐好大脾氣，(我d同事都叫我唔好咁嬲)，但我真唔明白點解一間supplier可以搞出咁既野出黎，都唔知點做野，原本起班大陸同事同呢間office既人心目中，係一個好nice同好好人既同事啦，所以今次我發呢個脾氣，佢地都好驚，(咁就破滅佐形象了) haha~~~ 本身就係因為人地錯失既問題，我就迫住挨OT到5點鐘先放工，但起途中，我同我亞姐仲有個同事齊齊OT一齊食pizzahut啦，正~~~

之後同亞姐一齊去車站(所謂叫亞姐, 都只不過其實大我幾年)，但佢上佐車之後，我先記得八達通無錢，又要返轉頭入錢，呢度返工車費真係好貴，唉

尋日為佐睇世界盃總決賽，特登訓番個晏晝覺，諗住養精蓄銳睇番場波啦，果然真係等到，仲要同細佬一齊睇潻，但估唔到要搞到加時比賽，仲要已經鬼死咁眼訓，半醒半睡之下就搞到5點先訓。

點知今朝搞到唔知醒，遲成個鐘咁制，諗住打比亞姐報到先啦，點知又比佢話我肯定睇波先搞到遲到啦，唉.....每個月遲到只能有兩次(30分鐘後計算)，今個月頭已經比塞車用佐個quota，而家仲要黎多個潻，真係唔可以再遲到啦，唔係就要扣錢嚕~~~好陰公啦

唔知係咪眼訓關係或係工作真的太煩，搞到自己好似有所謂既狂燥症。台灣人，香港人，大陸人，3種人之中，我本來以為大陸人應該係最難以理解，點知今日我先發覺台灣人才是冠中之冠，服佐你了

上星期搵佐一日同班同事去學整蛋糕，估唔到第一次就咁樣比佐佢地啦，haha~~~

估唔到整一個蛋糕係要咁用心，足足要3粒鐘先整到個mango mousse cake，上面d材料自由發輝，但我又衰貪心起咁加呢樣果樣，正係cream都係勢咁加，搞到出晒界唔靚仔啦，整完仲要出面落雨，起紙盒上面加膠袋先拎得走，本來想送比一個朋友，但由於............總之到最尾都無做到，最後拎佐返屋企比家人試食，我都食佐一塊口味算不錯吧。

我足知睇完"淘氣小親親"等於"惡作劇之吻"全集，基本上劇情同漫畫差唔多，但唔知點解睇完總有種失落感，或者我真係唔捨得個作者已離開佐人世啦，又或者我近排心情總是很失落吧，其實睇睇下就會發覺男主角越來越靚仔，笑起上黎好甜好舒服，而家等續集出吧，拭目以待!!

尋日放工約佐班朋友又起長沙灣食米線，租書兼食埋松記糖水，勁正~~~攪下呢樣攪下果樣都成4點了，夜晚約佐另一班朋友8點去聽Vivian concert，所以有3粒幾鐘時間唔知做乜，之後我地諗有咩做時，曾經聽另一個朋友起電話講x-man勁好睇，我地就索性去奧海城買飛睇戲，但去到時都成4點55分，已經開佐場15分鐘，所以選擇5點55分果場，不過計過睇完都要7點40分, 時間真係好趕好趕，但都無計，諗住20分鐘應該趕得切掛......哇.....估唔到真係x-man超好睇，仲要嫌佢片短潻啦，我frd事前仲要叫我地留意片尾，呢套片最尾都有講話藏玄機，咁我地咪坐定定等睇片尾，我時間已經好趕，但又想知片尾究竟有d咩, 可能因為case真係太過強勁, 等佐成5分幾鐘d名都仲未show完，但都係繼續等，原來就係為佐兩句對白就等佐成7分幾鐘.......

之後同frd say bye就轉小巴再轉火車去紅磡, 就足足遲到10分鐘，仲要我想去toilet好耐，又即跑去小解，比d frd想殺屎我咁款..... haha.....但我地好彩岩岩都趕得切入場姐, 唔係實屎無生.....

哇.......Vivian好靚好靚呀......佢係我好鍾意好鍾意既偶像，果然值得睇, 可惜果時因無人買飛要迫住坐200啦， 唔係實會坐400潻啦，仲要全場爆滿，西厲囉~~~但有一幕真係好感人，古巨基又講野真係好好笑，好抵屎，笑到我地屎屎下啦，點知有隻人扮既大貓出場，仲攬住vivian唔放，又摸呢度果度咁，點知基仔就講"你好喇喎, 摸呢度果度仲唔放手???  你唔好以為你係貓就得, 係人都知道你係人扮架啦", 就即將隻貓頭揭開，估唔到係倪生啦，攪到vivian即喊，仲話呢場戲係瞞住vivian架，哇......我都覺得好感人呀~~~對眼都有d濕潻啦，如果有男友肯為自己咁做既話，實lum死都抵啦，最後仲要encore再encore，唱到11點45分先完場。

因為我frd同我都非常鍾意vivian啦，又係最last一場，估唔到我地咁大個人第一次起紅館挨肚餓等偶像出黎(我地全部人都未食晚飯)，足知等到12點35分就出黎啦，佢真人真係好瘦好瘦呀.....同我差唔多高，真係好靚啦，因為太多人既關係，我同我frd又影唔到相，唯有靠其餘兩位孔武有力既男性朋友幫手先影到一張仔咁大把.......之後先搭的落番旺角食我地既晚飯啦，仲要又落大雨，又難等車，返到屋企都成3點了.....勁累勁累呀~~~~

原來等明星真係唔簡單既一件事.....狗仔隊，追星逐既fans們，你地真係好勁好勁啦，我自問唔夠同你地爭飯食

尋日放工約佐朋友去APM飲茶, 因為佢約佐11點起九龍灣見工, 所以好早霸定位等我放工, 一傾就傾到3點幾先走, 西厲囉~~~

之後4點約佐另一班朋友去鑽石山睇"達文西密碼"，唔知係咪太多人話呢套片勁正，講到好似非睇不可，但我睇佐既結綸是唔睇好過睇，一來唔係好明同有d悶，最緊要就係講到達文西真係好聰明，感覺同宗教完全無關連，其中一個朋友是基督教徙，她都不太滿意呢套片的推翻耶穌理論，呢個我就唔知了....完全對聖經一無所知.....

睇完都7點幾，再接住去銅鑼灣打網球，呢班人係我frd既frds，加加埋埋成8個人，其中我兩個朋友加埋我都係未打過網球，今次都係我地既處女下海戰，感覺同打羽毛球好唔同，羽毛球係向上發，但網球就向下發，我地3個成日都似打羽毛球咁打，一係接唔到波，一係就當打壘球咁變成全壘打，其中一個frd打到個波飛落條河到，西厲~~~，唔係打佐好耐就已經出晒汗，我朋友個frd好用心教我地打波，佢地真係打得好勁，感覺好好玩，我地仲諗住以後book場買塊拍約埋自己frd打啦

之後打到10點幾再食埋野，我frds好想去欄桂芳去飲野啦，就捨命陪君子，入埋一間bar到飲野，都幾好玩，d歌幾好聽，感覺都幾舒服，但玩到1點，我真係好累好眼訓，頂唔順走先歸新界的溫暖之家。