剛想訓既時候突然收到舊同事電話，john死咗．．．我呆咗幾秒．印象中佢係一個對身邊所有人都好好既老人家，雖然有ｄ唔相信你真係走咗，但我永遠都會記得你！

天天都跟你過 今天卻要靜坐
在思考怎可像最初

都休息左幾個月啦，成個人都鈍哂．．．

好耐冇寫野啦．．．原本而家應該係醫院等做手術．但醫生又話我個度數未平衡，做手術會好危險！！！由原先肯定１３號做，到而家同我講唔知幾時先可以做．．．

又要再等．．．真想快d做手術，唔想諗咁多！

９號院，１０號俾我出黎放假，到１１號一早又要入番去，唉．．．都唔知幾時先可以做到．．．

尋晚係屋企跣親．．手同腰都好痛．．我喊咗好耐，又痛到成晚訓唔到．．．

嗰刻真係好嬲我媽，因我之前同佢講過好多次唔好著住拖鞋沖涼，沖完涼對拖鞋濕淋淋咁又番行出廳！我就係俾我媽留低既水印跣親．．．

細個成日跌親都好快就會冇事，唉．．．可能人大咗，機能老化啦．．．返到公司隻手開始又腫又痛，以我性格梗係唔睇跌打啦，我又未睇過，聽人講睇跌打會好痛．．．所以走去買咗支＄２０既跌打酒，諗住想返到屋企先搽跌打酒，但最終都係俾人軟硬兼施咁由我同事陪我去睇跌打．．．

咁就冇咗＄３６０．．．

本來今晚約好細佬出黎，放工後打俾細佬聽到佢把聲好攰，雖然細佬唔肯認自己訓緊覺，但我都知佢而家返工辛苦啦，做家姐都應該體諒下細佬既！其實真係驚細佬會捱到病，始終休息對身體都好重要．．．幾時同我傾計都得啦～

今日突然好想執下一個差唔多一年幾無開既櫃桶～都已經唔記得櫃裡面係有d咩～

原來呢個櫃係放咗好多回憶，有相，情信&公仔．．．睇番之前既情信都幾得意，原來曾經有人係信入面寫咗一首我好鍾意既歌詞”用心良苦”俾我，但我都唔記得個刻收到呢封信既心情啦．．．

哈．．．仲有一對forever friends既熊仔連心意咭，係我既好姊妹送既～可能妳都唔記得送過呢對熊仔俾我，不過唔緊要～現在放係電腦檯上，下次妳黎我屋企會見到啦～

今日終於決定排期做手術啦．．．唔知排期要等幾耐？

來想話俾細佬&朋友知．但自從有病後就唔多想主動搵人．．．

算啦．．．就當我懶啦，都係過幾日先同佢地講～