今日突然好想執下一個差唔多一年幾無開既櫃桶～都已經唔記得櫃裡面係有d咩～

原來呢個櫃係放咗好多回憶，有相，情信&公仔．．．睇番之前既情信都幾得意，原來曾經有人係信入面寫咗一首我好鍾意既歌詞”用心良苦”俾我，但我都唔記得個刻收到呢封信既心情啦．．．

哈．．．仲有一對forever friends既熊仔連心意咭，係我既好姊妹送既～可能妳都唔記得送過呢對熊仔俾我，不過唔緊要～現在放係電腦檯上，下次妳黎我屋企會見到啦～

今日終於決定排期做手術啦．．．唔知排期要等幾耐？

來想話俾細佬&朋友知．但自從有病後就唔多想主動搵人．．．

算啦．．．就當我懶啦，都係過幾日先同佢地講～

上星期係識阿wing咁耐，第一次去佢屋企～佢係我所認識女性朋友之中”最特別”

平時聽我呢個契姐講到佢自己好似好企理．．．但當我入到佢間屋．．．就好似去到古老既廟宇，全屋傢具黑黑黃黃又多塵！最可笑係契姐話好辛苦拖完地，唔除鞋唔俾入屋，但只係行幾步，我對襪已經由白色變黑色．．．咁叫拖完地！！

原本今日放假想係屋企訓餐飽～但一諗起契組間屋．．．真係驚自己間屋會變廟宇，所以決定今日執下自己個竇～

哈．．．聽到你話鍾意首歌就開心～