呢幾日成日都好燥，日日都唔知為乜事發佢脾氣，我真係好唔開心，有時真係想冷靜下。冷靜係咪真係要離開呢？離開之後我究竟又會醒嗎？我其實都好希望同佢一齊開開心心，但我真係唔知點解我真係收唔到我既脾氣！佢而家己經無咁緊張我啦；佢開始用好惡既語氣同我講野，佢開始嫌我煩啦；佢開始係我發脾個陣唔理我啦。我係一個受軟唔受硬既人；點解你唔可以tum我耐d 呢？對於佢對我有咁大既轉變我開始有點兒不習慣。需然而家對佢未出現心淡既感覺，但好多野都話左俾我聽我好快就會心淡架啦！今日佢同我講左好多我地將來既野，佢話儲到錢就娶我，我唔知佢係咪因為想tum住我先；可能佢想我開心掛！就黎一齊四個月；但係係呢十日我扭計提出分手己經數十次，每次講完之後我真係好唔開心，好想走左去就算架啦。但係原來自已唔捨得。係咪好似自已咁講係因為自已未心淡呢？我就覺得唔係啦，因為我真係愛上翟家大爺啦；可能下一次我會的起心干離開架啦。呢幾日因為開鋪既野我地又意見不合啦；點解你真係唔可以聽下我意見呢？好多野我都係為你，究竟你又知無？我真係鐘意你點解你唔可以對我公平d試下站係我立場去睇？鐘意一個人要學識乜野叫了解！我希望你會學識乜野叫了解之外仲學識乜野叫珍惜？我知道如果你睇到我寫既野，錯就好似真係你錯咁！你一定唔服架啦！對唔住呀老公，不如我地一齊去認識包容、珍惜同埋了解好無？

番親坪洲都會俾人問：呀妹係咪有左呀？跟住我就會答下！當然唔係啦，搞錯呀不嬲身材算係fit既我；突然間被問到呢d問題；好自然覺得怪！番到屋企問老公；佢就話！點會肥呀，老婆好似個公主咁靚；激死我啦。問親佢有關我既身材！佢都一定咁答！上磅一睇，重左成二十磅。搞錯！同老公同居既得益除左多左個人錫，就係呢二十磅既體重！唉咁大個女都未試過咁肥。老公你應承過我無論我點肥你都要錫晒我淨係可以愛我一個！中壞我！令我成為世上最幸福既公主架！haha上一個月唔係食訓，黎緊呢個月我要努力kp fit減肥！晚晚都要去跑步。

今日又激嬲型仔老公啦，我唔俾佢落街同個fd食野，跟住佢好惡同我講得啦，唔落啦！當時我真係有d嬲但係同…係我嬲個陣alan打黎俾我；我地傾左好多野！佢話我太野蠻啦，唔可以咁自私唔俾自由佢，我都想俾自由佢但我唔放心嘛！呢個男友俾得太大自已度佢；我怕連我係邊個都唔知；其實我都唔成日留係屋企，我都想同佢出去行街食反，拍下拖咁架！老公話搞生意俾我做；但未有咁快；我好想擁有自已既生意唔再受人氣；就算係失敗我都想試，希望我會有我既理想

番工既事搞到我好唔開心！偏幫個d識擦鞋既，呢班咁既上司我可以忍到幾時，佢好似當我同mandy唔存在咁。我有時真係會林，會唔會因為我搞到mandy咁呢？因為我既率直、鐘意講乜就講乜令人不滿呢？激嬲人唔知呢？講真架！我真係唔知個個八婆c奶想點，我都係想搵到錢，實現自已夢想炸。點解下下搞三搞四想我走炸開聲囉！唔使同我玩對侍！搞小圈子？工我可以唔做，但我唔服！我死都唔認輸。

呢幾日我成日發老公脾氣，好可惜係我最需要既時侯；佢無去陪我渡過，佢居然係我發佢脾氣個陣唔理我；我真係好唔開心！究竟知唔知我幾難受？我工作壓力好大，我覺得好累！我好驚我需要人陪，需要我愛既係我身邊支持我！你明唔明？有陣時會林我係咪應該分開下，俾自已清楚自已想點呢？我真係唔想因為我既脾氣令你唔開心！你又知唔知？分開會對你好d ka？

今日番左坪洲打麻！贏左610大元；我發覺只有打麻雀我先可以放輕心情；唔會林公司既野。我覺得好開心！老公你知唔知點解我咁鐘意你陪我番去？係因為我希望贏輸你都係我旁邊支持我！呢幾日我脾氣好差對唔住呀各位

2007年9月15日係老公考保險試既大日子，但佢居然唔知醒無去；好自私既想法，我係唔想佢考；因為我唔鐘意佢做保險；我怕會無左佢；自已亦都唔係未曾試過；我真係唔想睇到自已會重複犯錯，琴日我見到佢好努力溫書，我真係唔忍心蘇擾佢，佢因為唔想我唔開心，之前我係度既時候佢都唔會係我面前溫，搞到琴日臨急抱弗腳，而且佢仲病添，亦因為我怕熱要開冷氣搞到佢傷風，講真佢就我真係就得有點過份，見到佢而家咁可鄰只怪自已唔識做人女朋友啦！對唔住

一路都覺得唔自已事；公司開新鋪之麻，關鬼我事？但係我發覺原來唔係架，我開始會驚，時間一日一日迫緊，我開始感覺到壓力。可能我知道自已係新分店既一份子！今日終於離開青衣城，。係呢幾日既實習我學會到更多同人相處既技巧！亦都知道自已脾氣好大，我真係控制唔到自已既情緒？點呢？同自已講過我要做好呢份工！因為我己經長大？我要學識乜野呢獨立！學識乜野叫做無脾氣？唔知幾時的我先可以突破自已？仲有我呢幾日成日發開口夢！可能呢d就叫職業病？

好耐無見啦朋友，好耐無打日記啦，最近忙乜？無架都係訓教，睇電視，番下工囉？有人問我點解唔更新日記？唔係無只不過係寫低係日記薄度；但係俾人偷睇；咁唯有打上黎俾佢任睇啦，話緊邊個？咪係我既型仔老公囉！大家有無見到我放係日記既相？早一星期前老公買左鑽石介子俾我，好靚架，之後個日就買金沙花俾我，仲有買左nds俾我！我好開心，個傻佬成日玩求婚遊戲，俾佢笑死；佢係咪真係好錫我？我唔知，不過唔知點解我呢幾日脾氣好大，成日都唔知點解發脾氣；搞到老公無拉拉要捱鬧？我發覺自已真係好野蠻。佢忍到我算佢厲害架啦。點算呢？再係咁！會點呢？我應承左佢唔再亂發脾氣【係唔亂發唔代表唔發緊記】我係度好衷心咁同我既型仔老公講聲對唔住同埋我愛你。呢幾日老公就我就得連自已都覺得過份！辛苦你啦，哈哈！早幾日我煲涼茶俾老公飲，佢話好好飲；咁當然啦我有番咁上下架嘛；一日都咁夠就飲完好大煲架証明左係正野啦！自從我搬過黎住之後自已都好少飲湯水；以前媽咪煲湯我實問媽咪【飲左會唔會靚D架？】跟住呀妹就會笑我。大家明唔明我點解會咁問媽咪？聽日話你地知，大家林下啦！嘩原來老公買左好多衫俾我架，今日我發脾氣話走個陣原來有幾袋野架？唉！如果我真係要走幾難？

我己經唔想同你嘈；我開始覺得厭倦啦，你鐘意點就點；想媾第二個，我都無所謂。我發覺我無再好似之前咁在呼你咁緊張你。可能我真係無之前咁on  9la！永遠去林你既野！番左工己經2日啦；第一日覺得超辛苦；簡直想死！不過就真係識多左好多朋友；我既主任蛋啦；佢真係一個好好既上司；仲有mandy；佢好搞笑！總之番工既時間好快；而且個個都有傾有講今日佢地鋪既kakoo同我講話我太認真做野；好似咁係好習慣，下？做野又俾人話？搞笑後尾我發覺佢地鋪既做野個個都唔係好得！發神經！今日大p黎左睇我地；仲贊我醒添；咁快學識！哈哈！

脾氣呢樣野；個個都有？但點解我好似特別嚴重咁既？細個個陣屋企人做左令我唔滿意既事；我就會發脾氣；甚至掟野！一嬲就好似嬲左全世界咁；真係幾嚇人架。所以每次我對住屋企人發脾氣佢地好自然就遠離我十尺？讀書做野都係咁，唔滿意就發脾氣！唔記得有一次；家姐只不過係同我玩；唔記得佢講乜野我唔鐘意聽；隨手拎起佢部四千幾元新出既電話掟落地！佢一句野都無講就行左去，事後；問番家姐；佢有無嬲我？佢話電話壞左可以買過；唔掟都掟爛左唔通我打你咩？你係我妹你既脾氣差就全家都知；唔話你唔係驚你而係你而家大個女；要識得乜叫控制情緒？唔好咁易發脾氣；就因為咁我既脾氣好左足足二年；二年間我無再咁易嬲；無再掟野！好似聽落有少少好轉？但自從呢一個月開始；我發覺我脾氣差左好多尤其對住而家男朋友；但我嬲既時候最多係唔出聲西口西面！無論佢講乜做乜我都唔理唔應唔聽。但佢又會繼續tum番我；有時我覺得佢會好辛苦！需然我都好努力改；但可惜我做唔到；我都想做到你口中既平易近人大方得體；唔發脾氣唔管你既女朋友！對唔住；容許我慢慢改嗎？容許我短暫既任性得嘛？老公！我今日係咪又令你唔開心？又令你感覺煩嘛？不過你又再一次對我承諾未能對現啦！