返左SUNDAY lee 份工成年幾la，放工o既時候都會經過荃灣廣場，lee 一個商場以我所知係香港不可多得o既重有音樂噴泉o既商場。我由細到大對音樂噴泉都有一種痴愛，當我見倒音樂噴泉開動，我都會停下腳步，睇個夠本!! 我記得以前細個就算同屋企人食緊麥記都會衝出去睇!! 起碼到而家o既我都重會係咁!! 我鍾意睇著D水除著音樂舞動，加埋D燈光效果，我覺得好靚。以前我最鍾意o既音樂噴泉係沙田果個，好鬼大ka!! 鬼咁靚!! 不過而家無左lu!! 而家唔知係唔係無乜人好似我咁，定係D商場覺得音樂噴泉o既電費太貴呢!? 所以而家係香港以經無乜音樂噴泉lu.....

        我除左鍾意睇之外，其實我由細到大都有一個夢想，夢想係可以同我愛o既人攬住一齊睇一個音樂噴泉!! 女仔o係前面而我就o係後面攬住佢，真係好浪漫ka!! 哈哈~~ 不過我諗我都係無lee 個機會，我唔係擔心我一世都無好朋友，而係而家香港真係無乜音樂噴lu~~ 不過我真係希望重有lee個機會!!      

        一月十號，天氣好好。好耐都未試過放假咁早起身，係十點半呀!!咁早起身就更係有o野做啦...... 去見工呀~~ 都係果間啦(百老匯)!!就o係等緊入房o既時候醒起女神都係o係lee區做o野wor~ 就搵佢出黎食飯啦。

        到見倒女神一刻，我竟然緊張wor(有心跳感覺)~ 食飯時間好難搵位，我同佢分別去等位。我望著佢，佢俾我個感覺同以前唔大分別，都係好似女神咁高；咁華麗。其實我都有成三年無見過佢啦！咁耐無見，食飯既時候就更係多o野講啦, "同人傾計要望住人"係一個禮貌，lee一刻我充份表現我有禮貌o既優點！有一個鐘時間俾我同女神去食飯，咁lee一個鐘更係過得快啦~~

       話咁快就食完飯啦~~ 跟住就去下一站。下一站係機器人展，o係以前D電影見倒o既機械人，而家就o係面前~~ 感覺好奇妙，特別係個女主角。個樣同真人一樣，係D動作重係生硬左D，但己經好好。如果我都有一個女機械人係屋企倍我就好low~~

        睇完機械人展，行左一陣街。我去搵舊經理Sandy飯食，lee個經理係我出黎做o野裡面對好好o既其中一個上司。所以佢掉走左，我都好唔舍得。今次同佢食飯同以前好唔同，個感覺就好似同個friend食飯咁好。而lee 一個晚餐就lee一日假期o既最後一站......

       一月十一號，陰天！放完孖day今日返full，今日好鬼靜！成個上晝得果一兩張單~ 到食晏，個新經理話要同我食飯傾下計wor~~ 傾乜銀o野姐，有你講無我講，平時見倒你己經夠驚ka la!! 到食晏重要同你傾計!!!! 好心俾我安心食下飯啦!! 不過估唔倒o係佢口中可以聽倒今我開心o既事，舊經理讚我wor~~ 同佢做左成年o野真係好少會聽倒佢讚我呀, 少倒五隻手指數得哂呀~~ 意思大概係話如果我同你挾得黎o既話，我會好幫得手(扑心扑命果隻)；但如果挾唔黎就會留手...... 當時我覺得幾出奇，之後就更係開心啦!!!

        今日真係我o既第一次。話說今日o既一家死窮鬼煩左我成個鐘，最後更係運吉啦。跟住Mandy 叫我招呼一對男女，果對男女想買 SE M600i，Mandy 更係想我sell 倒佢地上台啦。但我俾之前果家粉脹煩完，已經無哂心機!! 佢叫我做咪做wor~~ 我只係想坐下，休息係...

        咁我幫佢試機啦, 幫set 好個GPRS，幫佢試上網。同平時無乜唔同，最後更係無上台啦，但就買左部機。o係收錢o既時候，個女人左張意見表寫，果陣時我心諗 " 又寫咩呀, 咁都俾人寫 " ，不過我之前俾人玩，無哂心機。你想寫咩，咪寫咩low~

        之後個女人話寫o野讚我wor... 我個心" o下 "左一聲!! 咁我更係講多謝la !! 之後我睇返佢寫咩，佢寫seles Terry 好有耐性, 服務好之類啦~~ 我睇左之後其實都無乜反應，但之後諗返真係好開心!! 我出黎做左5年幾o野，o係我記憶裡面都係第一次俾人寫意見表讚!!! 之後個經理話我應該即時話俾佢聽。但我覺得唔洗，已經覺得好夠，我已經好開心!!! 哈哈......

        如果一個指控o既環境證訟對你不利，而又有人直指係你。就算唔件事真係唔關你事,  其他人都難免會話係你做......

        最近我身邊發生左件事，同我頭先講D o野正正一樣。果個人就係咁食左隻死貓啦... 過左幾日發現倒真相，原來係當日直指佢o既人出錯!! 最陰功就係想俾番個青白佢, 但又因為一D環境因素而俾唔倒佢。唉~~ 真係可悲!! lee件事令我感受到 "公平何在" !! 

        跟住我就諗，紙合藏C個被告會唔會都係好似lee個人咁呢？個被告坐左十幾年，都話自己無做過...不過我都只係講下姐... 但我始終都覺得應該還果個人o既青明白, 所以我o係度講.....

今日朝早好擔心，擔心返到公司會受重刑，搞到八點三就彈左起身(前幾日八點半都未想醒)...

我o既擔心係事原於琴日... 話說琴日要畀人培訓，培我訓o既人係管哂全線Sunday D 人事o既人"Aman"，同一個ShopMan、二個Ass. super.。有個咁大o既人物o係度，我竟然聽唔倒電話個鬧鐘聲喎?! 本身要七點半醒，點知八點先醒!!!! 重要衝涼... 唉~ 其實我都心知不妙ka la... 點知遲左兩個字!! Aman最爭人遲到!! Amam打左個電話畀我個Shop Man.Sendy 話我遲到，而Sendy打左八、九個電話畀我又打唔倒，因為出門口時太趕無帶電話。之後佢就叫同我一齊去畀人培訓o既同事Emily 叫我打畀佢，Sendy話聽先泡製我....

因為今日早左起身，所以今日係我最早到公司。o係公司門口等左一陣就見倒Sendy返到黎開門, 我以為入到公司就黎o野ka la.... 點知佢叫我去唱錢, 唱完返黎發現Donnie遲到，跟住佢就更係幫我擋左la...

本來以為死硬，點知又無事(只係話左我幾句)... lee個世界真得意，世事真係多變到估你唔倒ar~ 哈哈...

個幾禮拜之見左份工(lee 份工係Sunday，PCCW新成員)，到前幾日景然有回應wor~~ 開心倒!! 收左線重訓唔著添!! 今日就去左簽約，正式成為PCCWo既員工~~最開心o既係佢做兩日招聘日，咁應該有好多人去見，而今日去簽約只係見倒7-8個去簽，咁都中，真好彩!!

其實我都無諗過佢o地會請我，一來見左咁多份工(8-10份倒啦)都無回應，麻木哂!! 二來見lee份工o既表現唔會係最好~~ 不過做倒都好開心~~

因為之前兩份工都係o係大公司做，所以習慣左o係大公司做。而而家o係PCCW度做, 同埋我一路都好想入lee間公司，我諗應該好快會適應倒。希望做得開心啦，做倒成功啦~~

今次返廣州有D唔開心，因為無左個經理人--阿俊。以前一番到廣州，我第一個就打俾佢。但今次打唔倒俾佢，好似有Do野未做咁...其實我每次返去都想見倒D好少見o既friend，但阿俊唔o係度，我就重加難搵倒佢o地...

不過今次都好開心，有我姐姐、P正、阿欣同我玩。最估唔倒o既係失業o既怪誕都有咁多o野玩, 怪誕o個日同P正食飯, 又同姐姐唱K。成晚都鬼咁開心....

今次返廣州係坐巴士o既，本身諗住唔坐最早o個班巴士，點知飲大o左坐唔倒... 一就到一點, 好彩兩點有一班, 起身之後就極速汁o野(上到車睇倒個袋裡面Do野好似俾人打完怯咁)，因為之前飲大o左，一上到車就搵o左個好位到落車，跟住落左車之後就坐地鐵返屋企...

返到屋企坐o左陣就俾阿俊叫o左出o黎，話今晚入祺褔(本身話第二日先入ka ma )。好啦~ 又坐返地鐵出去...

第一晚: 一大班人(阿俊、阿影、阿欣、花王、P正同阿雲)，入倒去就燒o野食。好耐都無同過佢地燒o野食啦~~ 點知佢地而家燒o野食係一個人燒哂俾咁多人wor~ o個個人係P正個女朋友，唉~ 見佢咁慘，佢地打麻雀又唔o岩我, 咁就幫o下佢啦!! 廣州D女仔真係抵得諗!!

第二日: 成晚都無，一早就同阿俊、阿影同P正出去整D o野，之後返去食o野。食完o野之後就要汁o野去幾二間屋度住(因為P正話阿雲D屋企人今晚會住lee度)。

去到幾二間屋度發生o左D怪事，一入到間屋我地發覺無電，而個總制又o係個廚房裡面，但個廚房又lock o左，我地用哂所有辦法都開唔倒，阿俊同阿欣就去點香啦... ! 點之當佢地點完香，我就開倒度門啦!!

跟後我o地就出去租單車玩啦~~ 踩o左三四個鐘鬼死咁困，食埋飯就返去鋤大D啦~~ 重輸左90蚊, 都話玩牛牛ka la !!

第三日: 今日又踩單車，佢話踩去個湖度撐梃仔wor~~ 玩o左一粒鐘, 上水o個陣即刻唔見哂四個look~~ 最慘就係之前撐梃仔輸o左要請食飯!! 食完之後就出返廣州lu ...

之後我再o係廣州玩多兩日就同阿婆返香港la...