廣州之旅果然無令我失望!! 令我樂而忘返!! 重射左兩日波添~~

我總共去左6日, 唔知係咪好耐無返去呢?! 我覺得6日都咁開心...今次返去見到好多想見o既人, Laughy la, 阿瑩la, 老朱la , P正la, 當然唔少得我兩個好兄弟阿俊同阿欣la... 食左好多好o野la~~ 搞到俾婆婆話無日返屋企食飯...

本來我想寫哂6日發生過D咩ka~~ 但想寫o既o野太多la~~ 我怕寫到天光都未寫完... 所以就寫返每日之最la ~~

第一日之最~~ 唱K: 唱K已經係我鐘意做o既o野, 今次重要同Laughy唱K, 真係開心到不得了, 我地好耐都未一齊唱過K la~ Laughy你唱K真係好鬼好聽... 我諗你係我D 女仔friend中數一數二ka la... 不過今次唱o既時間短D, 下次要唱耐D...

第二日之最~~ 試新o野and見倒老朱: 試新o野因為唔出得街, 所以唔寫la!! 不過感覺超正!! 玩左成日都好開心, 到燒夜時後叫左老朱出黎, 本身諗往搞佢la... 點知佢唔飲, 真掃興... 下次你就死!!

第三日之最~~ 見倒阿瑩: 其實今日搵佢不都有D唔好意思~~ 因為係阿俊佢地去打波, 我實在太悶, 所以就搵佢, 睇佢有咩玩~~ 不過其實我都想搵佢, 只係之前太多節目, 所以到第三日至搵... 見到阿瑩真係好開心, 飲酒la, 食o野la, 不過食o野就無佢份lu... 因為佢o岩o岩睇完牙醫, 搞左兩隻大牙, 真陰功lu... 果度D o野食重死咁好食... 之後我地傾左一陣計, 之後就同佢個friend送佢返屋企...

第四日之最~~ 同阿瑩唱K: 本來個plan係今日走, 但瑩瑩姐姐話今日我請食飯佢請唱K, 叫我唔好走~ 咁我就更答應啦~ 因為我都未想走... 我請左佢去第一日Laughy帶我去果度食, 但因為佢個口重痛緊所以都食得唔多, 不過佢都覺得D o野好食~ 食完o野就去唱K la... 真係要好多謝佢, 因為都幾貴!! 唱得好開心~ 另外重叫左小其(我表妹)同佢男朋友出黎, 哈哈~~ 我終於可以搞番醉佢la... 因為幾年前佢搞倒我鬼咁醉!!

第五日之最~~ 同阿俊, 阿欣食飯: 因為之前果日飲多左, 所以今日無玩, 只是同阿俊, 阿欣出黎食飯。不過都好開心, 因為有時間傾計... 我同佢地少見, 所以我好想同佢地傾多D計....食完飯去左豬肉佬度, 坐坐下佢地話玩牛牛, 我重贏錢添... 所以食飯前買o既鐘同明日o既火車錢都有著落... 哈哈!!

第六日之最~~ 同阿欣, 肥東一齊返香港: 記得我o岩o岩返去時, 阿欣就同我講佢可能會去香港, 點知真係就倒一齊... 今我返香港都無咁悶...

佢地黎玩左三日, 佢地又搵唔倒酒店, 所以黎左我度住~ 到今日先走... 唉~~ 我又要返工, 所以頭兩日部唔倒佢地, 好彩今日放假, 咁就同佢地出去行左一日街... 跟住就送佢地去坐車la....

只係講每日之最都已經咁多... 可想而知我今次有幾好玩, 有幾開心la...

今日終於可以返廣州啦!! 我都有成年無返過去啦~~ 其實我都唔明點解咁耐先會返去?! 車程只係三個鐘~ 自已又唔係帶唔倒廣州D人成個月糧返去, 人o地一兩千蚊用成個月, 咁我用兩日都應該會幾開心啦~~ 好!! 由今次起我唔返咁多深圳玩~~ 返廣州玩.....

聽講今日一返倒去就同LAUGHY唱K(阿俊話早前約左wor~), 好耐都未同過佢唱K la~~ 今次返去應該會幾開心.... 返o黎之後再寫寫有乜發生.....哈哈!!!

其實一到自已生日之前果一個星期內會係我全年最唔開心日子, 因為!! 唉~~ 因為朋友少low~ 平時又無記人地D生日, 自已生日又會有幾多人記得~ 最慘係前幾年生日都唔係幾開心!! 所以都唔係好想去題自已生日。 今年重勁!! 自已真係唔記得左, 要李俊題番~

不過今年生日就勁開心low~~ 雖然廿三號十二點重返緊工, 而十二點打同我講生日人係少~ 但有個人我真係估唔倒佢會打俾我~ 多謝你ar!! 明雅~~ 到幾二日(即係正日)就開心low~~ 首先青年請我去食麻辣火鍋, 而李俊同寶兒就去完迪士尼未食都埋, 食到鬼死咁胞~~

跟住食完就去唱K, 一齊唱K人有: 李俊、寶兒、阿昭、青年、阿光、阿光個 friend 同刁妹。 其實果日把聲唔係幾得, 本身我係唱多D歌ka~ 但玩得幾部大話色之後, 自已又太大聲, 搞到把聲爛哂, 重俾人話 " 爛聲皇" 添, 唉~~ 咁唔唱歌la , 飲酒la ...... 哈哈~~ 點知飲到個個都醉哂~ 我就當然係最快果個la~~ 話哂都係生日ar ma !! 結果幾二日有兩個人返唔倒工。 我就當然有份la !! 阿旺(我同事)打左十幾個電話俾我, 到最後尾果個, 我覺得太煩, 重熄埋電話添!! 而第二個係李俊~~

講番今年生日, 應該係lee 幾年最開心ka la~~ 重有生日禮物添(份禮物係一頂米奇對耳仔帽，後面重有我個大名 " Red Terry " 添)~~ 真係好鬼開心!!

特別鳴謝: 李俊!!!

中秋節果晚, 我部相機離我而去.......

事發經過係咁... 中秋節果晚去李俊度燒食, 咁咪諗往帶埋部相機去影相low~~ 出發前例行動作chack 部相機夠唔夠電la , 點知開倒機, 但無睇, 其實我都知咩事ka la (應該係個CCD有壞左)~~ 因為早前都有D問題.....

唉.... 佢只係跟左我兩年, 佢我所有電子產品中以經係對佢最好ka la ... 85% 新, 跌都無跌過!! 但佢同我一樣, 唔適合亞熱帶地區生活, 真慘!!!

好~~ 我要努力向上~~~ 搵筆錢買過部......

我知道傷心不能改變什麼　那麼　讓我誠實一點
誠實　難免有不能控制的宣洩
只要關上了門　不必理誰

一個人坐在空蕩包廂裡面　手機　讓它休息一夜
難　像切歌切掉回憶的畫面　眼淚不能不能流過十二點

生日快樂　我對自己說　蠟燭點了　寂寞亮了
生日快樂　淚也融了　我要謝謝你給的你拿走的一切

還愛你　帶一點恨　還要時間　才能平衡
熱戀傷痕　幻滅重生　祝我生日快樂

我今日好唔開心, 無哂心機, 今日阿俊走左la...

唉... 連機都送唔倒, 最後一面都見唔倒, 真係好失望!!! (唔會唔返, 但唔知幾返嘛!! )

點都好la !! 希望佢去到果邊有好發展la _~

今日做做突然諗起阿俊，咁又食飯，咁咪返屋企途中打電話俾佢low~~ 點知佢話15號就走，重要唔經香港，我好想返廣州送佢機。但我都未講出口，佢以經叫我唔好送機(真係心靈相通)。我聽完個電話，無哂心機好唔開心 _~ 無心機到返到公司阿旺都問我做乜~~~送唔倒佢機，咁只好果日打個電話俾佢la _~~

第一次離別係家威, 果時我好唔舍得, 好唔開心!!

但果時我以經知道有第二次o既離別~ 但我一路都唔想佢發生，甚至以為佢唔會發生。但點知要o係我生日前面對!! 阿俊要走la~

我同佢認識o既時間，無一個朋友夠佢耐，我同佢識左廿四年!!! 雖然我同佢唔係成都見倒，但我同佢以經係親兄弟咁!! 佢係我唯一可以咁親o既兄弟!! 所以對佢o既離別，我唔知可以有咩返應!! 不過至少在送機時能夠忍著淚說再見......