好耐都無寫過o野啦~~今次一寫就寫自己最型o既一次!!

    我返入電盈本來就想以一個型o既姿態俾人一個耳目一新o既感覺, 但一路都唔係太理想~到我去開大會, 見倒人o地上台講o野, 我心裡面都想好似人o地咁~ 就算講得唔好, 都上去型o下!!

    今日我又要去一個月一次大會, 本來我都只係同以往o既心態坐o係度得個聽字, 到講到EYEo既時候(EYE係lee排電盈o既大事件), 我個名竟然出現o係個螢幕上o既時候, 我個人停哂, 都唔知可以做乜~ 跟住個SM 叫我出去o既時候, 我第一次感覺到o係一個咁o既場合會有好以玩過山車咁快o既心跳!! 我出到去只係講左D好行o既o野, 其實我之前都有諗過o下如果我出到去會講D乜o野, 但最後因為緊張都無講到~

    我今日成日o既感覺都好奇怪, 又開心, 但又同自己講唔好咁得意呀~ 一定要做好自己, 如果唔係就唔型ka la, 我又收到以前o既經理o既讚賞, 我真係開心左成日~~

        "誰會珍惜，當你還擁有；當已逝去，總想挽留~" lee幾句歌詞好簡單一睇就知，但人好似永遠都係咁做!!

        今日又去培訓!! 自從轉左牌頭之後，成日都要去培訓~ 收工o既時候我去左旺角電話(琴日左去整)。我聽住唱坐van仔去旺角，途經舊機場，o係就快去到舊機場果條路o既時候，我係咁望，望極都見唔倒個舊機場果樁客運大樓，跟住我醒起客運大樓對面有間富豪酒店，部van仔去到酒店時我望過對面，發覺果樁o野真係唔見左！果時我個心酸左一下~

        雖然我去過十次都無，但o係果度有好多開心同唔開心o既回憶。以前未拆o既時候，每次經過都望一望佢，睇下個大鐘幾多點~ 但而家經過就少左D o野，真係唔係好舒服~

        我有個朋友成日話自己滿額，佢話每個人都有一個限額(意思係飲酒果D)，用哂就無！近排我覺得我D額好似就滿咁~ 因為lee排飲酒好快就斜咁。以前我D酒量都幾得ka(唔只係我講ka，D friend都係咁講ka)~落bar唱K飲成晚都得~但係近排坐o係屋企樓係半打都無就斜哂！上次去唱K飲重剪埋片添，剪片果種感覺真係好得人驚ka！好！等我再觀察多一排，如果都係咁，我諗都要戒酒啦！

        我知道我做SUNDAY o既時候，我話過想做PCCW。但到而家名都轉埋先發覺“電盈唔易做”，已前做SUNDAY只係做mobile其實都算叫好做。轉左名之後好似做雞咁，乜都要做。做都唔緊要，但你都要識至得ka~~ 買件o野用就識用姐，點知點買wor~~之前又無教過，問又俾人少，咁即係點姐!!!! 開頭果個禮拜，D人入o黎又問屋企電話；又問上網，好彩有個熱線電話姐!! 如果唔係鬼識咩?! 唉~~著住而家lee件制服，個腦轉得慢D都唔得呀!!!! 不過又唔係無樣好o既…..好係借機方便左low~~但都只係3G!! 不過諗返轉頭都好o既，學多D o野都係一件好事。而且我個人又係果D唔到最一刻都唔會交貨o既人，而家咪好low~~ 咁少時間，咪快D交貨low~~~

        我今日又去左" 海洋公園 "la... 我記得以前細個好恨去ka~~ 不過可能媽咪認為一闊三大，所以好少去，幾年都唔知去唔去倒一次。不過到我出o黎做o野o既時候就差唔多每年都會去倒一次。記得對上一次去" 海洋公園 "係上年六月~~~

        其實每次去，玩o既o野都係一樣、係咁行、係咁排隊，最多都係D人腳唔同。今次去就同6個同事去。同以往一樣都係咁好玩!! 不過今次去就俾我發現倒一件事，原來公園裡面有隻海獅同我一樣都係叫" Terry "!!班粉脹同事一知道就係咁叫" Terry "!! 都唔知佢o地班o野想點?! 咁即點呀?? 你o地叫我定叫佢呀?? 如果叫佢就一定成班都係傻o既!! 試問佢又點會應你佢呢? 但如果係叫我，又唔望住我，又叫我點應你呢?? 所以我諗佢o地一定係玩倒傻左!!!

        今次去我重試左一樣我重來都無諗過會試o既o野~~ 就係" 刺青 "，hehe.... 不過都只係假o既!! 但我覺都幾得意，個圖案幾靚ka!! 係個T字~~返倒屋企，我就俾阿媽睇。佢赫左一跳~~ 佢正想話我o既時候，我就同佢講係假o既~~ 哈哈!!

      3月1號去買左部新電腦，諗住用新window 啦!! 整左成日終於用得，但發覺我竟然唔識用wor~~ 睇住個mon 睇的倒頭都痛，跟住又發覺之前o係舊window 用緊o既software 又用唔返!!! 最重要係我用黎打中文字o既" 九方 "都用唔倒。好啦~ 於是第二日我就去左黃金睇下有無新板" 九方 "啦!! 點知個售貨員話最快都要月中先有新" 九方 "用倒新window wor!! 唉~~~ 諗倒無得諗，咁咪去睇下D手寫板la~~ 點知都係無!!! 頂!!!!

        唉~~  卒之我用左一個禮拜之後，真係頂佢唔順!! 就裝返個舊window 啦!! 用返個舊window 感覺好似返左屋企咁~~ 真係陰功......

        一個禮拜前個經理同我講我要做交換生, 話我要去柴灣PCCW SHOP!!! 柴灣!!! 一頭一尾, 就係車程都都要個幾鐘啦!! 咁萬一遲左起生就扑街啦!! 坐的士5百蚊都唔知去倒末呀!! 唉~~ 我係o係元朗出世，做左年幾，雖然我間唔時有諗過轉工，但真係有感情ka ma!! 最慘係去倒果邊乜都有得買，而我又只係識得買電話~~ 真係唔知點算呀~~

        我聽左之後一直都好唔開心；一直都好擔心。連單都開少左，有一晚收鋪重差D整壞道閘!!! 俾人少到隻狗咁。就係果晚個經理就正色宣布要做交換生o既人係邊個.... 頂!!!!!!!!!!!!! 原來唔係我, 係Patrick (爸爸)~~ 頂丫!!!!!! 搞到我唔開心左成個禮拜!!!

        返左SUNDAY lee 份工成年幾la，放工o既時候都會經過荃灣廣場，lee 一個商場以我所知係香港不可多得o既重有音樂噴泉o既商場。我由細到大對音樂噴泉都有一種痴愛，當我見倒音樂噴泉開動，我都會停下腳步，睇個夠本!! 我記得以前細個就算同屋企人食緊麥記都會衝出去睇!! 起碼到而家o既我都重會係咁!! 我鍾意睇著D水除著音樂舞動，加埋D燈光效果，我覺得好靚。以前我最鍾意o既音樂噴泉係沙田果個，好鬼大ka!! 鬼咁靚!! 不過而家無左lu!! 而家唔知係唔係無乜人好似我咁，定係D商場覺得音樂噴泉o既電費太貴呢!? 所以而家係香港以經無乜音樂噴泉lu.....

        我除左鍾意睇之外，其實我由細到大都有一個夢想，夢想係可以同我愛o既人攬住一齊睇一個音樂噴泉!! 女仔o係前面而我就o係後面攬住佢，真係好浪漫ka!! 哈哈~~ 不過我諗我都係無lee 個機會，我唔係擔心我一世都無好朋友，而係而家香港真係無乜音樂噴lu~~ 不過我真係希望重有lee個機會!!      

        一月十號，天氣好好。好耐都未試過放假咁早起身，係十點半呀!!咁早起身就更係有o野做啦...... 去見工呀~~ 都係果間啦(百老匯)!!就o係等緊入房o既時候醒起女神都係o係lee區做o野wor~ 就搵佢出黎食飯啦。

        到見倒女神一刻，我竟然緊張wor(有心跳感覺)~ 食飯時間好難搵位，我同佢分別去等位。我望著佢，佢俾我個感覺同以前唔大分別，都係好似女神咁高；咁華麗。其實我都有成三年無見過佢啦！咁耐無見，食飯既時候就更係多o野講啦, "同人傾計要望住人"係一個禮貌，lee一刻我充份表現我有禮貌o既優點！有一個鐘時間俾我同女神去食飯，咁lee一個鐘更係過得快啦~~

       話咁快就食完飯啦~~ 跟住就去下一站。下一站係機器人展，o係以前D電影見倒o既機械人，而家就o係面前~~ 感覺好奇妙，特別係個女主角。個樣同真人一樣，係D動作重係生硬左D，但己經好好。如果我都有一個女機械人係屋企倍我就好low~~

        睇完機械人展，行左一陣街。我去搵舊經理Sandy飯食，lee個經理係我出黎做o野裡面對好好o既其中一個上司。所以佢掉走左，我都好唔舍得。今次同佢食飯同以前好唔同，個感覺就好似同個friend食飯咁好。而lee 一個晚餐就lee一日假期o既最後一站......

       一月十一號，陰天！放完孖day今日返full，今日好鬼靜！成個上晝得果一兩張單~ 到食晏，個新經理話要同我食飯傾下計wor~~ 傾乜銀o野姐，有你講無我講，平時見倒你己經夠驚ka la!! 到食晏重要同你傾計!!!! 好心俾我安心食下飯啦!! 不過估唔倒o係佢口中可以聽倒今我開心o既事，舊經理讚我wor~~ 同佢做左成年o野真係好少會聽倒佢讚我呀, 少倒五隻手指數得哂呀~~ 意思大概係話如果我同你挾得黎o既話，我會好幫得手(扑心扑命果隻)；但如果挾唔黎就會留手...... 當時我覺得幾出奇，之後就更係開心啦!!!