不知不覺打hompy都兩年幾了，好多謝有來過探我的hompian，今日起我唔會再打hompy了，原因是好多hompian 都轉了去yahoo，另外hompy雖然功能都好好，但load得實在慢得過份，擺多小小野已經要load成幾分鐘(最長試過load 8分鐘)，有時仲hang埋tim。我之前已經delete了好多相同日記，但d人都話入來好慢，想想delete相同文章？咁打blog就冇乜意義啦，我都好後悔delete左之前的文章呀…。花好多心機搞靚個hompy，雖然好唔捨得，但都頂唔順它的速度喇，我得閒會來探大家了，你地得閒都要來yahoo探我/留言呀。希望hompy日後會有改善啦。

My yahoo blog :

http://hk.myblog.yahoo.com/amy-123

>>

今日一放工就去了藍灣半島攞麵包公仔(前幾日訂咗2盒)，但終於都忍唔住買晒1set5盒，返到屋企就開始將我房內d麵包公仔大洗，細隻的就放落透明公仔盒內，嘩！搞左4個幾鐘終於洗完放好晒，攰死喇…

>>>>>>>>>>>>>>>>>>>>>>>>>>

>>

10月30日起身成4點，跟住又book了cwb「煮館」食米皇海鮮，上次食完有coupon可以用呀，起身第一餐好肚餓，所以我食好多，仲食4、5粥tim，正！食飽去time square行行，9:55pm去JP睇「色戒」，癲仔話wor，但我就覺得ok bor，湯唯真係做得唔錯。

> >

放兩日假，明天又要收拾心情返工了，所以今日都冇出去玩，下午睇vcd「神奇四俠」，不過冇第一集咁好睇，睇完我買壽司食，癲仔就食車仔麵，跟住睇電視又一day lu。

昨天阿爸生日，我同家姐book咗天后的「留家廚房」同阿畢食飯，這裡第一次試都幾good bor，因為呢排太多飯局，所以叫咗d清d的餸，在此祝阿畢身體健康，股票贏多d，hehe！

>>>>>>>>>>           

今日5:30pm放工行去藍灣半島逛逛，阿爸媽又去咗wet，癲仔"辣"我，嬲嬲地自己去咗美心快餐食新出的 「shabu shabu 和味火鍋」，第一次自己打邊爐ja，不過咁早冇乜人，又見到好多都係自己一個"拾吓拾吓" hehe! 唉…咪鐘咗入去食囉，又幾good bor，d牛肉同蟹籽墨魚滑最好味，食飽飽打埋個blog玩"鬥地主"先。

昨晚癲仔請我食野，今次再一次係「喜」，因為上次食完送咗$50 coupon所以又來食，同埋呢到真係good good good！又抵食 。我地叫咗牛肉烏冬(牛肉好嫩滑，烏冬係手打好彈牙)~$38、刺身三款有日本蠔、吞拿魚and帶子(自己選擇的，勁新鮮！)~$78、極力推介好抵食的雜錦壽司有12件(最like個蝦餃，即係有甜蝦、墨魚同海膽，d海膽又多又新鮮)~$98、牛肋條串燒(原本最想食牛舌，但賣晒...激死，不過呢個都好好味)$10/串，食飽飽lu。跟住去咗癲仔fd屋企我打牌，佢就玩啤牌，玩到成4:00am走，攰到爆！

今晚訓到成4點先起身，但都好眼訓呀，不過唔可以再訓lu，今日阿公生日要去海港城食飯，又食到飽飽呀，hehe!  

      HAPPY BIRTHDAY TO 公公！

昨晚有親戚在外國回來，順手做埋中秋，今次去cwb的「金滿庭」食，叫咗好多野影唔到咁多tim，成班人一齊傾吓飲吓紅酒又幾個鐘lu，好開心！祝大家秋節快樂！

   阿媽今年買咗楊桃燈籠比我，好靚呀！

昨晚4點令5點要幫同事交件去WC稅務大樓，所以交完就放工lu，橫掂咁早就行去CWB逛街等癲仔，咁又買咗對鞋tim，6點令癲仔到咗然後行一陣就去食野喇，因為上網發現呢間野，所以我一早book咗「煮館」，咁梗係試佢地的主打「米皇海鮮火煱」~ $238，仲可以以優惠價$18叫鴛鴦牛肉(滑牛+肥牛) and $48象柭丰，湯底可以簡粥底或蕃茄魚湯，我地要咗粥底內有白果同腐竹，跟住海鮮盆來了，嘩！有隻大蟹(好大隻新鮮)   、蝦(一樣新鮮)、花甲(大隻鮮甜,我最like呢款)、魚柳、走地雞(好滑有雞味)、魚滑(本來不太鐘意食，但呢到d真係幾good)、幾款的手打丸(正)、年榚、油麥菜…好多料同勁新鮮，除了魚柳樣樣都好好味，  另外叫的牛肉一樣鮮味，象柭丰看似不太及引，但一食之下，wow！i like it ...yummy！食完一定要食埋個粥底，佢會有埋d配菜比你餸粥 的，有皮蛋、冬菜...特別的是咸牛乳，d白果腐竹溶埋後，d粥好滑好香好甜，今餐超級滿足，癲仔仲話我冇介紹錯。