今日麥記下午茶....3點3

呢個新出ge芝士火腿扒漢堡...味道唔錯

嘆埋個熱朱古力...下午茶一流d^^

最後.........

如果妳仲有來我日記....我有d野想同妳講...

我由識妳到現左...我都冇後悔過...妳係我最愛既一個女人...雖然未必係我呢生人最愛...但肯定係我呢半世人最愛...真的

_{人都是為了確認自己既存在而去戀愛}

我呢句金句實實在在套現晒係我同妳一齊既時候...我好鐘意被人需要ge感覺....有妳係我身邊...我實實在在咁存在係呢個世界上...

對於妳來說....我講ge說話可能係廢話...但呢d全部都係真心說話...同妳一齊既時光...我唔會忘記...妳送俾我ge野我唔會tum...會好好收藏...打後呢幾年...我希望妳學業有成...搵到一個比我對妳更好ge人...可以Fight贏妳父母ge人...充心祝福妳...

我知妳愛恨要分明...所以先同我講d咁絕ge野....

點都好....我冇愛錯人...錯就錯在我地要分開幾年...我唔可以實實左左咁去錫妳...俾拍拖ge感覺妳...老實講...如果妳係加拿大搵到真愛...我想妳都係係果邊長住...唔好返來對住妳父母...俾佢地影響妳ge人生...而且香港天氣越來越熱...我知妳好怕熱...好易燥同發脾氣...果面天氣凍d...我估比較適合妳...但請妳記住要真惜身邊人....

最後一篇廢話....講完

亦都最後一次....唔好誤會我對妳ge好意....絕對冇骨冇單單打打

I promise

今日已經係第二次去覆診喇...本來以為會好D

醫生檢查完話我有好轉..d鼻水冇乜濃.不過當佢知道我仲有流鼻血ge時候就話冇乜理由...之後仲做埋內窺鏡(佢話想知我邊個位流血)...當時真係幾驚...因為要塞條野入個鼻哥到睇...諗起都反胃>_<

醫生檢查完之後...話發現我有個血卜...我以前成日流血原來都係呢個位流...我問醫生係咪因為外來ge刺激令佢流血...佢話唔係...係微絲血管本身出現問題.....佢跟住仲同我講...有可能要做手術....目的係要塞住佢等佢停止出血....我而家真係唔點算...佢叫我食埋今次藥同擦下藥膏...下星期再去覆診至決定點

我....唔知點算好

大佬大嫂...不經不覺結左婚都十年有多

呢個係我個侄女...佢幾曳ga...借左我部NDS玩....

好彩我大佬醒目...冇買俾佢ja...唔係就害左佢喇(日打夜打咪慘)

早兩日同大佬阿嫂提早去食飯慶祝

生日蛋糕FOR 媽媽//w//

唱完生日歌就許願.....好...切蛋糕^o^

尋日睇左醫生喇...... 結果....真係....鼻竇炎 醫生話暫時食住抗生素先...等下次覆診 呢一刻我真係冇晒心情喇...聽日仲約左fd去動漫節...但呢一刻我邊度都唔想去... 好想收埋自己...................自從沒有愛情的日子

今日返公司睇左醫生....個醫生由開頭笑笑口咁聽我講有咩唔舒服

直到我講完之後...佢塊面就當堂嚴肅晒...淨係講:「我寫紙你去睇專科」

我問佢咩事....佢話可能係鼻竇炎或者鼻色玉...要去check下先知.....

約左星期四放工去...好擔心有事...

呢幾日都好不安...乜都冇心機唔想返工....

而且公司又轉制...我可能以後會返七日工先放一日...孖day會冇左...到時就死人喇

返到公司...見到d同事唔見晒人...原來未夠鐘已經走晒出去開工...原來因為「走大車」 出到去走左好耐都逆風...所以冇耐就放棄....拖番架機走....真係玩 而且仲有個bad news...就係d工程師會係第三、四返夜... 換句話說即係睇住我地做野...工作量會增加...休息時間都會少左(可能冇) 而且我發覺自己好似怪怪地...又流鼻血喇... 不過今次係係裏面流(唔知點講...總之d血冇流出來..但係feel到流緊同血腥味) 真係有d不詳予感.......

尋晚第一晚返夜...已經激多野做...中段時間仲整場大雨(真係增慶=_=)

攪到d地方濕鬼晒....好易PK...尤其是係高空工作(勁危險)...都好彩冇跌落黎...濕晒身ja

之後又去搬cowling同掛cowling...樣樣都係力的表現...

做下做下做到零晨三點喇....  :「我要水...給我水..」我都差唔多到底lu

點知有個同事仲臨天光瀨尿....俾部平台車夾到隻腳...差d又工傷...之前佢已經試過中頭獎...再工傷就好大鑊

點都好啦...出左成晚汗...同d同事去男更衣室個toilet到沖涼

點知...........沖沖下...望下四周d牆.....?!!!

竟然俾我見到好多白色一點點ge野係bom牆度爬來爬去(我估係蜘蛛仔加烏蠅仔)...我地ge距離一米都唔夠

佢地ge數目有成廿幾三十隻...望一望上去...『好多蜘蛛網呀!!!』

我開行turbo沖完即閃....心諗之後幾晚點算呀....