又休息(躲懶)了一段時間, 沒有寫blog...

近來都在忙煲劇, 對我來說實在是舒緩壓力的好方法!!

前幾天終於看畢了”一公升眼淚”,

一邊看一邊哭,好暢快…….

好久沒有哭過了,

好像要把這些日子的壓力, 不開心, 不如意都一併哭出來…….

畢業都差不多兩個月了, 一切都還在適應中……

這些日子case 都特別多, 而且來得很急, 每天放工都累得說不出話來…….

現在還常常擔心自己做錯做漏, 希望再過一個月, 一切會更加熟習吧!!

真的有點憤怒呢, 醫管局對大量國內孕婦來港產子的回應, 全都是廢話吧…..

什麼加床, 加人手, 全都是治標不治本….

加床 = 鼓勵更多孕婦湧入……

加人手 ? 有人肯做先得架……講加人手都講了很久了吧….

什麼香港孕婦優先? 還不是要與國內孕婦共享醫療設施……

我們都是有交稅的呀……為什麼要我們補貼別人呢?

嬲嬲地, 真係想唔交稅呀!!

尋晚又返夜了, 呢排都預咗返夜會忙的…… 多數都係過咗十二點, 就好似拉大隊咁入院, 唔通佢哋坐埋一條船來?   唉…...   不過, 都係因為高峰期, 我先可以熟能生巧!   畢咗業都一個月了, 開始熟習作為staff的工作。   因為還是new graduate, 好多嘢都會有senior 跟, 怕我們會做漏或做錯。   好開心尋晚有senior 話 :  “我今朝睇過佢, 得架喇, 俾佢自己嚟啦！” 縱使另一個senior唔放心, 佢都仍然好肯定咁講, 放手俾我自己做!   頓時覺得做咗咁耐, 終於得到認同和信任了, 之前的努力並沒有白費……   不過, 我知道, 以後更加要小心認真, 不可以令信任我的人掉眼鏡啊!!

前晚, 又係好忙好忙的一晚…. 可能係我好彩, 做咗咁耐先至遇到咁經典難忘嘅一晚……..   成晚生咗10個, 新收13個, 還未計從產前房作產下來的…. 平時返早多d人手, 生10個都已經好忙….. 何況係返夜, 得6對手, 真係忙到頭披髻散, 接都接唔切……   產婦作產來到產房, 忙碌嘅唔只係接生嗰一刻, 產前產後同樣是很忙碌的….   來到產房首先要查看產歷, 如果unbook就更加要重頭問起…. 核對證件, 作連續性胎心聲檢查, 未正式作產者, 要護送到產前房, 作產者則留產房觀察..….   每半小時觀察胎心聲, 宫縮, 生命表徵, 評估產程進展, 止痛方法及效果…….   產程緩慢或胎心聲欠佳者, 要決定是否須要用葯物促進產程或停用葯物, 是否須要通知醫生作檢查, 或預備剖腹產等等…….   到生產一刻, 接產者要迅速預備無菌環境及所需儀器, 以熟練的技巧接產 ……   bb 出生後, 要評估bb 狀況, 是否須要通知兒科醫生救仔….... 正常者record 所有資料後, 替bb沖涼, 協助母親餵奶, 送bb到產後房育嬰室等等……   產婦方面, 還有胎盤要出, 傷口要處理及縫補, 評估失血量, 每半小時觀察產後生命表徵等等……   這些也只是略略概括了產房內要做的其中一部份……. 還未計unbook 者, 任何一個過程有異常者, 入院即刻要生者……   可幸的是, 我對能夠接觸新生命, 仍然感到興奮喜悅、難能可貴!!   只是感慨, 在人手短缺及內地孕婦的問題未解決的情況下, 我們的服務質素還可以keep到什麼水平 ? 在我們努力的同時, 又是否有人有心去解決這些問題呢 ??

尋日好開心 , hehe 30大壽 , 佢終於肯請一日假慶祝 (平時叫佢請日假都難呀!!!)

早上吃過早點 <--------呵呵,是我一早預備了的壽包!!

之後我們便出發去南丫島。

其實都係昨日才決定去南丫島的!!太耐冇同hehe去旅行了,今次叫搭過船,  離開每日生活的地方,  也算是一次小旅行吧!! 而且, 也想給hehe一個難忘旳生日呢.....

去到已經一點幾兩點, 可能是平日的關係, 人不多, 我們找了間餐廳, 吃了個午餐加下午茶,  好優閒咁呢!!

吃罷逛了一會,  就開始我們由榕樹灣走到索古灣的旅程了!

途經沙灘、天后廟、上山落山, 好有尋幽探秘feel呢!! 可能, 這路線對我們來說都很新鮮吧!! 而且, 沿途遊人不多, 簡直有點世外桃源的感覺!!

去到索古灣都只不過是四點幾, 雖然不肚餓, 但去到不吃海鮮餐, 好像差點什麼的......  可能時間尚早, 一個客都冇!!

呢餐就當是包起了飯店, 對著魚排日落景色的海鮮餐, 好抵食而且好浪漫呢!!!

吃過海鮮餐後, 便搭船回程了!! 回到中環也只不過是六點而已, 之後到灣仔逛了一會, hehe還買了他喜愛的釣魚用品呢!!

hehe的難忘三張嘢之旅, 就咁圓滿結束了!!

為咗預備考試，好耐都冇上HOMPY 了!

依家，試終於考完!! 終於鬆口氣...........呵呵!!!雖然仲未出result......

自上星期五考完試到今日，日日都要返工！(包括考完試嗰日--->中秋節+星期六日)

我知道做得呢行冇得放紅日係好正常，但有冇需要去到咁盡呢........早上考完試，飯都唔得閒食，就要趕返去返工......再加上當你發現嗰日係中秋節，人月兩團圓嘅日子，就會覺得更加可憐囉......之後仲要一路都無假放...話哂都考完試，好應該慶祝吓嘛...唔通係我嘅要求太過份?!

沒有一刻給我喘息的機會........就嚟攰死........

這個星期，還要學很多新事物，雖然從前也有在產房實習，但學生時多是作執仔的角色，現在作為職員的身份，比學生時要做的更多，責任更大，別人對你的期望也就更大......

呢個星期，差點連原本學了的都忘記了,混亂了......唉!!可能是有太多嘢要學,太多嘢要記......

其實很多工作都很瑣碎,對於新手來說,很容易就會做漏了；或者有些時候，根本不知道自己在某些情況，該做些什麼......

我不希望將來成為她們眼中，"做極都唔掂"的人呢......

不過我相信現在欠的，就只是時間吧！習慣適應後，一定可以pick up到的.......

聽日同後日終於有假放! 可以鬆一吓囉!!!

今天是 midwifery course 的最後一個上課日，今天以後，大家就各散東西了‧‧‧

大家不會再一起山長水遠來到這個班房上堂、考試、胡鬧、合眼訓、食早餐、俾人鬧‧‧‧

雖然，總是覺得這個course 有點過長，常會想快點畢業就好，但回想起來，沒有這年半的時間，又如何做就我們一班同學的感情呢？

在這年半裡，也有很多辛酸，趕project、為咗考試專心溫書，有屋企都唔番，一齊留到好夜、出ward做嘢，經常無厘頭受氣、俾人屈、被鬧、錯嗰個一定係自己、自信心跌到落谷底‧‧‧

都係多得呢班同學仔，返學時大家有機會呻吓，抒發吓，輕鬆吓‧‧‧如果唔係，真係怕會鬱鬱而終，人都癲！！

想到這裡，有點不捨‧‧‧

年半的產科生生涯要過去了‧‧‧

今天還有同學寫紀念冊呢！哈哈!仲要係以前細個小學畢業嗰隻‧‧‧每人一張紙，寫個人資料，再加句“萬里長城長又長，願我倆友誼比它長”嗰種‧‧‧真係好搞笑！！

以後，我想也很少機會會再踏足這間醫院、這個課室、接觸這班老師了‧‧‧ 現在只好期待考完試，大家約定的聚會吧！

終於知道畢業後的去向了‧‧‧

都唔知是喜是悲‧‧‧

在未來的至少一年內，我將會在產房工作！

其實讀得產科，就預咗要在產房工作，但這個產房的人‧‧‧全醫院都知‧‧‧是最惡頂的‧‧‧

以後的日子，真難捱喔‧‧‧

要抵得住她們的無理取鬧、也要忍受無啦啦俾人寸、皮質醇日日都處於高位‧‧‧唉！

希望，我可以catch up 到進度，只要唔成為產房的眼中釘，就已經要還神了！

不過，我都應該慶幸自己不是被分配到產前房‧‧‧在這兒，唯有祝福產前房的同學，"God bless u"‧‧‧