前晚, 又係好忙好忙的一晚…. 可能係我好彩, 做咗咁耐先至遇到咁經典難忘嘅一晚……..   成晚生咗10個, 新收13個, 還未計從產前房作產下來的…. 平時返早多d人手, 生10個都已經好忙….. 何況係返夜, 得6對手, 真係忙到頭披髻散, 接都接唔切……   產婦作產來到產房, 忙碌嘅唔只係接生嗰一刻, 產前產後同樣是很忙碌的….   來到產房首先要查看產歷, 如果unbook就更加要重頭問起…. 核對證件, 作連續性胎心聲檢查, 未正式作產者, 要護送到產前房, 作產者則留產房觀察..….   每半小時觀察胎心聲, 宫縮, 生命表徵, 評估產程進展, 止痛方法及效果…….   產程緩慢或胎心聲欠佳者, 要決定是否須要用葯物促進產程或停用葯物, 是否須要通知醫生作檢查, 或預備剖腹產等等…….   到生產一刻, 接產者要迅速預備無菌環境及所需儀器, 以熟練的技巧接產 ……   bb 出生後, 要評估bb 狀況, 是否須要通知兒科醫生救仔….... 正常者record 所有資料後, 替bb沖涼, 協助母親餵奶, 送bb到產後房育嬰室等等……   產婦方面, 還有胎盤要出, 傷口要處理及縫補, 評估失血量, 每半小時觀察產後生命表徵等等……   這些也只是略略概括了產房內要做的其中一部份……. 還未計unbook 者, 任何一個過程有異常者, 入院即刻要生者……   可幸的是, 我對能夠接觸新生命, 仍然感到興奮喜悅、難能可貴!!   只是感慨, 在人手短缺及內地孕婦的問題未解決的情況下, 我們的服務質素還可以keep到什麼水平 ? 在我們努力的同時, 又是否有人有心去解決這些問題呢 ??

尋日好開心 , hehe 30大壽 , 佢終於肯請一日假慶祝 (平時叫佢請日假都難呀!!!)

早上吃過早點 <--------呵呵,是我一早預備了的壽包!!

之後我們便出發去南丫島。

其實都係昨日才決定去南丫島的!!太耐冇同hehe去旅行了,今次叫搭過船,  離開每日生活的地方,  也算是一次小旅行吧!! 而且, 也想給hehe一個難忘旳生日呢.....

去到已經一點幾兩點, 可能是平日的關係, 人不多, 我們找了間餐廳, 吃了個午餐加下午茶,  好優閒咁呢!!

吃罷逛了一會,  就開始我們由榕樹灣走到索古灣的旅程了!

途經沙灘、天后廟、上山落山, 好有尋幽探秘feel呢!! 可能, 這路線對我們來說都很新鮮吧!! 而且, 沿途遊人不多, 簡直有點世外桃源的感覺!!

去到索古灣都只不過是四點幾, 雖然不肚餓, 但去到不吃海鮮餐, 好像差點什麼的......  可能時間尚早, 一個客都冇!!

呢餐就當是包起了飯店, 對著魚排日落景色的海鮮餐, 好抵食而且好浪漫呢!!!

吃過海鮮餐後, 便搭船回程了!! 回到中環也只不過是六點而已, 之後到灣仔逛了一會, hehe還買了他喜愛的釣魚用品呢!!

hehe的難忘三張嘢之旅, 就咁圓滿結束了!!

為咗預備考試，好耐都冇上HOMPY 了!

依家，試終於考完!! 終於鬆口氣...........呵呵!!!雖然仲未出result......

自上星期五考完試到今日，日日都要返工！(包括考完試嗰日--->中秋節+星期六日)

我知道做得呢行冇得放紅日係好正常，但有冇需要去到咁盡呢........早上考完試，飯都唔得閒食，就要趕返去返工......再加上當你發現嗰日係中秋節，人月兩團圓嘅日子，就會覺得更加可憐囉......之後仲要一路都無假放...話哂都考完試，好應該慶祝吓嘛...唔通係我嘅要求太過份?!

沒有一刻給我喘息的機會........就嚟攰死........

這個星期，還要學很多新事物，雖然從前也有在產房實習，但學生時多是作執仔的角色，現在作為職員的身份，比學生時要做的更多，責任更大，別人對你的期望也就更大......

呢個星期，差點連原本學了的都忘記了,混亂了......唉!!可能是有太多嘢要學,太多嘢要記......

其實很多工作都很瑣碎,對於新手來說,很容易就會做漏了；或者有些時候，根本不知道自己在某些情況，該做些什麼......

我不希望將來成為她們眼中，"做極都唔掂"的人呢......

不過我相信現在欠的，就只是時間吧！習慣適應後，一定可以pick up到的.......

聽日同後日終於有假放! 可以鬆一吓囉!!!

今天是 midwifery course 的最後一個上課日，今天以後，大家就各散東西了‧‧‧

大家不會再一起山長水遠來到這個班房上堂、考試、胡鬧、合眼訓、食早餐、俾人鬧‧‧‧

雖然，總是覺得這個course 有點過長，常會想快點畢業就好，但回想起來，沒有這年半的時間，又如何做就我們一班同學的感情呢？

在這年半裡，也有很多辛酸，趕project、為咗考試專心溫書，有屋企都唔番，一齊留到好夜、出ward做嘢，經常無厘頭受氣、俾人屈、被鬧、錯嗰個一定係自己、自信心跌到落谷底‧‧‧

都係多得呢班同學仔，返學時大家有機會呻吓，抒發吓，輕鬆吓‧‧‧如果唔係，真係怕會鬱鬱而終，人都癲！！

想到這裡，有點不捨‧‧‧

年半的產科生生涯要過去了‧‧‧

今天還有同學寫紀念冊呢！哈哈!仲要係以前細個小學畢業嗰隻‧‧‧每人一張紙，寫個人資料，再加句“萬里長城長又長，願我倆友誼比它長”嗰種‧‧‧真係好搞笑！！

以後，我想也很少機會會再踏足這間醫院、這個課室、接觸這班老師了‧‧‧ 現在只好期待考完試，大家約定的聚會吧！

終於知道畢業後的去向了‧‧‧

都唔知是喜是悲‧‧‧

在未來的至少一年內，我將會在產房工作！

其實讀得產科，就預咗要在產房工作，但這個產房的人‧‧‧全醫院都知‧‧‧是最惡頂的‧‧‧

以後的日子，真難捱喔‧‧‧

要抵得住她們的無理取鬧、也要忍受無啦啦俾人寸、皮質醇日日都處於高位‧‧‧唉！

希望，我可以catch up 到進度，只要唔成為產房的眼中釘，就已經要還神了！

不過，我都應該慶幸自己不是被分配到產前房‧‧‧在這兒，唯有祝福產前房的同學，"God bless u"‧‧‧

在最後的一天，最後的一更，終於考埋個補針試！！

PASS...............YEAH！！

真係超好彩呀！！尋晚返夜遇到好好的assessor，肯半夜三更同我考試(因為通常返夜，人手不多，要找人睇你補針都唔係咁方便，何況係考試‧‧‧而且返夜，大家都覺得多一事不如少一事嘛！)

終於‧‧‧終於‧‧‧在最後的限期前，給我考到了！！

雖然，說真的，我對縫補傷口這一環節，蠻有信心pass！但要遇到合適的環境、case、產房唔忙、case唔多，還有肯考試的assessor，這都完全在我掌握以外‧‧‧

所以真係超開心架!! 最後的一夜，天時地利人和，可以說是九死一生!!

真係"湯"豬還神都嚟唔切!!!

同學們都"鄧"我緊張，限期快到，大家都考完了，只有我還未考，每次返工不是太忙，就是沒有合適case‧‧‧那種等待的心情‧‧‧真是‧‧‧折磨‧‧‧

所以，同學們，星期一返學真是值得大肆慶祝一下的！!

現在在我們前面的，就只剩下External Exam 了！！

今日就係student midwife生涯最後一個工作日!!

終於捱到這個超長 midwife course 的尾聲！

同學們望呢日都望咗好耐喇‧‧‧

因為Student midwife的日子一d都唔易過：

要重新適應新制度、新人事、新做事手法‧‧‧

又要食得咸魚抵得渴----->乜嘢你都要做，因你係最細，而且係student 身份，又咩都唔識，仲要表現主動‧‧‧

要有一張厚面皮----->抵得住無數次被人呼喝叫罵‧‧‧

要有高忍耐力及高EQ----->經歷無數次無理取鬧有理說不清的情況，而唔可以駁咀‧‧‧

仲有好多好多‧‧‧不能盡錄‧‧‧

現在望到終點了‧‧‧

這年半著實是磨練意志的好時機!!