為咗預備考試，好耐都冇上HOMPY 了!

依家，試終於考完!! 終於鬆口氣...........呵呵!!!雖然仲未出result......

自上星期五考完試到今日，日日都要返工！(包括考完試嗰日--->中秋節+星期六日)

我知道做得呢行冇得放紅日係好正常，但有冇需要去到咁盡呢........早上考完試，飯都唔得閒食，就要趕返去返工......再加上當你發現嗰日係中秋節，人月兩團圓嘅日子，就會覺得更加可憐囉......之後仲要一路都無假放...話哂都考完試，好應該慶祝吓嘛...唔通係我嘅要求太過份?!

沒有一刻給我喘息的機會........就嚟攰死........

這個星期，還要學很多新事物，雖然從前也有在產房實習，但學生時多是作執仔的角色，現在作為職員的身份，比學生時要做的更多，責任更大，別人對你的期望也就更大......

呢個星期，差點連原本學了的都忘記了,混亂了......唉!!可能是有太多嘢要學,太多嘢要記......

其實很多工作都很瑣碎,對於新手來說,很容易就會做漏了；或者有些時候，根本不知道自己在某些情況，該做些什麼......

我不希望將來成為她們眼中，"做極都唔掂"的人呢......

不過我相信現在欠的，就只是時間吧！習慣適應後，一定可以pick up到的.......

聽日同後日終於有假放! 可以鬆一吓囉!!!

今天是 midwifery course 的最後一個上課日，今天以後，大家就各散東西了‧‧‧

大家不會再一起山長水遠來到這個班房上堂、考試、胡鬧、合眼訓、食早餐、俾人鬧‧‧‧

雖然，總是覺得這個course 有點過長，常會想快點畢業就好，但回想起來，沒有這年半的時間，又如何做就我們一班同學的感情呢？

在這年半裡，也有很多辛酸，趕project、為咗考試專心溫書，有屋企都唔番，一齊留到好夜、出ward做嘢，經常無厘頭受氣、俾人屈、被鬧、錯嗰個一定係自己、自信心跌到落谷底‧‧‧

都係多得呢班同學仔，返學時大家有機會呻吓，抒發吓，輕鬆吓‧‧‧如果唔係，真係怕會鬱鬱而終，人都癲！！

想到這裡，有點不捨‧‧‧

年半的產科生生涯要過去了‧‧‧

今天還有同學寫紀念冊呢！哈哈!仲要係以前細個小學畢業嗰隻‧‧‧每人一張紙，寫個人資料，再加句“萬里長城長又長，願我倆友誼比它長”嗰種‧‧‧真係好搞笑！！

以後，我想也很少機會會再踏足這間醫院、這個課室、接觸這班老師了‧‧‧ 現在只好期待考完試，大家約定的聚會吧！

終於知道畢業後的去向了‧‧‧

都唔知是喜是悲‧‧‧

在未來的至少一年內，我將會在產房工作！

其實讀得產科，就預咗要在產房工作，但這個產房的人‧‧‧全醫院都知‧‧‧是最惡頂的‧‧‧

以後的日子，真難捱喔‧‧‧

要抵得住她們的無理取鬧、也要忍受無啦啦俾人寸、皮質醇日日都處於高位‧‧‧唉！

希望，我可以catch up 到進度，只要唔成為產房的眼中釘，就已經要還神了！

不過，我都應該慶幸自己不是被分配到產前房‧‧‧在這兒，唯有祝福產前房的同學，"God bless u"‧‧‧

在最後的一天，最後的一更，終於考埋個補針試！！

PASS...............YEAH！！

真係超好彩呀！！尋晚返夜遇到好好的assessor，肯半夜三更同我考試(因為通常返夜，人手不多，要找人睇你補針都唔係咁方便，何況係考試‧‧‧而且返夜，大家都覺得多一事不如少一事嘛！)

終於‧‧‧終於‧‧‧在最後的限期前，給我考到了！！

雖然，說真的，我對縫補傷口這一環節，蠻有信心pass！但要遇到合適的環境、case、產房唔忙、case唔多，還有肯考試的assessor，這都完全在我掌握以外‧‧‧

所以真係超開心架!! 最後的一夜，天時地利人和，可以說是九死一生!!

真係"湯"豬還神都嚟唔切!!!

同學們都"鄧"我緊張，限期快到，大家都考完了，只有我還未考，每次返工不是太忙，就是沒有合適case‧‧‧那種等待的心情‧‧‧真是‧‧‧折磨‧‧‧

所以，同學們，星期一返學真是值得大肆慶祝一下的！!

現在在我們前面的，就只剩下External Exam 了！！

今日就係student midwife生涯最後一個工作日!!

終於捱到這個超長 midwife course 的尾聲！

同學們望呢日都望咗好耐喇‧‧‧

因為Student midwife的日子一d都唔易過：

要重新適應新制度、新人事、新做事手法‧‧‧

又要食得咸魚抵得渴----->乜嘢你都要做，因你係最細，而且係student 身份，又咩都唔識，仲要表現主動‧‧‧

要有一張厚面皮----->抵得住無數次被人呼喝叫罵‧‧‧

要有高忍耐力及高EQ----->經歷無數次無理取鬧有理說不清的情況，而唔可以駁咀‧‧‧

仲有好多好多‧‧‧不能盡錄‧‧‧

現在望到終點了‧‧‧

這年半著實是磨練意志的好時機!!

終於將個hompy改頭換面了！連自己見到都有煥然一新的感覺！！

FRESH!!!

都係尋日用返工前的一小時匆匆忙忙咁做起的‧‧‧

得閒要再執執佢，硬係覺得差d嘢咁‧‧‧

昨日又係sleeping day ,　今次有得訓 lu！

不過訓到十一點幾就起身喇！因為約了lulu去 LUNCH  K !!

好耐都冇去過LUNCH K 喇！因為都好難約到人在lunch 時間同我去癲呢！

今次都係因為lulu要去嗰頭見工，先至約到的！

以前，去親唱ｋ，就算成間房冇人食煙都一樣成身煙味，但尋日去完，好開心呢，一ｄ煙味都冇！！

因為佢有一層係禁煙區！以後去唱ｋ就唔駛搞到成身連頭髮都係陣陣煙味喇！

有時，真係好怕人食煙，最慘係排隊搭巴士的時候，如果咁啱企前面的人食煙，真係冇得好避囉‧‧‧迫住要同佢一齊食‧‧‧

香港空氣已經好差，再加埋ｄ煙‧‧‧唉！！

好彩依家多咗ｄ食肆禁煙，如果唔係，真係命都短幾年呀！

最近，同學都忙著為補針考試而煩惱！！

因為過埋下個星期，我們便開始study block 及放假，直至十月都不用返工了！但我們的補針實習試還未考‧‧‧

難道要我們放假時standby，有合適的case便call 我們回去考試嗎？這樣真的很大壓力呢！一方面，我們要專心溫書，另一方面 ，我們又要standby 等考試‧‧‧

但照現時的情況來說，我想這可能是唯一及最後的方法‧‧‧

大家都迫在最後一個星期考試，我知道真的很難安排！又要配合assessor 返工的更期，又要配合人手，又要配合病房當天的忙碌指數，還要有合適的case‧‧‧

現在唯有希望幸運之神的眷顧，讓我們可以在這最後的時間，完成這最後的考試！