昨日又係sleeping day ,　今次有得訓 lu！

不過訓到十一點幾就起身喇！因為約了lulu去 LUNCH  K !!

好耐都冇去過LUNCH K 喇！因為都好難約到人在lunch 時間同我去癲呢！

今次都係因為lulu要去嗰頭見工，先至約到的！

以前，去親唱ｋ，就算成間房冇人食煙都一樣成身煙味，但尋日去完，好開心呢，一ｄ煙味都冇！！

因為佢有一層係禁煙區！以後去唱ｋ就唔駛搞到成身連頭髮都係陣陣煙味喇！

有時，真係好怕人食煙，最慘係排隊搭巴士的時候，如果咁啱企前面的人食煙，真係冇得好避囉‧‧‧迫住要同佢一齊食‧‧‧

香港空氣已經好差，再加埋ｄ煙‧‧‧唉！！

好彩依家多咗ｄ食肆禁煙，如果唔係，真係命都短幾年呀！

最近，同學都忙著為補針考試而煩惱！！

因為過埋下個星期，我們便開始study block 及放假，直至十月都不用返工了！但我們的補針實習試還未考‧‧‧

難道要我們放假時standby，有合適的case便call 我們回去考試嗎？這樣真的很大壓力呢！一方面，我們要專心溫書，另一方面 ，我們又要standby 等考試‧‧‧

但照現時的情況來說，我想這可能是唯一及最後的方法‧‧‧

大家都迫在最後一個星期考試，我知道真的很難安排！又要配合assessor 返工的更期，又要配合人手，又要配合病房當天的忙碌指數，還要有合適的case‧‧‧

現在唯有希望幸運之神的眷顧，讓我們可以在這最後的時間，完成這最後的考試！

唔知係咪人年紀大咗，開始唔捱得‧‧‧

自從sleeping day無訓覺，之後連續兩日都要返早，嗰兩日真係有d虛脫同遊魂嘅感覺！返工要做嘢嘅時候，即刻醒哂！但一放工，坐低、合埋眼‧‧‧即時又訓著了！！

硬係覺得身體好似積聚了好多毒素咁呢！

都係時候開始我嘅排毒大計‧‧‧做運動，清淡飲食，每晚十二點前訓覺‧‧‧

雖然好似好易，要實行起來，對我呢d只有三分鐘熱度的人來說，都要有很大的決心和毅力啊！！

尋日過咗一個無sleep嘅sleeping day！

平時返了一晚通宵，朝早七點放工後一定第一時間去睡覺，但尋日成日都無訓！因為我同hehe同埋他的朋友一行六人去了廸士尼！

本來都無唸住咁快又再去，上年先至同hehe在廸士尼過生日！

咁快又再去，是因為今次是一班朋友一起去，而且是免費的！六個人，總共慳了千幾元哪！！

我同hehe就成為了是次活動的領隊，場內有好多人呢！可能是星期日的關係吧!!

雖然很多的遊戲我和hehe都已經玩過，而且很多都要大排長龍！但廸士尼煙火表演，真是值得一睇再睇呢！在城堡襯托下的煙火，場面好浪漫、好感人呀!!

呢日大家可以話係盡慶而歸呢！去完廸士尼，再去青衣城食火鍋，回到家已經十二點幾了！

由於前一晚返工無得訓，sleeping day又去廸士尼玩咗成日，返到屋企一撻落床就訓著了！！第二朝仲要晨早六點起身返工呢！直頭覺得自己係鐵人！！

不過，都是值得的！因為實在很難得才約齊人呢！！完成呢次夢幻之旅，大家還約定聖誕節要衝出香港，一齊去旅行呢！

Student Midwife 嘅生涯已經進入倒數階段.......

再返多兩個星期工，就到final study block，之後就放一星期大假，準備十月考Council個試了！

到現在，還未知道十月大家何去何從呢?

雖然，大家都必定要繼續留在O & G ,但究竟誰會在antenatal,誰會在labour ward,又或者誰會在postnatal ??

到現在都仍是一個謎......

當然，大家都一定有想過要離開O & G 吧！！！哈哈!因為這個department 實在太stubborn了‧‧‧就算離開了，十年後再回來，我想也沒有大改變！！

最初，我們student都對這department做事的方法有很多疑問，為何一些沒有意義的制度或方法，大家仍會跟隨......為何這department的人都好像不求進步......

到了年半後的今時今日，我們都知道，要改變那盤古初開便有的制度、想法或做事方法，比登天更難！

在這department,我們只知道附和比對抗更容易生存！！！

Senior 要你這樣做，不要問點解，照做便是了！要是你斗膽challenge ，以後的日子就不好過了......

隻右眼跳咗成晚，唔知係咪有咩事要發生呢？ 搞到好唔舒服呢！唔該快d停啦！！PLEASE！！！ 好想換過個skin 呢！我唸都係時候要執執佢喇！現正物式靚相，準備大裝修。 話咁快就九月一日，又係開學大日子，不過都唔關我事好耐喇‧‧‧ 只係覺得『嘩！咁快又過咗一個月喇！又出糧喇！！』

明珠台終於播新一輯 “ER”，好可惜‧‧‧昨晚我竟然唔記得睇‧‧‧   激死！！   記憶中這套關於急症室的劇，我由第一輯已開始追看，從前還只是個中學生！   這樣回想起來，原來自小已對醫院的工作有興趣了！！總覺得劇集中的情節很緊張呀！而醫生們又要經常面對兩難的決擇！   估不到，現在的我也成為了醫院的一份子！雖然不是急症室，也不是醫生，而現實的情境也不如劇集般集集精采日日新鮮，但總算也是自己喜歡的工作！   這套劇可說是陪著我入行呢！   還記得從前讀護士學校，一班同學一起在宿舍客廳追看的情境！   那三年‧‧‧真是很開心啊‧‧‧

呢排都迷上了上網打麻雀!! 好好玩呢!!

玩完一舖又一舖....

我都唔知點解會迷上了，都是見爸爸玩得咁開心！我才跟著玩起來!!

原來，都好多人玩呢，每晚九時過後，所有遊戲室都肯定爆滿的......   

我都試過很多次因為人滿入不到了！!真是激死人哪！

日又玩，夜又玩，我唸我真係中咗麻雀毒呀!!