被一個朋友 "shan" tag 了~~要填呢~~

我最想收到既禮物 :

1)我最愛o既人做到佢o既承諾

一 點你的人是誰?

      可愛的"Shan" @ u wants

二 你跟他是甚麼關係?
       @u want的朋友
三 寫出你對他(她)的5個好印象?
1)心地善良

2)好可愛

3)入得廚房出得廳堂

4)健談~

5)專一

四 他對你做過最深刻的事?
　係forum share大家o既煩惱

五 他跟你說過最深刻的說話?
      ha??太多........

六 如果他變成你的情人,你會因為他的那一方面而令你喜歡他?
    有個咁專一的情人都唔錯，不過最好係男性........

七 如果他變成你的敵人,你會因為他的那一方面而令你討厭他呢?
     er....但我唔討厭佢wo

八 現在你最想他對你做的一件事?
希望佢幸幸福福就夠啦

九 你覺得周圍的人認為你是怎樣的人?
低低bb，正白痴

細路女，未大透

十 自己想成為的理想類型是?
咩都無敵就最好~~

十一 給關心自己喜歡自己的人大喊一句吧:
其實我成日都好掛住你地ka

心情:

其實前日打個篇野都無講晒呢個月的事，除左轉工，又有去左Ocean Park 啦，去左澳門啦，而且過左同佢一齊的第一個生日。生日真係好開心，另瀉會感覺到朋友的存在。而且佢都幾乎係24小時咁陪我(22個日其實仲要番工的)。跟住個日我同朋友係23號晚先去飲野慶祝(24係紅日可以玩夜d)，個晚都玩得好開心，因為有得唱K，但係都有點兒唔夠喉，有機會再約人唱過先~(不過, 最希望都係阿狗快d放低，世上何處無"野花"?)

剛剛係26去左睇我最愛的魔盜王，個時係因為一向都好喜歡Johnny Depp而去左睇呢套野的第一集。Pirates更加係我一直好嚮往的，同伴的羈絆更係夢想。到今次第3集，有成3粒鍾，心諗應該好正。其實都唔係唔好睇o既，但係我覺得點解第3集係最長，但反而故事情節帶得太快太草率，好多人物感情都無交待得好。有點失望。但失望還失望，我終究都會去買晒套碟的。同時我睇戲前知道某記者睇左預演，佢話睇完千萬唔好行開，因為會有段短片係講10years later William個仔的。咁我同佢緊係唔行開坐係度等。見成場d人走晒得番幾丁人，照等。點知等到一分鍾........播緊cast，兩分鐘，都係cast....三分鐘.........等等等.....我地一直懷疑，咁耐o既，唔通俾個記者呃左??疑惑之下，都等左咁耐，緊係等埋落去(師奶仔性格) .....終於，等到了，影到一個小男孩同Elizabeth係度等William番黎，.....全程唔知有無2分鐘......跟住就The End~ 呀!!覺得個記者....係就係無呃人，真係有William個仔....但係.....等咁耐之如.....個仔.......唉~連佢都嗌搵笨呀~~~ Disney正奸商，屈人睇完個Cast list

P.s. 我是否有此等榮幸去享受幸福? 我們要努力，我們要深信彼此是何等在乎對方。

心情:  Lucky...幸運與不幸

嘩~我發覺我真係懶到出晒汁.........睇番上一次篇文，居然係2月.......點都好，我會開始番我o既日記生涯。Update番大家先，上次係度喧泄左自己對份工D人事o既極度不滿，忍無可忍，無需再忍，經咨詢過各方好友，決定"一走了之"。煩少一樣得一樣，反正唔夾亦無可奈可。趁仲係probation，7days notice 緊係走就快D，費事對住佢地又俾人串。雖然介紹我入去個個阿姐平時都唔係點對我，但咁耐已黎佢對我最好都係呢樣o羅  -  就係俾我早走，雖然我遞信時佢俾左唔少說話我聽，句句都好鬼UN耳，但係我覺得都走啦，無謂再理佢。結果，轉轉下，依家就安定左係呢一個地方，呢度個個都好好人，而且好準時就放工lo。我有時成日都會怨自己唔好彩，譬如趕時間上車先發覺Octopus負$$等等，其實呢d都好少事，我呢d咁大意，做野又咁懶o既人，咁都仲可以搵到咁o既人工，而且搵親工都會好快搵到甚至會加人工，仲唔算係好Lucky咩，睇黎我都要諗下，人係要睇遠d，大事上面的好運，真係比得上十萬樣小事上o既不幸。

p.s. 不過，呢幾個月最好運o既事，就係可以同佢繼續幸幸福福咁生活落去。

心情 : 好懶

新年了，咁又一年了。原來我真的很久很久都無update過自己hompy........唉.......只能講係因為又要番工又要番學的關係吧。但說真的，我從來未擔心過自己的人際，我從不知道自己是多麼的與其它人不合呀。除了見完大師，說我雖然無心，但說話裡總是很容易罪女性.........，我也深深的討厭在公司俾人杯葛的感覺呀 ! 原來真的有我原全合不來的人...，其實我心裡明白同事是只是共事的人，合得來當然好，不合得來也就無可奈可，也得做好自己本份。但是，我就是很討厭那種被杯葛到出晒面的感覺呀 ! 也許是因為小學時亦曾被人這樣對待過吧 ! 心裡面個刻真的很委屈很想哭。那時還因為被杯葛以致小學很多回憶都記不起了。只記得憑著升上中學時身邊的人全部都會不同的時候，我的性格亦徹底改變了，變成與很多人都可以說說笑，不再孤僻的........回想起來，可能我本來根本就是一個孤僻，多愁善感的人吧，只是當時學生沒有甚麼煩惱，而且身邊有真的有很多很好的朋友，所以錯以為自己是一個開朗樂觀的人吧。 錯了，在這假期中，其實我常常都想 .....很害怕再回去那公司，再去見那些同事，.......但又不能quit...........

好耐好耐都無用過呢個名詞囉，以為自己已經擺脫左黑仔運，點知 ... 唉 ...

由我遞信個刻開始，我就收到阿" 醒目 " tone sent個bill過來話我傾左成千蚊，我心諗 :  無野ar ! 我平時都每個月都係$120，你居然無啦啦話我傾多左咁多要收成千 ? 我點都唔服，check單佢又寫左好多所謂incoming call，又無註明no. (其他係有寫到tel no. )，好多疑點，打去同佢地理論，點知佢地一尾話自己個系統啱，又話就算話唔到我知d incoming call係咩no.，但係detect到係我張sim card wo，so都係count我。我心諗，咁就係話你地系統detect錯嘛，咩咁都得o既，呢個世界仲要公理 ? 我用左3日時間同佢理論，但係我真係覺得好煩，而且我心理上覺得，其實我根本唔想鬧佢地，佢地都係打工ja !系統錯佢地都唔可能係公司睇住o既情況下做d咩 ka啦，so佢地唔肯讓步都好正常。搞到我反而覺得自己好似做左錯事咁，好唔開心。煩到我最後都唔同佢拗，佢平左$350俾我就算。但係依然要無啦啦俾多$500幾ar! 老實講我根本就無打多咁多。唉 ...  真係人善被人欺

p.s. 坦白講，中間其實仲有好多事發生，都唔知係唔係Terrie ( 我個chinese老細 ) 咀咒我呢 ~ 等我過唔到個開心christmas

Finished Good~完成品

今天係第一日番學，發現原來 ... 我真係一個路痴。唉，我係要搭一架小巴，明明上次已經實習左一次，心諗又知道搭咩小巴，唔會走漏啦，點知我要去一去教協買左文具先，跟住我已經做足準備上網check左站先，明明係有洗衣街站，我已經趕時間，仲要我由街頭行到街尾，辛苦趕到，都遲晒大到，第一日就搞成咁。唉

不過都識到唔少同學，有個好開始，久違了番學的感覺，做學生的充實感

順其自然 -- Run one 's Course

最近真係懶得可以，發生好多事，很多事想記下，卻無時間去寫下。懶洋洋的我，最近o既最愛又放在漫畫上。不停不停的睇，不斷不斷的歡笑。發覺一個人的生活，原來反而是我最嚮往的。我有時害怕寂寞，但需要朋友，最愛最愛，都是朋友。

快要離開現在的公司。不捨得這裡所有的同事 ( may be except Terrie )，告訴Katie時，大家都相擁著，不捨。告訴Andrew時，他居然跟我Say Sorry，堂堂一個老闆，(難度真係外國人就不同嗎 ? )新工作o既offer真的不錯，不論人工及Working hours，是5日半番shift ! 5日工真係夢寐以求呀 ! haha有多d時間去釣魚 law。

其實早前已經發現了，很久很久，沒有哭過。就算身邊真的，發生了很多很多事情 ... 縱使我做了很多很多，對不起別人的事情，但是哭不了，沒有任何想哭的衝動。很懷疑，自己以為自己痊癒了，不用再見醫生了，其實根本好不了，只是想告訴身邊的人，我好了。哭不了，... 是不是快死了 ?

心情 :

Happy Halloween !!

最近去完Ocean Park o既Halloween Party，現場氣氛唔錯，但可能仲係早，好多人入場，但就唔係好多人玩dressing，我同個Friend一早約定要著lolita，另外我仲帶左一對白色翼係度扮天使Tim，不過就俾個d扮鬼d Actor 話Halloween 係唔welcome angel。 ... 不過最慘我個排剛剛大傷風，簡直係原全呼吸唔到，去到玩根本係死蛇一條。不過咁都好彩俾我玩攤位玩到個大獎，仲要係搥青蛙，由細玩到大，都未試個中到獎，證明我終於大個啦 ~~

 p.s. 嘉星表哥終於結婚啦，唉 ~ 不過我由此至終都係覺得係張貼度寫明 " 西裝禮服 "，呢一句真係好 ..... 我發誓到我結婚，我一定會係俾佢地個張貼度寫 " 超級無敵豪華西裝禮服 " .......