作使命員的事奉已經半年了，發覺自己根本就無做過什麼，可能未尋找到自己的角色，感覺都幾無奈架。半年的小組生活的確過得好快，一個有質素的團契生活，必需要有投入的心，及與大家有一個好的關係，不過我係呢半年好像兩者也沒有做過。老實說，自己與同工的關係只是很表面，每次開會都是匆匆而來，根本就沒有真正的溝通。一個突如其來的感情質問，更令我不知如何是好，是否應乖乖地做好場show，給大家一個解釋，這給我一點同行的感覺也沒有。

我知道自己要學懂放低，不應介意大家的看法，努力做好cell員既本份吧！

近排周圍都有十年回顧的節目，連剛剛看完的電影【每當變幻時】也已回顧香港作藍本，老實講雖然感覺挺好，不過始終有點濫用。回顧歷史不是不好，但要記得歷史不只是作回憶之用，如果這樣的話，根本沒有進步可言。我們應該以史為鑑，創造更好未來。明知道自己過去miss左重要的東西，應該懂得更珍惜現有的東西。

而自己過去的十年，見證自己由一個中學生成為了社會份子，信仰上亦由被動既參與者成為了主動事奉者，係工作上亦認識了很多唔同類型既朋友。咁就十年啦，時間確實不會停留，呢十年對我而言的確改變了很多，不過此改變已停滯於兩三年前，可能是自己的目標亦同樣地改變緊，開始變得糢糊。值得高興的是，就是這些十年回顧的節目，令我得以知道不應再停下來，我應該要為下一個十年作好預備，如果不是的話，我既人生就只是得幾年光輝，不能為別人作參考，珍惜之物。

百周年終於有飯局啦，真係好多謝你地仲同我慶祝生日都過左N 咁來。今次飯局除左以往既說說笑笑之外，亦多了一份守望既心。大家真係好耐無見啦，原來大家都面對緊唔同煩惱。高興既係大家真係好坦誠咁去分享自己既難處，身為好友既我一定要加把勁為大家禱告。大家都要俾心機呀!!

今日無什麼特別約會，對我來說真係好舒服。因為想執房想左好來，今日終於有機會執啦。一開始我就set 左個planning : 消滅報紙，執個晒書架既擺位，逐格櫃清理一番。執左成個晏晝，雖然革命尚未完成，不過自己都好滿意。

所有既垃圾我都有好好分類架，連d 舊報紙我都俾左d婆婆，因為知道對佢地嚟講係有價值，二來又可以支持環保。不過我keep 起左一d 唔要既CD-R，唔知有冇人可以話俾我聽點處置先最好。

其實真係好唔鍾意俾人攞自己嚟做話題咁講，諗起d明星成日俾d 週刊咁吹，真係幾同情佢地。無奈我女人的的確確係一位小三八，好鍾意係個墟入面講我，仲要俾我聽到添，感覺幾唔好受。讚既話緊係開心啦，不過係墟入面仲會講d 咩

荃灣條街，即係問你，答唔識就『你咁差架』。一日聽十幾次『你咁差架』，人都down 晒，睇嚟我都要學似千嬅咁睇<化>先得

今日同IVE同學仔食lunch，大家不停咁講d同學近況，其次原來大家都不滿現時工作，唔知係咪人生必經階段，工作耐左，總有點泛味同迷失，沒有畢業時既目標同理想。其實自己近排都不停係度諗前途同方向既野，自己真係有好多野想做，例如學日文，轉工做PR，不過都係諗多過做。眼見自己近排對工作毫無衝勁，只係得個殼係度。話唔鐘意做AUDIT，又唔係呀，記得自己讀書時已經想做AUDIT既工作，可能係個工作環境根本唔啱自己，太多限制，定抑或係audit既工作真係要咁多限制，連我自己攪唔清楚。不過我知道，我會繼續做番自己，唔會被工作埋沒。

人大了，同朋友關係的確係遠左，好多野都唔係自己諗得咁簡單，而工作亦不知不覺間佔據住你既生活，但係我知道最寶貴並唔係工作。

唔知由幾開始，逢係曉格蘭特(Hugh Grant)做既電影，我都會成為捧場客。整套戲不過是一般愛情小品，劇情雖然無特別驚喜，但勝在夠浪漫，過程輕鬆自然，再加上悅耳動人既歌曲，真係值得入場一看。

一套有意思既電影，不只是笑片咁簡單，有很多地方都值得反思。現今人類個個都物質主義，戲中兒子應被後父影響，寧放棄自己喜愛既運動，都要做股票經紀，而主角則為兒子而工作，最後到博物館做夜更也沒問題。到主角遇到了問題後，佢竟然無劈炮，反而去搵資料，去了解博物館內的歷史，試問現今仲有冇人會咁堅持同敬業。

在博物館內各時代既代表，有原始人，古羅馬士兵，匈奴，西部牛仔以至現代既羅斯福總統，反映出人類的文明進程；亦有大自然既各種代表。其實歷史同大自然都有好多野值得欣賞，而現今人類卻不能珍惜，只愛追求物質生活。可悲!!