計上個星期失敗咗Lamington! 今日一早起身一心諗住再試整, 參考咗小琛既食譜, 整呀整呀! 終於成功焗到蛋糕, 焗好蛋糕, 整個朱古力醬加椰絲就完咗我今日再戰既Lamington啦! 個賣相唔差! 味道都好好味! 若果沾多d朱古力醬我諗重好味!

20.06.08

今日放棄食LUNCH時間走落灣仔買整餅材料, 買買買....買咗好多好多....準備明天開工整餅!

21.06.08

今日整咗個大size薄脆榛子蛋糕準備今晚媽媽生日飯局食! 唔記得影相呢! 不過佢地都話好食!  只係話甜咗少少啦! 我諗大多數老人家都唔喜歡食甜啦! 又可能我將輝sir既食譜加大咗, 份量大咗所以甜咗d啦! 下次再努力改進先!

尋晚係輝sir到上芝士循環既第一課, 上到去miss係咁同我打眼色, 1號位呀1號位呀! 低B既我唔知做乜, oh...櫃有野呀! oh....我終於知道佢講乜啦! 原來小琛留低手信比我啦! 可惜個位比同學仔坐咗啦! 無所謂啦! 多謝小琛既手信! 今晚有2款實習2款示範, 實習係芝士海鮮酥同煙肉金茹意大利飲撻, 而示範係薯茸芝士波同瑞士芝士曲奇! 樣樣都好好味呀!

阿sir作品:  芝士海鮮酥~煙肉金菇意大利飯~薯茸芝士波~瑞士芝士曲奇

我既作品:  芝士海鮮酥&煙肉金菇意大利飯

小琛手信:  酥皮腸仔卷~冧酒崧子仁蛋糕

16.06.08

呢排都好忙, 忙住照顧D暑期工, 又要教佢地做野! 又要安撫吓佢地, 逗吓佢地! 係公司上網既時間都少咗! 所以無乜update!

15.06.08

今日又shopping, 係長洲都買到野, 唉....個真女人錢容易揾呀!

14.06.08

今日放工去馬鞍山睇中醫, 跟住又去shopping shopping....收穫豐富!

13.06.08

今晚落住雨去上堂, 今晚阿sir幫全部同事撫骨呀! 都幾搞笑! 好似佢同我講都ok, 無乜特別啫!

12.06.08

今晚同同事慶祝生日去咗尖沙咀既盛八日式燒肉店, 我地叫咗好多野食呀! 樣樣都好好味呀!  

11.06.08

今晚係上麵包最後一堂, 實習咗蒜香軟包, 阿SIR示範藍啤梨酥皮包, 呢一堂好他條呀! 一呢就搓蒜香軟包面團, 再拎去發烤, 跟住就阿SIR範藍啤梨酥皮包既不同種類既做型, 呢個包包你想點做都得呀! 等等....等到蒜香軟包面團發烤完, 再開始做型做完再發烤, 然而焗焗焗, 係呢個時候D藍啤梨酥皮包都出焗呢, 又有野食呀! 好味...今晚好早完成所以野, 九點可以放學! 咁我就可以他他條條咁走人LA!

尋晚去輝sir到學迷你薄脆榛子蛋糕! 麻煩哂小琛幫我霸位! 唔該哂! 哈哈...返到去坐底就有COOKIES食, 係J師奶整既COOKIES好味呀! 7:00開波啦! 先打個朱古力蛋糕, 再整個薄脆之後整榛子忌廉! 到成晚最難既整朱古力扇! 阿SIR試(筆)忌廉, 我都有試玩呢個好難呀! 算吧! 加好哂全部裝飾完成! 到最後阿SIR不段講唔好走住, 試食咗先好走! 一人半件好好味呀! 唉...今晚我多咗個花名呀! 阿SIR無LA LA係我後面講成日濃今日做得好好有進步! 好開心呀! 阿SIR讚呀! 呢位阿SIR真係搞笑!  計叫小琛做咗酥皮同學, 我就做咗成日濃同學! 返到屋企正想放D蛋糕入雪櫃打開個袋! OH...我唔小心將支烏龍茶整爛咗D餅呀! 唉....真係好唔開心呀! 做乜咁大意呀! 激死我啦! 鳴鳴鳴....

9.06.08

焗咗2日野, 今日係休息日!

8.06.08

今日天氣晴朗, 無影響到班FD入呢玩同BBQ, 咁啱又係屋企人提早慶祝父親節, 今日10點起身, 繼續整野食! 今日整中式甜品, 整咗芒果吉士糯米卷同紫米糕! 先整紫米糕先, 跟住就再戰吉士, 終於成功啦! 然後再蒸糯米粉再將芒果同吉士包係糯米粉內便完成我第一次整既芒果糯米吉士卷! 整咗2盒紫米糕同廿幾三十粒糯米卷, 部份係比家姐同阿嫂拎走! 我班FD四點半到, 我就出碼頭去接佢地, 先上我屋企食吓CAKE食吓糕點, 哈哈...比D FD試食咗大讚芒果糯米吉士卷正! 好開心呢! 佢地唔單止試芒果糯米吉士卷, 我特登為佢地整既藍梅芝士餅都幫我清哂! 我無出席屋企既飯局, 同FD 七點半開爐BBQ好熱呀! 燒燒燒...燒到十點幾完場啦! 佢地坐返十一點船走人! 而我就唔送佢地出碼頭啦! 係屋企清理現場!

7.06.08

瞓到半夜聽到狂風大驟雨, 醒吓瞓吓! 好彩今日DAY OFF, 唔洗掛住洗唔洗返工既心情! 瞓到十一二點醒, 抖咗陣! D落開始開, 買整餅整芒果糯米池既材料! 買齊野就開始開工LA! 今日全日係到焗焗焗, 又焗咗藍梅芝士餅, 試整咗吉士, OH...失敗咗呀! 我諗係最後加牛油果一PART錯咗呀! 搞到D吉士變咗油淋淋一大堆野! 成煲唔要得! 唉...好大把激添! 好結果又轉整第二樣野, 整呢個林明頓蛋糕, 唉又失敗呀! 焗唔起個海棉蛋糕呀! 成底又唔要得! 今日做乜都失敗! 搞咗半日結果放棄! 休息吓先! 食飽飯再焗整咗低糖COOKIES同杏仁酥條! 終於成功啦! 個COOKIES開咗桶金桶罐裝牛油呢整! 食落去好鬆, 唔知係咪罐牛油關係呢!

03.06.08

今日跟2位同事要返深圳office, 十一點九係公司出發, 我地先落灣仔食lunch, 再坐直通巴士去落馬洲, 再轉的士返office, 好快喎! 係香港十二點九上車過到落馬洲只係約用咗九個字到加上係落馬車坐的士上到office都只係2點鐘, 可能係晏就啦! 係上面教教教! 教到5點幾要走啦! 走時開始落毛毛雨, 上到車嘩...傾盤大雨呀! 本來想坐到尖東再轉天星, 見到咁大雨都係轉地鐵好啦! 起碼都係室內啦!

02.06.08

本先係星期三上既麵包課攺了今日上, 而今日實習既包包係咖喱牛肉條, 示範咗葵花籽麥包! 今晚都唔係好多野做好輕鬆! 而今晚係有芝士海鮮角同飯撻試好味道, 呢2款之後報既堂都有得學呀! 正...