今晚去咗輝SIR到學棋盤餅有MIKE~J'S師奶同小琛一齊學! 呢個餅好靚呀! 準時開波先打咗個海棉蛋糕, 跟住就整熱情個慕士雪一雪佢等慕士硬身, 跟再手就整呢個白朱古力慕士之後成個餅雪! 係呢段時間整個朱古力棋盤, 整好後再放返上餅到咁就完成! 呢個餅都幾容易! 到試食時間嘩...酸酸既熱情果加甜甜既白朱古力配搭! 簡直係一流呀! 正...呢個必會再整既餅!  哈哈... 今日阿SIR讚我呀! 好開心呀....

阿SIR作品:

我既作品:

小琛 & MIKE手信/貼紙: D貼紙好靚呀! 多謝MIKE既奶粉, 多謝小琛既貓貓模! 貓貓模無帶返公司無影相添! THX兩位...

今晚又開爐焗曲奇啦! 應誠咗班暑期工焗朱古力碎曲奇比佢地食! 尋日焗咗1盤架la, 但失敗咗焗燶咗呀! 所以唔食得, 唉...失望呀! 今晚返到屋企無人, 唔知阿爸阿媽去哂邊無食飯開, 就決定開爐第2次整個曲奇, 今次非常滿意呀! 好脆好好味呀! 阿妹話呢個最好味!  我都覺得好好味!

今日心血來潮想試整包包, 咁就決定整輝sir教既咖哩牛肉包包, 而我就改咗做咖哩雞包包3點幾開始整, 磅好哂所有材料, 開始整呀整呀! 搓好粉團就拎去發烤, 唉...失敗咗呀! 焗熟咗粉團呀! 變咗個半生熟既面飽, 激死我! 好...我決定唔放棄, 就那那臨又磅過又整, 今次小心咗, 唔好煲咁熱d水, 發好都有少少感覺唔係好得, 不過就好過第一次, 咁就當佢得咗! 之後就開始將d粉團加料包好個包包, 就拎去焗焗焗啦! 焗咗4個先! 試食咗都ok! 不過要等聽日再食睇吓得唔得, 我估計個包包應該都係會變硬! 希望ok啦! 我整叫咗monchhichi試食添! hahaha.......

今日係面相班最後一堂, 放學後立刻去生果檔買芒果, 因為要整一個芒果芝士蛋糕, 準備今晚去同事既生日會! 尋晚差唔多11點返到屋企就即刻開工, 整整整.....整到差唔多2點, 只係欠餅面裝飾, 決定早d起身整, 咁就那那林就執好d野瞓啦! 一早起身見到d朱古力裝飾出現問題, 搞到我手忙腳亂添! 唉....咁只好是是但但係餅面寫幾隻字就算啦!

晏就放工就參與同事為既隻毛公仔獅子仔係銅鑼灣CEO開既20歲生日會, 哈哈...係係同一隻毛公仔開生日會! 係咪覺得好奇怪好搞笑呢! 今日所有參與既朋友仔都需要携同自己心愛既公仔一齊出席架! 我當然係帶monchhichi去啦! 大家拎哂自己所愛既公仔出呢排排坐, 而主人家重為設計咗一個玩戲, 而我就得到最似主人相獎, 大家得玩得好瘋癲架! 玩得8點就走啦! 跟住就去咗SOGO行一陣就走啦! 哈哈...低B既我重同monchhichi係船到影相!

今日同我一齊食lunch既同事約咗人, 所以得我一個, 咁就決定放棄食lunch時間走去灣仔狂買材料! 樣樣有D拎到我手都軟呀! haha...

近排都無乜心機update hompy, 越來越懶, 做野又唔係咁開心, 唔想返工! 每朝強行起身, 好累呀! 好憎某d人好憎好憎好憎.........總係感覺好人無好報, 越係衰既人越有地位! 憎爆! 發洩完! hehe...

9.7.08

又係上輝sir堂既時間啦! 今日係芝士循環最後一堂, 又係唔係咁捨得d搞笑同學仔一齊上堂開心既時候啦! 今晚比較容易又輕鬆又特别啦! 實習咗有黑椒紅波芝士條~英國車打芝士曲奇, 而阿sir示範炸軟芝士波同沙樂美Parmesan蛋糕! 今晚既食品樣樣都好特別呀! 有辣有可愛有奇怪同好食既感覺! 我最愛食都係個芝士波!

阿sir作品: 英國車打芝士曲奇~黑椒紅波芝士條~炸軟芝士波同沙樂美Parmesan蛋糕

我既作品: 黑椒紅波芝士條~英國車打芝士曲奇

小琛手信:  吉士包包同朱古力cookies (真係有d唔好意思啦! 時時都有小琛既手信收! thx.....小琛!)

星期六一行十三人去咗西灣河既銀河咖哩屋食飯, 叫咗好多野食, 好食呀! 食飽之後再去明記食甜品, 今晚實在太豐富啦! 食完之後朋友揸車車我出碼頭, 係行東廊見到一單交通意外, 見到私家車車頭爛哂, 貨VAN司機自己扒出呢, 佢隔離位既人唔知有無事, 而私家車既氣袋都爆咗, 個司機就唔知點LA! 真係好恐怖!

尋晚係芝士循環既第三課, 今晚感覺比較亂好多野做呀! 有d手忙腳亂既感覺, 經輝sir既訓練大家都已經好上手架啦! 而尋晚實習咗日式Parmesan軟芝士蛋糕同瑞士芝士火腿撻, 阿sir示範紅椒車厘茄芝士批同蒜香紅波芝士軟芝士曲奇卷! 樣樣都好好味呀! 掂呀! 尋晚又收到小琛既手信呀! 又收到mika係日本幫我買既模模呀! 好開心哦! thx...mika&小琛!

阿sir作品:  紅椒車厘茄芝士批~蒜香紅波芝士軟芝士曲奇卷~日式Parmesan軟芝士蛋糕~瑞士芝士火腿撻

我既作品: 日式Parmesan軟芝士蛋糕~瑞士芝士火腿撻

手信同模:  thx...小琛同mika