今日同fox、vi、elaine、yan、annie、
shan、lit、keung、nicoe同ho去左食韓b,
keung、nicoe、ho好耐無見喇,
起初大家好似少左好多話題咁,
呢d距離感…不太好受,
同之前的相處…大有距離…
及真面目慢慢浮現…

明白到無咩係捨得or唔捨得,
想法好灰…
正如無左邊個唔會唔得的道理一樣。

好在之後都ok,都有d野笑下講下的,
但…有一種感覺…以後的活動…
都會好似今次咁…久而久之…就…
唉~

唔知大家又有無我呢種感覺呢??
anybody會覺得可惜…??

今日係bbq日,約左caca、晶晶、annie同傑傑,
同屋企人、契媽一齊o係天台bbq。

好在夜晚都有d風無日頭咁熱,
今日好好呀,早上雖然老闆o係office,
但一d都唔忙,又唔使同operation開會,
淨係傾左少少野有關搬office的野,
不過後尾boss都捉到我2點先走得,
之後去左飲茶,食完野就一齊去買bbq的野食,
返到屋企之後就打左幾粒鐘牌,
是日小妹好旺呀,hahah…成為左大贏家,keke…

今日傑傑都好搞笑呀,
可能全部都係媽咪級的人啦,
個個都母愛泛濫,鍚傑傑鍚到不得了呀,
不過傑傑都真係好得意的,勁多表情,
又講野老積,得人鐘意到痺呀,haha…
傑傑又超級世界仔,為左打機不惜一切,
haha…率直轉鈦快到不得了呀,
咁細個就已經咁叻,大個唔知會點呢…haha

Um…今朝一早收到sms…final都係無回,
都唔知回好唔回好,之後過左就無左件事。

但其實我真係想講,
對住一個唔夠時間休息的人話自己失眠,
真係好好好過份囉。

我都唔明,點解有得訓會訓唔著的,
真係要認真解決下呢個問題呀…

今個星期,晚晚都好夜訓,
身心疲累,日日靠coffee度日,
感覺到自己的燥同熱氣不斷提升緊呀,
d皮膚又差到死,見到都炆囉。

之後我就諗到一個方法可以try下,
但諗到後方法後…又諗…
到底幫好唔幫好呢…??

今日收工之後同老闆出左去social,
好在就老闆娘同行,如果唔係又得我個女仔,
全程都唔算係傾野,似傾計social多d,
所以全程都無咩壓力,
同見識到、明白到social重要性。

去左尖沙咀正冬火鍋打左次貴價邊爐,
三文魚、大蝦刺身…仲開左條東星打邊爐添,
有少少嚴重,不過佢地食慣又點同呢,
我覺得嚴重,佢地可能會覺得我少見多怪,keke…

佢地的話題天南地北,
可能我鐘意聽人講野啦,
成晚都唔覺得悶,時間仲過得好快,
轉眼間打邊爐都打左幾粒鐘,
11點先走得人。

佢地又好比面喎,比左唔少高帽我戴,
而開頭提議我買i-phone贊助我上網的老闆,
而家講到如果佢partner有機多就出部比我添,
真係唔該晒呀,haha…

後尾搭車返過海的時候,
媽搵我,我就同媽講啦,
佢聽完只係擔心我攬的責任越來越多,做唔黎,
其實我都有諗過架,一個人點叻都無可能咩都掂,
更何況果個係我呢…

老闆講…我就聽下自己開心下算啦,
聽完都唔會太上心的,
到最後孰真孰假的感覺,
都只有佢地自己先知道。

今晚都比人讚左唔少就比我開心一晚咁多啦,
keke…之後我就會歸於返平淡,繼續捱...

今日返早,ok呀,有3個人,
所以未導致做到死呀,
輕輕鬆鬆又有好sales,簡直prefect。

今日奉行左一個嗌中文名日,
嗌到大家都頂唔緊大家,
毛管都豎起埋,keke….

最好笑的係,發現左michael的中文名係…
樹鴻,仲幫左佢大事宣揚出去添,keke…
全部人都知道晒michael個中文名係咁cutie,
同咁warm的,haha…

今日發生左一件好突然的事呀,
多年的相處,讓我地直接去傾去解決事件,
好直接的回應,希望可以保持現階段的關係,
我唔介意有事可以搵我呻下,
好過自己屈屈埋埋唔開心的。

可能今次只係一次的軟弱位黎姐,
所以先會咁。

但希望唔好浪費時間o係無結果的事情上,
畢竟時間都過得好好好快,快到有點兒怕怕,
希望大家相處的時候,都依然咁fd咁開心,
唔使煩惱,咁就最good喇。

開心的係…發現人地對我的睇法都唔係咁差,
um…雖然我唔覺得你所講的全部o岩晒,
但都算係一個不錯的評語啦,keke…
有時仲覺得你睇野都睇得幾準添,勁~
keke….佩服佩服…

而家最希望的就係唔好有hard feeling啦。

今日好炆呀…
明知道有D野要體諒、唔好去計較,
但玩實偏偏樣樣野都挑戰我的忍耐力…
IT’S TOO BAD.

如果人與人相處當中,
可以為對方諗下,成件事就唔會搞得咁炆,
但事實讓我知道,
只有得一貫地幫人諗,就得吋進呎…
好唔忿氣呀,點解唔可以互相體諒呢??

無眼睇呀...><

好多日無打blog喇,好多野想記,
但無咩時間可以打…

今日off請左假去Elaine同國華的觀禮,
um…做新娘子真係唔同d,特別”青見”的,
我諗如果我有做新娘子的一日,
一定係我一世人最樂意影相的一日,
要將所有野影底晒佢,好好留念,keke…

觀禮過程好搞笑,
感動但又未去到大家喊晒的地部,
同佢地的感覺一樣,
覺得佢地被擺上檯喇,
欲罷不能,任人魚肉…

之後返左北角一齊食lunch,
飲完茶同亞shan、yan、annie同傑傑去左唱k,
唱完k就返左亞媽度食飯,
傑傑因為想打機所以跟埋我返屋企。
今日帶住傑傑陪我地踩到盡、玩到盡,
由930到2300先帶返佢比annie,
返到屋企,傑傑到已經累死左喇,
之後o係annie度仲要hae多陣先返home,
keke…