今日終於同A記Jason 講我唔讀今期Advanced

點知…亞寧同我講佢應該會讀今期喎
我唔知點解個心突然有種唔抵得嘅感覺

一來：
我太想今期可以讀到
但因為公司張票搞到我讀唔到
我又同好多人講我今期會讀
但到頭來…我係讀唔到

二來：
亞寧一直話唔想o係佢生日時讀
又話要追到S1先讀
宜家通通講過唔算數

呀！！！！！！
我好想讀呀！！！！！

由於亞寧話o係度睇波
亞威就留o係我屋企

等極佢都未黎
打俾佢，佢話會o係開波前黎到…
亞威同我講，唔好抱太大期望佢會黎
亞寧係出名嘅飛機王

2:45am 嘅波
我同亞威睇到訓著左
等到3:30am都未見人
我就叫亞威走

再打俾亞寧，佢話佢黎緊
最後…4:30am先黎到

跟住佢仲要搞埋公司D野
5am 諗住訓，但佢又話肚餓
跟住話睇電視睇到6am 食早餐
大家一齊o係廳睇
睇到個個都訓著
我再醒時5:35am
跟住我索性入房訓，唔食早餐！

今日佢入黎我房都唔知…
我見到佢時已經坐左o係床邊
我竟然問佢：你入左黎好耐啦?
好彩答唔係，如果答係咪知我懶訓！

佢走時我都未起身～
哇哈哈！！！

10點幾亞寧開我房門睇我訓醒未
俾佢嘈一嘈醒，再訓…

11點幾又開我房門
今次仲要叫醒我添…
於是就起身去食野
之後佢返公司交單

亞威黎我屋企睇戲，食零食

跟住亞寧返番黎
一齊o係屋企睇戲
越睇越悶大家一齊小睡
(三個坐o係梳化小睡)

亞寧又話今日o係我屋企睇波
亞威都黎…
好！！加許佢地～
最緊要唔好搞亂我間屋就得
(我懶執屋呀！)

亞寧話佢屋企人今日不斷搵佢問佢去左邊
今日又唔返?!
好大件事喎！
佢亞媽會唔會以為佢俾人拐左?

老豆，亞媽去左大陸旅行lu～

我一大朝早返公司個"超級銷售班" (個名真係…好娘囉!)
白賴仁都有返
仲要超難得佢冇遲

唔知係咪太耐冇見左
佢得意左呀！
不斷講笑
我，Brian，Ellee全程o係度笑多過學野
而寶儀就o係度玩頭髮
Angeline就狂send SMS
亞威同亞寧就狂訓覺

唔知搞乜鬼去到最尾竟然唱容祖兒首<明日恩典>
Brian 講笑話encore
點知真係唱多次
開口中！！

就係咁Ellee 就話去唱K
得我，Ellee，Brian 三個去
都唱左$100
晏晝黎講我覺得貴噃！
期間…遇到公司張票有問題
搞到我好煩！！
冇哂心機唱…

唱到7pm就返公司開代理會

之後亞寧話要去長沙灣搵佢partner
問我可唔可以收留佢一晚
咁就去左我屋企過夜啦～
仲要睇波…3點幾先訓

亞威同佢個女黎我屋企
佢個女太得意啦
2歲ja～～

我亞媽問佢係咪除鞋
佢擰頭，但隻手係除緊鞋
再問都係做返同樣動作
又不斷食牛奶糖

仲要同我爭梳化坐
又用腳，扯要我走

又唔知做乜突然瘋狂錫我 (真係瘋狂架)
伸哂脷，擘大個口咀埋黎
成面口水…
仲要佢興起扯頭髮再咬手
牙印都有…宜家有條痕…

好似俾人虐待咁…

亞寧今日終於畢業
真係好興奮！

入去接佢時佢已經喊緊
亞威，寶儀要我攬佢先
我無奈地接受

當亞威一攬佢…
我見到寶儀o係度喊
搞到我又喊

因為亞寧知道佢第一日對亞威唔住
佢攬亞威時攬得特別耐

好感動…宜家都仲好touching！！！

亞寧話佢喊全部都因為諗起亞威

都好在我呢幾日同亞寧傾
兼夾幫亞威講好說話！
我嘅苦心冇白費

雖然唔係我叫亞寧讀
亦唔係接過好多次畢業(只係2次)
但感覺今次接放學係最感動嘅一次
因為睇到一個人由抗拒到唔反抗到接受係一件好開心嘅事

總之我自己都百感交集！

之後就接亞威LP 136畢業

感受到佢地真係將愛帶俾人
o係o個一刻…
我有衝動想行LP…
但係…算吧～

亞寧終於接受到佢返A記
我叫佢識多D人，之後可以大量請人
佢就應承我今日試下舉手

又話今日好似冇野做過咁
佢諗住返公司，但今日假期冇開
之後就訓到2點幾出黎旺角
我同佢食野，行左一陣佢先返A記
我同佢講如果o係A記識到人而又請到人等如有生產力囉！

我將呢番話講俾亞威聽
佢話我好似導師咁教佢
但都講得好好
又話亞寧淨係想同我傾
叫我俾番D 意見佢
教返佢點做…

um…我盡力做好佢啦…
因為我始終唔係LP 嘛～

o係屋企睇<擁抱每一刻花火>

感覺比<甜絲絲>好睇
但太多個故仔要講
好亂！
但係都幾好睇～

原來一段約1分鐘嘅戲
拍都要4-5個鐘
好嘥時間…

P.S.我睇電視<妙談廣東話>
原來嘥個正確寫法係
剔手邊，上面係山，下面係思字
(因為速成都冇呢個字，所以打唔到出黎)