UsAMaMa & UsABaBa
|
| |
|
|
|
|
|
|
19102006~好"surprise"~hehe!!
October 20,2006
今朝一早八點半左右...
baba打比我叫我起身開門...
原來佢已經係我屋企門口...
勁開心冇諗過佢會今日上黎...
因為前日放工放朝早7點...
但要即日返晏晝5點要返公司上堂...
之後直踩到今朝7點半放工...
睇見佢個樣都已經"勁攰"...
但佢都上黎...真係~好~好~好~好~開心
唉~呢排自己好似好多病痛...
但唔想睇醫生...
其實自己都好擔心...
>>今日睇新聞..出年話全面禁煙...
平時餐廳..酒樓..果d地方話唔食得煙我覺得都可以接受...
但有咩理由連沙灘..卡拉ok..酒吧呢d地方都唔比先得架...
baba就開心la...咁樣佢又唔洗吸咁多二手煙喇~
不過我都應成過佢會戒煙...
不過係再遲d嘅事....
哈哈~好彩我男朋友係唔食煙~
因為我唔想第時我老公會死先過我ar...哈哈!!!!
俾意見 [0]
文章URL
引用 [0]
17102006~睇舊相
October 18,2006
今日同隻"大豬"...訓到一點先起身...
之後...hea到二點鐘佢就走返屋企再訓lu...
而我就四點鐘自己出左去行左一轉....六點返到屋企...
之後勁無聊咁攞哂d相出黎睇...
由細細個...果d開始睇....
我一出世嘅時侯頭髮已經好鬼濃密...
但係好奇怪...媽咪話我由細到大d頭髮只會向橫發展...
而唔會變長...
換言之即是個頭d頭髮係勁厚...
細個時我都仲係覺得自己好得意可愛....但一到上小學開始就慘喇~
個個女同學都可以"留長紮辮"...
但我呢...只係好似帶住個頭盔出街咁~好可憐!!!
從未試過長頭髮紮辮嘅滋味係點??
不過好彩有"負離子"呢個偉大發明...哈哈哈...
大大話話我都做過八次喇...
而家再駁長左d頭髮...感覺上冇咁厚lo...
但其實都係勁厚...哈哈哈...
由其一訓醒果下~真係嚇死幾件...c先生見得多la...
之後到出黎做野同d同事原來都影得勁多相...
最珍藏果d當然係同C先生d相...
由我地7年前識嘅第一次生日相la>>一齊同fd影嘅相>>旅行相>>大陸影果d...
我都分好類...he~he~
其實我地兩個個樣都變左好多...哈哈哈~好搞笑!!!
睇返旅行果d相...泰國..日本..韓國我都好想再同你去...
>>好慘ar..要過多二日先可以再見到<<
慘~慘~慘
16102006~成鬼日都要我擔心...
October 17,2006
今日一早起身去飲茶~勁ar...都唔知有幾耐冇飲過荼lu...對上果次都已經記唔起!!!!
之後去左"為為"屋企玩...~勁百厭佢@...但真係好好玩
小朋友最得意就係呢個時侯喇...
仲帶左佢去食"麥當奴"...點解小朋友咁鍾意食架呢???he~he~
之後係佢地屋企食埋飯先返屋企~今日仲食左二碗飯tim...比佢地笑係屋企都冇食得咁多野
c先生今朝去左打波仲整親隻手...
每次佢話有d咩"活動"...我都好鬼驚佢~
去親游水又驚佢會玩到"抽筋浸親"...
話去游船河我又驚佢玩咩"wakeboard"會有危險...
話去滑浪...上次又"界到損哂隻腳"(又流血)...
話去踼波...自己又唔係叻...我又驚佢會"食波餅"...比波"省親"...
話今日去打籃球喇...又整到隻手"篤魚蛋"...
你話係咪要成個小朋友咁成日都要我擔心...
話你又成日話我好話你~真係比你激死...
反而我都唔洗要你成日擔心我la...!!
唉!!!!
15102006~原來我都可以咁容易滿足~嘻嘻!!!
October 16,2006
今日c先生放假...
叫我四點鐘打比佢...叫佢起身過黎同我食飯...
哈~哈...我三點半打比佢呃佢話已經四點鐘...hehe
點知隻"大豬"(新名)...話五點再打比佢先起身...激死我!!!!
搞到成7點先上到黎屋企...
之黎我地就一齊係屋企食飯...
雖然我地一共四個人食飯...
但我地每人食飯所分佈嘅位置都唔同...
先講細佬...夾好哂餸攞入房食...
媽咪一樣夾好哂餸係電腦枱度一路同人msn一路食...
我就同"大豬"夾好哂餸坐係sofa到食...
張餐枱係冇人架.......!!!!
不過呢個係我地屋企嘅特色黎......平時都係咁...
之後食完飯...我就同"大豬"係sofa到睇電視....
一路睇....睇...睇....睇到十二點鐘...
"大豬"就返屋企lu...
其實我覺得放假都唔洗一定出街...
有時係個街到"漫無目的"咁.....行~行~行...
仲辛苦+無聊....
今日係屋企食下飯睇下電視咁反而我覺得好滿足...!!!!
14102006~玩玩玩"
October 15,2006
唔可以再成日掛住玩喇~
081009102006
October 11,2006
今日baba勁抵錫...幫我搞掂個櫃d衫...好乖呀>3<...
9點鐘出到mk...等埋哂佢地放工都成一點鐘...一齊又再次北上...先到"838"...(話左唔玩又再玩)...本來都ok好玩...最衰臨尾一轉又死唔蝕底...結果真係玩到"漚白泡"....玩到六點...一d就要返hk返工...(真係慘)...而我地四個就去左揼骨...一訓就訓到四點先起身...埋單七百幾蚊...之後去左東門食野~baba帶我地去左間勁抵食嘅餐廳食野...四個人食到勁飽都係一百蚊......之後我地就返hk...去左tst行街...其實都好想買好多野...所以我而家有返個原動力去返工....哈哈..(仲有最重要嘅就係我地要儲錢)
...行到十點去左"有骨氣"打邊爐...需則叫左好多野食(d野食好普通)...但埋單六百蚊...所以覺得勁唔抵食...>.<....之後baba送我返屋企lu...
覺得你對我又好左...good呀!!!...
07102006~好耐都未試過玩蠟燭喇
October 08,2006
原本今日一家人去BBQ...點知真係超級掃興...其實我地一早都預左多人...所以諗住去d自助包埋野食果d地方燒(以為唔洗點等位)...但我地實在太天真喇~六點鐘出發...搭的士去小欖...點知未去到d車已經大混亂...再駛入d...起碼有五六十人係度排隊等緊~仲有埋差人係度維持跌序...我地都決定廢事落車...原車返返去...個的士佬仲笑哂嘴...話呢d節日梗係多人la...仲話我地點~點~點...講左勁多野...我地就梗係勁唔開心la...就係咁我地就遊左轉的士河...付出嘅代價就係一佰大元>.<...
...之後我地去左三聖食海鮮...點知又係勁多人...要等位...真係冇陰公...
今日baba個嫲生日...佢食完飯就黎左我度...陪左我落樓下玩蠟燭同燈籠...hehe好開心.......我地勁低能係度玩鬥吹蠟燭....點知原來佢係唔識吹...第一二次係一枝都冇吹熄度...!!!!...今晚只係見到個月光一次...有d失望
...之後我仲講笑叫佢除左條褲...比佢個"籮袖"(月光)我睇...哈~哈~哈~玩左二個鐘就返屋企lu...
聽晚同佢地返大陸玩~
...希望好玩la....
星期一去見工~勁呀~~
06102006~今年中秋又唔係人月兩團月喇
October 07,2006
今年中秋又係勁平淡咁過左喇~同媽咪二個人出左去食飯...再同亞b哥落左樓下玩左一陣....見到好多小朋友一家大細咁玩臘同燈籠...勁羨慕囉~不過都好彩c先生之後連放三日補數...聽日可以玩燈籠同曬"蘿袖"(賞月)喇....wakakaka...
今日媽咪同我講話爸爸幫我還一半咭數...聽到勁開心...不過我諗我都會分期還比佢嘅...仲有今日鄒生"無拿拿"同我講會好比心機咁儲錢買樓..聽到真係十個開心...哈...第一次聽到佢自己講..."我信你架"wakakaka..
