呢幾日antony 都病了, 星期四朝早去睇佢, o岩o岩之前果日發燒, 買左退燒藥俾佢, 睇左佢一陣就去返工了, 佢都返左工一陣先去睇醫生, 星期五又話頭痛, 不過佢又出左黎同大佬, katie, 我食飯, 仲車左我返屋企, 其實我都有d擔心頭痛會影響佢揸車, 我都有為佢祈禱, 希望佢快d好番啦。

好番之後就可以一齊去玩。

2月14日

1月上機時, 我見antony帶左部notebook, 我問佢做乜要帶, 佢話做公司野, 以佢平時連客d電話都唔想睇, 點會咁緊張做公司野呢? 佢真奇怪。

落機後等行李, 佢話一陣去廁所, 我問做咩等行李時唔去, 佢話拎完行李先, 又一個奇怪。

終於拎完行李, 佢去完廁所, 出閘了, katie見到阿ben, 佢走了過去, 於是我也想跟過去, 但antony卻繼續直行, 我唯有跟著, 走到一個女仔面前, 突然停低了, 但唔識既, 手上卻拿了一束花, antony才問佢係咪搵姓張, 原來佢叫花店送了一束花給我, 嘩咁surprise既, katie同我地影左張相。

我地去了將行李寄倉, 然後去食飯, 佢又將notebook放落個袋度, 咁重都唔寄倉?

我地o係機場搵左一間餐廳, 佢送左一張卡俾我, 就係我地好鍾意去果間card店, 上面有個網址, 佢叫我去個網度睇下, 入到去黑色既, 中間有個燈制, 禁到入去, 嘩嘩, 佢整左個web site呀, 入面有好多野, 最搞笑係佢畫左佢間房出黎, 原來入面有佢一直以黎寫既日記, 我地既相, 仲有我地既主題曲, 佢整左好耐好耐, 用左好多心機, 好多時間, 特登去學寫flash. 好多謝佢, 亦多謝天父俾我同佢一齊,   讓我地一齊經歷佢。

2月9日

那天, 第一日去黃金海岸, 從apartment出黎, 去了surf siders 行逛一陣, 報了個螢火蟲團, 想去找間好食肆, 因為好想食餐中國既海鮮, katie同karen行了另外一邊, 而我同antony就去了第二邊的街, 因為我想寄明信片, 所以我地一齊去了information centre 問, 原來要行好遠同埋就黎關門, 所以antony叫我去另一邊街的hard rock等karen同katie, 佢就幫我去買, 我等左十分鐘等到karen同katie, 我就帶了佢地去我搵倒果間海鮮館, 諗住沿路都會見到antony, 就o係附近坐低等。

等等下唔見antony, 我就發覺佢可能會唔知o係邊搵緊我地, 於是就叫佢地返番去hard rock, 去到商場既門口就見到佢了, 我就知道佢係搵得我地好急, 原來佢o係商場的另一個門口出黎, 等左我好耐又唔見我, 所以周圍搵, 連廁所都唔敢去。  佢無鬧我, 不過話左karen幾句, 之後食飯都無出聲, 我就知佢好鬼嬲了。

返到去, 我同佢傾計, 佢既心情先好d, 到夜晚我約左我個朋友出去飲野, 佢同我一齊去, 先無事。

今次真係嚇親佢添, 我都知衰架喇,下次唔會走開喇。 

我的hompy又返黎喇, 好似好耐無打過, 去完澳洲, 休息一輪, 又要開始繁忙的生活。

o係澳洲的兩個星期, 好relax, 一班弟兄姊妹去玩, 去hea, 去歎, 去食, 又一齊祈禱, 神實在太好了, 好感恩神俾我地一路上都有平安, 有d地方雖然係未去過, 最初都唔知點去, 但最後神都俾我地安全的到達。 真係好唔想返香港, 如果有得揀, 我都想留耐d。

有好多好多野想寫, 不過都係要寫o係本抄牌簿度, 因為我要記住我地每一日一齊經歷過既事。

澳洲, 一個從未去過既地方, 有好多朋友都在那裡, 嘩! 好想去, 仲有兩個星期就出發, 心情緊張, 但係又好興奮, 唔知會點呢?   最開心係同弟兄姊妹一齊去, 全部都顛架! 所以應該會好好笑!

不過真係要為到天氣禱告, 因為澳洲呢幾日都落雨, 希望呢幾日落晒去, 淨底太陽伯伯啦!

真係要好好享受呢個旅程!

2008年喇!! 日子過得很快,  2007年多數都是開心的事, 很感謝神常在自己身邊, 有什麼困難, 衪都在我身邊。

2007年裡, 我們一齊好開心, 在彼此分擔, 彼此關懷, 彼此分享的關係下, 我們都有成長, 包括個人同屬靈的成長, 感謝天父讓我們學習愛, 讓我們在大家不同的時候, 學習互相遷就, 所以我們這年裡都沒有吵架, 在愛裡體諒對方, 神真的很奇妙, 讓我們一起, 哈, 這真是一個神蹟。

工作在2007年都很順利, 縱然是很疲累, 但上帝都加力給自己, 看到上帝好多的恩典, 只要行一步, 神就會為自己計劃千步, 透過神在自己身上的作為, 我真的看見神, 心裡也看見神, 衪就是那麼的信實。

呢幾日既 schedule亂七八糟, 原本plan左既野一係做唔倒, 一係改黎改去,  搞到自己都好亂, 公司既事, 搞到自己私人時間都亂埋, 呢幾日都祈禱, 希望神幫我, 之後plan左既野, 都可以做到, 希望聖誕節唔好開工, 唔好搵我。

老細開會時對我講佢放假期間, 俾左幾樣好重要既野俾我做, 要我年底前搞掂, 我實在唔可以靠自己了, 求神加力給孩子。

呢個月都好似無停過咁, 爭d支持唔倒, 不過每當我軟弱時, 神都會扶番我起身, 呢幾日個腦好實, 做野好慢, 又要幫新同事, 公司又有好多野要處理, 好想快d到旅行既日子, 成個calendar啲event一個接一個, 加上返三福,  我已經plan到一月尾, 唔知幾時先有得抖。

好想打番好鼓, 因為無時間練, 阿sir話我隻手硬晒, 要俾d時間了。

好似好耐無靈修, 無讀經, 無上主日學, 無去pre-study, 有d guilty添.