連續放左3日假, 呢幾日天氣都唔係幾好。

星期六, 一早落大雨, 原來係黑雨, 所以無乜野做, 到下晝, antony要返工, 去左佢公司陪佢返工, 順便做埋我地既功課。到佢放工又落雨喇, 佢同我去搭車, 因為今日屋企要做節, 佢就幫我拎左個tent俾阿kim佢地, 因為太大雨, 佢又無帶遮, 我地就o係荔景地鐵到落左車, 遮左佢去地鐵站, 我就行路返屋企,  今日爸爸親自下廚,   又炸生蠔, 又煎蝦碌, 真犀利!

星期日, 返午堂, 仍然落雨, 返完之後, 一班弟兄姊妹去左飲茶, 好開心呀, 又一齊傾計, 又講笑。之後就同antony去藝術館睇一個叫數碼演義既展覽, 有d明有d又唔係好明, 諗住再睇多幾個展館, antony已經好似小朋友跟媽媽行百貨公司咁, 嗌走, 要去食tea, 於是我地就行左去搵間有cake食既cafe坐, 終於去到中港城先搵倒, 坐左一陣就去了深水埗陪antony睇電腦書同素材, 最後都無買, 跟住又去左旺角, 同antony睇波鞋, 行左一陣, 終於都買到, 又唔貴, 都幾好睇, 買完就去左食越南野, 食到好飽, 跟住又繼續去同佢睇西裝, 行到好攰, 都係買唔倒唯有返屋企。

星期一, 終於見到太陽伯伯, 一早就同屋企人飲茶, 之後就同大家姐去左圖書館睇雜誌, 睇左本家居雜誌, 入面d設計好靚呀, 如果第時有間屋, 可以整到咁就好喇, 跟住睇左天使心, 今期訪問程翔, 佢講述佢坐監時信主既經過, 實左好真實, 佢經歷左人生最難捱既日子, 透過睇約伯記, 尋求神, 放低自己, 幫佢渡過左o係監獄既非人生活。 另一個既報導係有一套實驗電影, 紀錄一個囚犯o係監獄信主既經過, 導演唔知道邊個囚犯會信主, 但最後都揀中了一個主角, 佢真係信了主, 而果間監獄更係好特別, 係專傳福音給犯人的監獄, 呢間監獄真係好犀利, 完全睇倒神既工作, 睇過呢本雜誌, 再次令我反思生命既意義, 我覺得要活在當下, 必先要找緊神, 要先求衪的國和衪的義。

今日其實唔可以係放假, 只係一個補假, 不過都幾好,  起身, 上下網, 同人傾下計, 好耐無試過咁悠閒, 一陣諗住去游下水, 跟住同ada食tea, 嘩, 好似返左以前讀書既時候。好爽呀!!

尋日新組第一日開組, jason對我地好好, 俾左"梗"房俾我地組, 未開組, 已經聽到好嘈既聲, 佢地個個都好似好興奮咁, 個個都好多野講。

我地逐個介紹自己, 中間都好好笑, 跟住又玩左一個互相認識既遊戲, 等大家可以了解多d, 都幾好呀!

希望呢一組可以有一個好既方向, 目標, 同有成長, 而我地組長helpers都可以有合一既心一同事奉, 願神都保守呢一組。

星期日約了antony返中堂, 等佢既時候已經好頭痛, 叫佢幫我買panadol, 食左藥之後都無好轉, 我地最近返了11點祟拜。

我地原本諗住今日去柏麗灣行下, 但係antony見我唔舒服, 佢話都係下次先去, 後來我去左佢屋企抖, 抖一陣如果無乜事, 就照出。

但係探完熱, 原來自己發燒, 所以無出去, 我地落左去食午飯, antony帶左我去有間餐廳可以食蚵仔粥, 不過無乜胃口食, 食完我地就租左套唔駛用腦既電影返屋企睇。

睇左大半, 我又覺得好攰, 最後都瞓著左, 醒番量體溫都仲未退燒, 已經夜晚了, 之後同左antony, 佢媽媽落街食野, 上返屋企, 又睇電視, 仍然有燒, 雖然好想同antony出街, 不過我實在無能為力, 唯有

o係屋企陪佢。

尋日send左sms俾老細請病假, 平時凍冰冰既我, 依家對腳仲熱過我阿媽, 自己量了體溫, 仍然係100度, 究竟枝探熱針係咪壞鬼左, 落樓下睇醫生, 姑娘話我100度有少少燒, 醫生問我o係邊度惹返黎, 我都唔知, 可能係我家姐囉, 佢話唔好同佢講佢d電腦病毒惹架, 又問我做it辛唔辛苦, 醫生叫我休息多日, 俾左兩日病假俾我, 叫我返屋企帶口罩, 唔好傳染俾媽媽, 媽媽話全家都病完了, 最後先到我病, 所以應該無事的。

下晝antony黎探我, 仲買左枝果汁先生, 同埋新假期俾我睇, 等我唔駛o係屋企咁悶, 因為o係屋企無野做, 淨係可以瞓,  爸媽都唔o係屋企, 都唔知可以做乜。多謝佢黎探我, 我就睇住本新假期, 睇到眼瞓為止, 跟住瞓醒就食飯了, 噢, 多麼頹廢!

呢幾日antony 都病了, 星期四朝早去睇佢, o岩o岩之前果日發燒, 買左退燒藥俾佢, 睇左佢一陣就去返工了, 佢都返左工一陣先去睇醫生, 星期五又話頭痛, 不過佢又出左黎同大佬, katie, 我食飯, 仲車左我返屋企, 其實我都有d擔心頭痛會影響佢揸車, 我都有為佢祈禱, 希望佢快d好番啦。

好番之後就可以一齊去玩。

2月14日

1月上機時, 我見antony帶左部notebook, 我問佢做乜要帶, 佢話做公司野, 以佢平時連客d電話都唔想睇, 點會咁緊張做公司野呢? 佢真奇怪。

落機後等行李, 佢話一陣去廁所, 我問做咩等行李時唔去, 佢話拎完行李先, 又一個奇怪。

終於拎完行李, 佢去完廁所, 出閘了, katie見到阿ben, 佢走了過去, 於是我也想跟過去, 但antony卻繼續直行, 我唯有跟著, 走到一個女仔面前, 突然停低了, 但唔識既, 手上卻拿了一束花, antony才問佢係咪搵姓張, 原來佢叫花店送了一束花給我, 嘩咁surprise既, katie同我地影左張相。

我地去了將行李寄倉, 然後去食飯, 佢又將notebook放落個袋度, 咁重都唔寄倉?

我地o係機場搵左一間餐廳, 佢送左一張卡俾我, 就係我地好鍾意去果間card店, 上面有個網址, 佢叫我去個網度睇下, 入到去黑色既, 中間有個燈制, 禁到入去, 嘩嘩, 佢整左個web site呀, 入面有好多野, 最搞笑係佢畫左佢間房出黎, 原來入面有佢一直以黎寫既日記, 我地既相, 仲有我地既主題曲, 佢整左好耐好耐, 用左好多心機, 好多時間, 特登去學寫flash. 好多謝佢, 亦多謝天父俾我同佢一齊,   讓我地一齊經歷佢。

2月9日

那天, 第一日去黃金海岸, 從apartment出黎, 去了surf siders 行逛一陣, 報了個螢火蟲團, 想去找間好食肆, 因為好想食餐中國既海鮮, katie同karen行了另外一邊, 而我同antony就去了第二邊的街, 因為我想寄明信片, 所以我地一齊去了information centre 問, 原來要行好遠同埋就黎關門, 所以antony叫我去另一邊街的hard rock等karen同katie, 佢就幫我去買, 我等左十分鐘等到karen同katie, 我就帶了佢地去我搵倒果間海鮮館, 諗住沿路都會見到antony, 就o係附近坐低等。

等等下唔見antony, 我就發覺佢可能會唔知o係邊搵緊我地, 於是就叫佢地返番去hard rock, 去到商場既門口就見到佢了, 我就知道佢係搵得我地好急, 原來佢o係商場的另一個門口出黎, 等左我好耐又唔見我, 所以周圍搵, 連廁所都唔敢去。  佢無鬧我, 不過話左karen幾句, 之後食飯都無出聲, 我就知佢好鬼嬲了。

返到去, 我同佢傾計, 佢既心情先好d, 到夜晚我約左我個朋友出去飲野, 佢同我一齊去, 先無事。

今次真係嚇親佢添, 我都知衰架喇,下次唔會走開喇。 

我的hompy又返黎喇, 好似好耐無打過, 去完澳洲, 休息一輪, 又要開始繁忙的生活。

o係澳洲的兩個星期, 好relax, 一班弟兄姊妹去玩, 去hea, 去歎, 去食, 又一齊祈禱, 神實在太好了, 好感恩神俾我地一路上都有平安, 有d地方雖然係未去過, 最初都唔知點去, 但最後神都俾我地安全的到達。 真係好唔想返香港, 如果有得揀, 我都想留耐d。

有好多好多野想寫, 不過都係要寫o係本抄牌簿度, 因為我要記住我地每一日一齊經歷過既事。