2006/8/28          23:20

而家唔駛返工, 日日都日夜顛倒咁生活, 但係都唔係唔忙架.

家下夜晚睇CIB, 初初真係好鬼憎套戲, 因為實在太抄橋喇. 不過睇睇下, 發覺原來套劇既精髓竟然唔係d案件, 而係伍姑娘同邵美琪之間既辦公室政治連環鬥. 終於係大公司生存過之後, 發覺現實世界的確係有唔少呢d人存在. 而睇埋套劇, 更加發覺d人可以諗到咁盡去玩弄呢d把戲, 我就真係唔得喇. 所以基本上我係職場上既生存能力原來好低. haha.

23:24          6/F

2006/8/23          10:17

係今個月中, 我已經脫離苦海喇!!!

雖然今次既離開又係唔係開心順暢既離開, 但係呢份工搞到自己百病纏身, 點都好走左就乜都好架喇.

上面都話左自己搞到百病纏身, 所以家下都要抖返一段小小的時間. 就係呢段期間入面我同個fd就開展左我地係ebay既生涯, 係上面賣下野咁. 睇下可唔可以好似d人咁賺到第一桶金啦.

好喇, 講左咁多, 係時候去探下各位喇, 我黎啦~~~~~~~~~~~~

10:21          6/F

2006/7/29          01:11

各位, long time no see~~~~~~~~~~~~~~~~

我終於都返到黎喇, 嘿嘿.

大家可知道, 自從做左份新工之後, 係每一day都累到連奶力都"o即"唔出黎做任何其他野, 連個腦都down埋.

返工返到點? 咪又激氣又開夜又無假放又死左咁囉. 即係可以連續一個禮拜都係半夜先收工, 返屋企沖個涼就要再返工, 好彩就有兩三粒鐘你訓下果隻. 一係就每日都係十點幾十一點收工, 但係因為個客黎左就連踩十幾日先有假放果隻.

總之就除左訓同死之外, 乜野都唔會想做.

咁點解今日咁好hing致走返黎寫? 因為今日我心情好卦, haha. 基本上我係已經做到傻左架喇, 而家自己都好難估到自己會做d咩.

咁耐無見, 各方好友如何呢? 講真, 我真係無乜力再去返你地既hompy再睇返你地既近況喇. 再返返黎寫返篇野話過你地知我未死得已經要出好多力. 唉...............做人真係會慘到去呢個地步架原來.

anyway啦, 我已經努力籌備緊改變現狀中, 希望計劃成功遲d又可以日日返黎同你地見面啦. 大家要take care同努力呀!!!!!

01:19          6/F

2006/3/13          07:41

禮拜六同個好友出左去玩, 因為大家都high high地, 講左好鬼多無謂野.

無謂野者, 感覺也. 佢既愛情, 我既愛情, 佢既屋企, 我既屋企, 佢既將來, 我既將來.

到後來我發覺, 我地係一對soulmate, 係一對可以互相扶持直到老死最後阿們既朋友.

人生得一朋友如斯, 夫復何求!

又講起我相信karma, 業. 業者, 前因後果也. 你自己所種下既因, 他朝有日你會自己食返個果. 可能係一年後, 可能係一世之後.

我前世應該久落我阿媽一d野, 所以今世我還左細個幾年極度痛苦既日子比佢. 我老豆應該係前世爭我一d野, 所以佢換黎今世我唔會關心佢, 非不為也, 不能也.

幾生修來同船渡, 千世修來共枕眠. 所以如果你發覺你既另一半同你唔夾, 可能只係因為佢根本就同你只有幾生既連繫, 所以唔係你今世命中注定果個. 既然係咁, 何不痛痛快快愛一場, 然後瀟瀟洒洒的分開. 今生種下既愛, 到下生累積落黎可能會有多幾年既情. 但係如果今世因為愛不到而種下孽, 下世就會多個敵人.

當你明白呢個道理, 世界再大, 沒有容不下你之所.

07:57          6/F

2006/3/8          22:00

我成日都話中國人既說話好多都無錯既.

所謂安居樂業, 一定係先安居後而可樂業, 因為好既居住環境係比到人有relax既時間, 所以一個家對一個人黎講好重要.

但係, 重要既唔係一間屋, 係一個家.

22:03          6/F

2006/3/3          13:42

終於都搬左, 仲爭少少傢俬就搞掂哂喇.

所謂上屋搬下屋, 咁就唔見左一籮榖喇, 好彩今次預算做得好, 今個月總算唔駛捱面包咁慘, 捱杯面啦, haha.

下個禮拜返新工lu, 希望可以順順利利過個狗年啦, 因為我今年係X太歲, 小人當道果隻, 所以運情認真麻麻. 好彩搬左新屋, 等我擺返個風水陣頂頂佢先. haha. (死迷信婆)

聽日搵左d朋友黎house warming, 諗住整漢堡扒, 不過頭盤同甜品未諗到, 一陣上網搵下先.

係喎, 家下我可以煮飯食, 呢幾日都食煮家菜, 因為我同男朋友都牙肉痛, 飲左兩日莞西魚片就搞掂哂, 中國人既野真係無錯既, 雖然我唔鍾意中國.

13:47          6/F

2006/2/23          00:04

因為要搬屋既關係, 呢排除左上網搵正傢俬之外, 琴晚仲同我男朋友去左ikea.

唔知大家覺唔覺, 同另一半一齊去為自己既屋企買傢俬家品係好sweet, 好有家庭feel. 我記得睇過張小嫻既流浪的面包樹, 佢入面講過, 如果未試過同自己另一半去買傢俬家品既話, 好似硬係爭咁d野咁.

00:08          8/F

2006/2/23          06:17

比我撞到個筍盤, 3800有四百幾呎兩房一廳, 仲要係我而家住果度樓下添. haha.

雖然係就係舊樓, 走廊呀大堂呀都唔靚, 但係佢屋入面都ok喎, 今次夠位叫fd返黎打邊爐喇, 嘿嘿.

我決定下個禮拜house warming煮漢堡扒. 好耐無食過自己煮既野喇.

希望今次住得順順利利啦, 係度睇左我個hompy一排既朋友都知道我之所以要搬黎住套房都係因為之前間屋有污糟野. 不過今次見到個業主, 佢話佢住左廿幾年, 都係岩岩買樓所以搬走, 有四個仔女都係係果度出世, 仲要都ok生性既. 咁我諗間屋都唔會好差卦.

我之前有個fd同我一樣成日搬屋, 因為佢又係成日撞正污糟屋, 不過佢勁好多, 兩年搬七次, 我都係兩年搬三次o者. haha.

話時話, 頭先上網搵拜四角資料, 居然比我搵返自己個hompy出黎. hahahaha.

06:24          8/F