星期五，放假一天~~

其實覺得累架，不過就好好慳d假期，唔想放晒佢...

幾日前開始塊面爆一粒大瘡，都係放一日假休息下啦.....

順便去律師樓拎埋屋契，咁樣......小妹我就成為真真正正半個業主喇.....嘻嘻!!!!

之後，等 K仔早d放工，陪我入沙田睇醫生.....ok啦...

之後，為左奬勵我成績合格，同埋畢到業....同同埋我咁咁努力讀書，發奮向上，堅毅不屈的精神，犧牲咁多寶貴o既睡眠時間..........某人就帶我去左火炭食津津，好耐冇食過大排檔啦，所以覺得好好味....超快食晒d食物....睇黎又肥左喇!!!!! 哈哈哈哈哈哈~~~~~

最開心的莫過於 k仔陪左我成晚，同埋星期六又陪足我成日，超開心~~~~

另外今日買左對homeplug，上網仲更方便，唔駛成日斷線，唔該 k仔幫我整咁耐啦，雖然最後都係得個吉，但就係因為有個吉，令我更加明白homeplug的原理，咁小妹先可以將個吉變做靚橙咋，所以呢，你功勞係好大架，知冇？哦呵呵呵~~~~~哦呵呵呵~~~~~

p.s. K 仔又多個代號呀，就係氯氨胴喇，d同事話k仔正式學名係氯氨胴喎，都唔知係咪，唔記得讀書時上化學堂老師有講過~~哈哈！！

Hey~Hey~

我要同大家講一聲︰「我有喜」~~~

星期四趁食飯時，返poly拎result....

估唔到今次咁快可以拎，因為諗起去年今日，真係慢到嘔血....

可以好開心咁同人講...

捱完啦....合格lu....

我終於畢業啦.....

超開心~~~

yeah! yeah! yeah!!!!

p.s. thx 借過功課俾我「欣賞」的朋友仔啦，如果冇你地兩脇插刀，今日小妹我可能多左好多白頭髪喇，so thx u all so much la~~~

近日失憶得好嚴重，因為發現自己好容易唔記得野....

可能多野做卦.....

所以...

好想好想放假、放假、我要放假！！！

一向自己的廚藝唔算叻，更知道自己應該學下煮野食，近日，終於的起心肝，諗住周末學下煮一樣餸，慢慢學下煮.....因為咁樣做，唔係為依家，而係為將來。

雞翼係我的拿手好菜，可以好快整起。但其他的要整好耐，但都好俾心機諗下點整，可以加d咩，少d咩，改下原本的菜色。

上星期整左煎鹽焗雞翼，自己就自創獻汁。 今日就整左生菜牛肉卷，整獻汁時俾油彈親，好痛！！其實我最怕就係炒野時俾油或水彈中，仲怕用不锈鋼鑊添....所以每次我都會諗下點放野落鑊度，仲要適時左閃右避，真係少d武功底子都唔得！！~~~

好似今日咁，下午訓左一陣就去準備d野，因為如果太遲入廚房就會同媽媽爭野用，同埋好大機會俾人趕走.....

今日整呢味餸就足足整左我成2個鐘， 睏少左晏覺，頭暈暈咁走去搞東搞西......

終於係6點幾完成左.....好開心、好滿足，好想俾某人第一個試菜，除左留番幾件俾某人之外，其他的我就同媽媽食晒，好厲害....不過，呢樣唔係我最叻的一樣菜.....

真係覺得自己係一個名副其實的傻婆！！！

前日k仔拎番行李箱過黎俾我，之後very happy咁去街街lu....

呢日補送番一份特大生日禮物俾k仔，我同佢去左買PS3，因為我知道佢想要好好好耐，所以無咩考慮就決定買呢份生日禮物送俾佢，因為我怕唔識買，俾人呃，所以一定要帶埋佢去.....我地買左部白色ps3，同埋買左3隻game，之後我地去左食北海道.....

唔知點解無論係行街又好、等緊位又好，我都覺得個心好甜，覺得好滿足，好想時間可以慢一點，因為我好想多點時間跟他在一起！！前日行街見到一個好靚的樽，約$35，雖然唔值，結果最後某人都買左俾我，因為某人話只要我鍾要就無所謂啦。我覺得依家的我好好好好幸福，因為我有一個好錫我的人在身邊哦！！

近日聽到結婚的事，為左大家將來，我地從下個月起要努力儲錢，否則結婚就遙遙無期喇....所以要努力哦....

3月15日-18日係我同K仔去台北玩的日子，真令人期待，為左第一日出發的方便，14號放工就即刻同K仔返屋企執埋我o的行李，去K仔度過一晚。

去左很多地方，包括西門町、台北地下街、饒河街夜市........

好開心！

好開心！

好開心！

18號係Kelvin's birthday....正日生日的他我俾唔到生日禮物佢，因為可要時間準備，同當事人在場先可以哦！！！

下星期六，同K仔去台北玩4日3夜，好期待、好期待、好期待~~~

星期四放工後，K仔陪我去買行李箱，買左個粉紅色，哈哈哈！

因為我要浸溫泉，前幾日姨媽仲未黎，好驚會撞正旅行黎，搞到我要問人點做可以等佢黎......

星期五綜合意見後，返到屋企樓下買左綠茶，夜晚飲左幾杯，加埋好傻咁做運動.....結果.....第二日一大早就黎左...仲要好好好痛添....可能綠茶太寒啦......

真係從未咁期待呢個姨媽黎，哈哈~~

我的大廳，好長，足夠放一張乒乓波枱，地下黃色的係Winnie the Pooh豆豆梳化，媽咪同K仔都好愛坐的。

廳的另一邊。

廚房膠門，好鍾意呢，因為覺得好有宮廷feel。

廚房的空間都好大，可以舒服地煮野食呢。

洗手間都ok大架，而且好實用。

我間屋主要以紫色為主，係媽咪的主意，因為好浪漫。

我的房間︰K仔話我一個睏雙人床喎！張床係用史迪仔床舖架，我鍾意呀！

電腦枱及我的私人大衣柜。

這是我的私人天地，可以享受一個的寧靜。