自從完成4/10後再黎多round 4/10後開始不斷重覆喇.....心諗唔係咁狗下話得咁少比例既小丸子同小玉？.....之前廿幾三十個印花都化為炮灰.....最慶既就係有次換兩個同時都係野口囉.....慧慧係咁叫我算吧啦....但我份人冇咁易放棄既.....走轉信和及及價位小丸子120簡直搶錢....其他既38尚算合理入左小玉先講.....手頭上剩番四個印花.....於是諗住整多個印花換多個就收工......呢次去到慧慧屋企附近既些粉搏一搏.....拆開前我地係咁求神拜佛猛叫小丸子作晒福咁滯....開完個紙盒甩一甩....E....唔係幾摸到wo....我再摸一摸...側邊係舊大正方既物體仲唔係小丸子.....我同慧慧已經感受到個下興奮....一拆開果然中左我同慧慧開心到癲左係咁yeah yeah yeah同啜啜啜.....守左咁耐印花終於見小丸子總算舒了一口氣.....堅開心呢.....仲有四隻715後有緣再換......

尋晚睇完啷啷返到屋企都四點幾了.....雖然咁'早'但慧慧整野食既雄心依然好烈火.....小弟睇陣電視都頂唔蒲去眠一眠而慧慧整到八點幾先訓.....心痛死我咩.....係咁意訓左幾粒鐘就起身飛去牛下再整埋其他野.....究竟慧慧整左D乜呢？

茄汁'之'肉丸pasta

三杯雞

2嘩meet su

其實今次大食會係順便幫慧慧老豆+芯姐+阿雪搞番生日....同埋應該係韓氏牛下最終回之聚聚.....我好榮幸可以參與其中....俗有語云：不能同年同月同日生.....但願同年同月同日X....哈哈.....乜都唔識整既我就冇乜幫過手架喇.....係幫手入咁咋雪條打下氣....其實係我想快d儲印花姐.....慧慧整左一輪肉丸同意粉加三杯雞就輪到下位啦....點知佢整整下唔知去左邊殊成粒幾鐘....原來走左去攞蛋糕....唉....搞到慧慧整d野凍晒.....終於返到黎成村人整下sushi成十點幾先食得....我就不嬲都對等食非常之咁有耐性....況且我係度努力游緊乾水話之佢地整到第朝啦.....但中途d人好多都等到唔係幾耐煩....有d仲閃左落街食野添.....顯然唔係好關我事但心裡就不是味兒.....因為之後開餐大家唔知係咪餓過寵定唔識欣賞既關係食剩好多囉.....我已經好努力集中狂隊慧慧整個幾味架喇.....不知幾咁好味都唔知點解食剩咁多.....由其係慧慧花左咁多時間咁多心機落去整.....就算食爆肚都要食啦....但最終都剩番半盤tirmisu同肉丸意粉.....慧慧既野我梗係搶住要番啦.....帶番屋企慢慢嘆.....慧慧...我撐你架....我相信仲有大把機會去品嚐你既手勢.....睇到你個本自家食譜就已經流晒口水.....樣樣我都要試下架.....曹肥我吧~

其實已經期待+渴望去感受下IMAX既威力好很耐喇.....於是早成十幾日訂定飛.....仲要半夜十二點七話之佢係megabox睇完唔知點走在所不計.....好在係變形啷啷慧慧豬應該冇怨言掛~......點知睇前幾日先知撞左六少bday party......本身唔係咁想去劈既關係都要放六少飛機.....對不起我同順嫂會711一齊黎'升呢'......由於第二日慧慧屋企人開牛下大食會.....慧慧梗係要出手整番幾味啦....於是睇戲前就上我度整住d先.....我都有幫手睇同埋買少少野既.....因為我屋企去megabox實在太遙遠既關係.....辛苦慧慧要趕頭趕命買料入黎再急急腳飛去IMAX......對住慧慧我點敢'吹'得咁勁呢.....忍住忍住好在慧慧都識做及時趕得切出門口飛去IMAX.....啜~.....沿途整定生日sms比六少....原來慧豬d對聯都幾勁wo.....有我一半呀下....哈哈.....去到都仲有時間淨點知C君打黎問我做乜放飛機.....我硬係話有要事唔通話去睇戲都唔黎咩.....入到IMAX比我想像中細坐位又窄.....可能個場地關係啦.....個screen又真係勁正方勁大....好期待呀好期待呀.....

本身冇睇過原著動畫的我純粹用電影角度去欣賞.....上集劇情CG各方面都係一流既.....搞到今集勁期待要專登訂定IMAX....唔係話咁差既.....可能今集太著重係打鬥方面......講真劇情睇完我已經唔係好記得講乜......係知道博派狂派互片一輪狂派唔夠揪即閃係咁多.....上集博派同男主角既感情今集變得幾薄弱下.....可能我放完工再睇午夜場既關係last 30min我竟然中眼訓......結局梗係大團圓又有三四五六集啦......都係寄望黎緊睇哈利波波六既3D版吧了~

話說上個禮拜去些粉買雜誌.....慧慧一見到d小丸子文具雙眼即時發盡紅橙黃綠青藍紫既光芒.....買滿廿雞一個印花三條兩個如此類推.....五個印花+$10 or 十個free換一個文具仲要玩lucky冇得揀.....但為左tum下慧慧開心係時候做野.....其實我都幾like呢類儲野換野既玩意.......因為由買野儲印花過程到換到心水item再睇到對方拆開個喜悅樣真係咩辛苦都抵番晒啦.....好在有d格到至低既野可以加快速度儲印花......呢家已經complete 4/10加黑板一塊：

革命尚未成功.....米豬還需努力.....

p.s.慧慧唔好行過OK呀~

神啊...請讓我們找到相處中最舒服的平衡點吧！

慧慧豬因為錫我而技癢既關係又要施展一下佢既廚藝喇.....皆因現時工作地點附近朝早好難入到飽飽既關係....慧慧豬就提議整d正野過我夾麵包：

正呀.....咁我呢個禮拜就唔洗愁買咩早早返公司食了....錫晒慧慧~

禮拜日冇出過街.....於是再黎過煮飯仔大行動.....慧慧副'計'run順左就梗係唔好比佢停啦：

辛苦晒慧慧豬.....係咪睇到都流晒口水呢？....係咁意露兩手用d gap野就整到三碟靚餸出黎.....你地恨唔到架喇.....說好的幸福呢？....咪就係我而家感受緊呢d囉....呵呵~

後知後覺古谷實有新書出.....推推推！