今個二個下旬過得正正常常番。上半個月無乜點洗錢, 踏入左下半個月就勁洗大洗，月中銀行已經得番3位數字，要點過好呢﹖
17號：部i908 又出左最新非正式公佈既rom，改善左screen 既接觸，當然要即時update喇！好好彩我係公司update到，非常順利添~正呀！不過要裝過and set過晒d 野就好d 煩。
18號：連續幾日四圍搵屋企個door phone邊到有得賣。因為叫大廈保養商換要收$650。最後打電話問左幾間，頭一間賣$250, 另一間賣$160。昨日同細b 食lunch時去問左間話只需佰零蚊，不過就好似想扼我地咁話要最好搵佢地裝，因為好易就整壞，同埋要帶舊果舊野比佢地配先得。就放工果陣問同事邊到買好，佢介紹左間係公司附近的，打去問只需$100, 所以即時放工去買。之後返去等食飯，結果被人當工人咁洗，連蝦殼都要幫佢地拆埋，又要洗碗，勁過份。
19號：今日放工約左gary 去淘大食飯，順手幫佢慶祝生日。我地去左泰和味到食，去到先知生日周去食可以全單七折，最後食左勁多野，好彩有折者，平左唔少。
20號：kenneth 訂左部i908今日送黎。放工之後就一齊上去我到俾我update 佢部機個rom version。但試極部vista 都應唔到部機。唯有下次係我公司先幫佢update 喇！
21號：今日起身去左飲茶，之後係屋企繼續抽pet society既野，抽足成日。之後就去左樓下美心mx食，因為佢出左個雞煲翅餐好似好吸引咁。之後就臨時約左個fd 去apm 睇戲。今次睇「保持愛你」，比想像中好睇好多，勁攪笑，值得比錢入場睇呀！
22號：今日放工約左霖霖佢地食飯，因為要幫dave 慶祝生日。佢地揀左觀塘華苑食印尼野，食到好飽呀！之後就去左apm打機。係青衣 ive 時代成日玩果隻劍game 現在係果到都有得玩，當然要玩番局喇！結果又玩到隻手當起水泡。
23號：今日放工又約左立少食飯。今次我地去左羽壽司到食。佢地出左$8一碟帆立貝壽司，真係好抵食架，類似板前$30蚊碟既珍寶帆立貝壽司既size 咁，所以最後忍唔住叫左三碟黎食。整體羽壽司貴過板前少少，不過就有更多款式選擇。之後去左時代幫樂樂買ipod 個radio remote，apple d 野真係差，唔夠一年壞一部，又唔平喎$370一個。之後係樓下city super 買4舊o者喱杯咁就買左成一佰蚊。
24號：今日放工約左阿蟬食飯，我決定去美心mx 再食雞煲翅餐，其實個餐都幾貴。之後就去左sogo 行陣就走。d保骨藥食晒，掙扎左好耐最後都係決定自己買，唔係醫生到配。不過都幾貴, 3個月藥要680蚊！
26號：今日中午lunch 約左公司半數同事一齊去意粉屋到食，我既號召加真係勁呀！
27號：今日放工約左立少同一個fd去板前到食，今次真係亂咁叫，結果埋單一人要兩佰蚊。
28號：今日起身去左飲茶。萬寧最期做緊正價75折，去左掃貨。之後係屋企燒埋d game 比maggie。wii 出左日版既賤兔party tv，好好玩呀！之後出發和maggie同細b 去mega box 隔黎間野飲茶。之後就落番德福陪佢地睇旅行d野。然後就去左淘大食甜品同等埋阿麒就落左旺角再睇旅行d 野，攪到我都有d 想去旅行，可惜無錢。之後就一齊去左旺中唱k dinner。

一踏入二月，就係咁接二連三發生d不如快事件。事情既本質到底係邊個既問題呢﹖農歷新年都係剛剛過左七日者，就黑成咁。莫非我今年成年都要咁唔開心、咁灰﹖我真係好想搵人黎比我發洩下！休息左咁耐又係時間繼續未完成既減肥計劃喇！目標：140！
1號：今晚約左立少去板前食飯。點知叫佢向右行，佢就向左行，行左去第二間，足足令到我白白企左半個鐘，激死，等到我差d就走。板前多左d新款壽司幾好食呀。之後上左去我到幫佢update 佢部新手機個rom。最後up 係up 到, 不過就比我係update 途中底空跌左幾次，跌鬆左個插位要換機。
2號：長假後第一日返工，逗左好多利是呀！封數多過係屋企加親戚。遲下等山窮水盡果陣先拆。
4號：今日阿媽叫左我返去食飯，順手比埋今個月家用佢。話時話部e65已經成為左部鬧鐘喇！
5號：今日返工用左細b 之前比我既集成現金卷補錢買左隻變型金剛blueray 返屋企睇。
6號：連續頭痛左三日，中午又好似有d 發燒，最後頂唔順提早一個鐘返屋企睇醫生同休息下。
7號：今日起身飲完茶就去左小b 到幫佢整電腦同再飲下午茶。晚上約左立少同佢個fd 又去左板前到食飯，好好味呀！之後還去左neway到唱k，真係好耐都無唱過k 喇！
9號：今日放工約左anthony 同patrick 食飯。patrick 又返左黎hk 喇！我地最後去左patrick 提意既富豪金閣到食。果到無乜人，好似包左場咁。我幾時變左富豪去埋d 咁既地方架?
10號：今晚又約左立少食飯，我地去左鑽石山間pizzahut到食，食到最後個set個甜品，一見到呆左囉，細杯到呢，不如唔好送好過喇！勁失禮囉。鑽石山個商場大得黎又可以無乜野行架喎！
11號：今日同中學班同學仔聚會食飯，我地去左觀塘間韓燒到食。 d 款色少到呢，簡直不知所謂。
12號：今日唔知點解會遲左兩個字起身囉, 攪到遲左兩個字出門口。晚上叫左eric 山長水遠咁上黎教我玩pet society 呀！
13號：阿媽話前兩日屋企停過電黎，所以今日要返去食飯，目的係set 返好錄影機個時間。同埋佢又再係咁要我考慮下讀返書或者拍下拖。都講過n 次唔會再讀囉，死都要提。
14號：今日情人節，係屋企無所事事，咁就搵細b一齊出去旺角食lunch，之後去左唱k。然後我就自己一個人去左灣仔同樂樂食飯之後我就一個人去左成年幾無去幫襯過既十大書坊到睇左兩個鐘頭漫畫，之後就去左同班fd 飲野。成半個月既不快要好好咁飲晒佢，結果要比人送番返屋企。係時候要重新戴上喇！
15號：今日既天氣白濛濛，乜都睇唔到，就好似我既心情咁。十點起身呆左一陣之後就去左飲茶然後就專程返左秀茂坪剪頭髮。之後就同anthony去左apm 到睇戲，今次睇既戲係乜都得先生。內容都係幾無聊下，但就真係幾搞笑既。之後去左百瀧食埋飯先飯屋企。

今年兩個新年都係同一個月，恭喜發財呀！祝各位身體健康。不能我就由上年十月開始病，病到現在都未好返，都唔知要幾時先會好。
1號：今日叫左細B同樂樂中午一齊行公展會之後就同細B返佢屋企放底佢買既野就一齊去左小B屋企食飯同打返4圈麻雀。
2號：Arthor返左香港，咁就約埋LEO, ZOE, 細RAY一齊食飯，我地去左泰蘭坊到食，之前等人齊果陣去左玩擲彩虹。
3號：今日小b上黎屋企玩，而我地就打左十二圈，一如小B妹未出世果陣咁玩到夜晚就去左潮樓食飯。小B唔鍾意輸，打WII sport拳擊就輸果陣開始喊。
5號：半天病假。
8號：今日放工約左立少同 anthony 去稻香打邊爐。
9號：今日放工係坑口間茶餐廳打邊爐，d 料分量好少，d 丸CHEAP 到係切一半，又貴。
10-12號：連續發燒三日，發緊燒當然12號無返工係屋企休養下喇！
17號：想買左好耐既Samsung Omnia I908入手！正呀！~有排玩同研究喇！
20號：去左銅鑼灣Samsung 到換I908隻地圖軟件Route 66，之後去左別府食，做特價呀！三文魚刺身買一送一。
22-23號：連續行左兩日花市，D野勁貴呀！22號同細B 佢地食團年飯，全章居勁多人呀，好彩有訂位者。我地一行五人叫左個八人餐，竟然食得晒，勁呀！之後行花市睇無聊野果邊，貴到乜都唔想買。第二日行賣花果邊，最後買左20蚊桃花，佔下D 桃花運先。
24號：真式開始放悠長假期，感覺好似返學果陣放新年咁。今日洗屋，淨係洗廁所，自己間房，掃地同拖地都已經由兩點洗到十二點幾。
25號：返左屋企食團年飯，剛好趕得切係23點59分沖好涼、洗好頭、剃好鬚。
26號：大年初一，去左小B 屋企拜年，之後返左屋企拜年同食飯。今日阿姨佢地都有黎。
27號：大年初二，同埋哥哥同三家姐一齊去左小小B 屋企拜年，今日玩鋤大D，我無嬴無輸。晚上去左PIZZA HUT 食。
28號：大年初三，今日中午去左旺角先達到幫部I908扮靚靚之後就去左阿姨屋企拜年。
29–31號：上網睇到我隻HARDDISK 話果FIRMWARE LIMIT 左個速度，咁就想整返快D，UPDATE左佢，結果C 同E DRIVER 乜都無晒。慘呀！結果整左幾日重裝過晒，未計唔見左既data，日日無零晨五點都無得訓，最早果日整到早上六點半先訓。30號果日因為要用左張31號到期既飛，所以去左睇戲，但又無乜位可以買。最後我同個STAFF 講，邊套都好，大約八點至九點開場既，最前只能接受到C 行，結果睇左奇幻逆緣，套戲唔錯喎！

話咁快又到左聖誕，今年就慘D，病住咁過，不過D 活動都算唔少。
24號 平安夜，今日公司提早放工收三點。中午食飯攪到會及抽獎活動。我好好彩呀收中左八佰蚊佰佳禮券。放工之後帶埋食淨既o者哩糖去小b家比佢食，今日果到好人齊，有齊小b d 表兄弟姐妹，嘈到暈。咁早去小b 到係因為今晚係小b妹既滿月酒。我表弟係澳洲返左黎香港放暑假，今日都會見到佢地。果間野d 份量好似king size 咁，碟碟都勁大碟，最後當然食唔晒喇！
25號 今日飲完茶，就係屋企，坐到夜晚就去左小b屋企打邊爐。小b 妹係浦精黎架，日頭訓，晚夜活動，勁扭抱，醒左之後無時無刻都要抱，抱之如還要行黎行去，如果唔係照喊。
26號 今日一早好似返工咁咁早起身去小小b屋企。因為佢地要炒左個新請返黎既印印，要我睇住小小b。攪左勁耐，落埋旺角之後先去意粉屋食。小小b 第一次食pizza，佢當然開心喇，唔駛食埋晒d 淡口野。之後佢地話要去玩，我就唔去返屋企喇因為病病地，成個人都好累。
27號 今日飲完飲之後就等小b黎，小b 唔知係邊到玩過大富翁，勁想玩，但就無開比佢玩，但就開左wii 既大富翁比佢玩，佢亂玩左一陣之後勸佢玩返wii sport同孖寶賽車算喇。玩到六點佢地就起程返屋企lu。
28號 係屋企休息左勁耐，係咁係到玩pet society，之後就落左apm 買衫，我係chevignon買左件褸呀，買黎黎緊凍果陣著，試衫途中睇到阿春佢地，不過無叫佢地呀，因為試緊衫，就咁著出去搵佢地實比人當小偷喇。
29號 地鐵之友會我前幾日一次過換左八張免費港鐵車票，今日開始用，只用黎返工過海，節省左好多車費呀！
30號 今個月我係公司勁忙囉，忙到都無時間寫hompy。昨日返工收到新一年既醫療咭，個network 由n6升左上n7多左d 醫生可以睇，見舊果d quota 用唔晒，所以今日又趕返去拎多一次藥，唔好浪費d quota。
31號 今日公司又可以三點收工呀，係三點零六分之際收到封email 話要我地春節跟上海同步上班，所以會有個悠長假期，但之不過要扣我地兩日大假黎放，勁唔憤氣囉！又唔早d send , 等人放晒工先黎聽，還要揀d 咁既日子send，我d年假已經夠少架喇！之後係銅鑼灣行左一陣就返屋企。晚餐第一次叫kfc 外賣。原來堂食同埋外賣d 食物組合好唔同架，我都唔明咪又係同一間分店供應，做乜要咁分法。今日為左用埋個恆生咭送5隻雞翼優惠。結果叫左個套餐包左4件雞, 5隻雞翼, 一盒意粉, 一盒薯蓉, 二件葡撻再另加多個雞腿包，連埋5隻送既雞翼兩個人食，食到人都癲。之後去左東港城倒數，雖然個倒數好雞，我淨係識得一個嘉賓係馬俊偉，最好睇都係個電單車表演，一倒數完d 人就散，無理到個event 係未完既。

話說上次睇醫生提起腳痛，咁醫生就叫我食D 葡萄糖胺成分既藥保下D 軟骨。我都唔知邊到買同埋買邊隻好，所以我就叫佢開比我。佢就叫我用醫療咭下次黎直接拎藥，唔用咭就要兩佰零蚊一次，所以今日放工之後即趕返去黎拎藥因為佢地收七點。我以為用咭最多都係得五日藥，但醫生好好人咁一開開左廿一日藥比我，真係好呀！

今日起身去左鴻星飲茶又貴service又差，之後就去左睇醫生同埋等小b 黎。今日樓下會所攪左個party，一戶得一張入場卷，返黎收件果陣比我係個回收箱到執到一張入場卷，可以比小b 玩得次。d 遊戲好無聊，排隊玩左兩個就無玩，之後排埋d 食物就返返上去。小b 當然繼續打機，而我就係到繼續玩我既pet society，擦到每個fd 既pet勁乾淨同勁飽。食飯果陣同小b 佢地落左樓下間西式餐廳到食半自助餐，d蝦蟹都幾新鮮，食到勁飽先散。
今日亦都係ar 勇生日，等到九點就起身落sogo買禮物，我揀左個3d 土星拼圖，都幾靚架。我又唔想一個人咁早上去坐，咁就一個人係街到行到十二點。本來諗住去世貿打機，但搵極都搵唔到點行上去，結果比我搵到果陣先知佢地今日收十二，剛剛好我十二點先去到。之後企係sogo 門口等jerry 黎，結果一企企左九個字先一齊上去ar 勇個生日party到，結果一坐坐到三點先走。

今日放工又返左屋企食飯，食飽之後就去補牙，結果原來book 左同無book都係無乜分別，我都係最後一個見醫生。之後就返屋企喇。原來d 牙磨損左係咁照塗返d 粉上去再照一照d 光就攪掂，連洗同鑽都唔駛，咁就收左兩佰蚊，真係好易賺。

今日放工出席YCK T05同08既聖誕派對。放工之後去Sogo到買禮物，因為佢地入場到帶一份五十蚊以前既禮物交換。sogo 包禮物會有埋靚靚既花球跟，唔錯呀！之後就去左旺角某間樓上cafe 到等人齊開派對。今次佢地攪既派對要求扮卡通人物，造型就會被罰。我就好是旦咁問左細b 借米奇頭飾扮米奇。全場有幾個造型都幾得，最勁果個造型係mini扮忍者龜，其次有henry扮超能生先，我咁是旦當然係企埋一邊喇！今次有驚喜既係好耐無見既carman同elaine 都有出席。玩遊戲我最差就係平衡力，結果輸左，還要問責制，結果一個人食左八片有日本芥辣既餅乾，我又唔太怕呀，不過食完就開始胃痛。之後又玩多個game 又輸，結果我自發做拱橋比其他組員穿過，好耐無做過，個背脊有d痛。今日抽左份細獎，係hard cream，不過無乜用，同個扮小雲既女仔換左支小童牙刷諗住比小b。交換禮物果陣抽中左隻會慘叫既鷄，叫到好嘈，carman 幾鍾意隻野咁就比左佢喇。