唔知各位有無追歲月風雲呢？

我尋晚無意中發現劇裏面，

華喆成功既原因！

呢個原因…

就係佢請左…多拉A夢！

點解咁講？

話說我尋晚坐响廳度打緊機既時候…

聽到一把好熟悉既聲响電視機裏頭傳出黎！

呢把聲就係多拉A夢把聲！

而當時係做緊歲月風雲，

好似已經係最尾一幕！

所以我有理由相信…

華喆係咁短時間實現到夢想，

最主要係請到多拉A夢幫手！XD

備註︰大家試下合埋眼去聽下呢段片！

今日公司終於請左個司機喇！

仲試過佢手車添~

呢個司機手車…都幾狠下！

唔知佢係咪突登開快D俾我睇下佢手車呢？

不過嚇我唔到既！

我舊時仲狼、仲狠過佢！哈哈

佢星期一正式返工！

希望佢做得長啦~

地點︰志蓮淨苑

Cannon EOS400D

把玩中………哈哈~

不經不覺已經返左一個禮拜新工…

呢個禮拜…因為公司個司機詐病左一個禮拜，

我就頂埋佢個位…又變返做貨van佬！哈哈

呢個禮拜裏面，

我發現呢間工司D Excel表好原始…

有好多工序都重覆左…

我諗都要同佢地黎個大執先得！

--------------------------------------------------------------------------

呢間公司D人唔知係咪生漬？

晏奏食完飯…四點又話食TEA~

全部公司數唔洗出錢！

雖則話唔洗錢啫…邊食得落呀？

最神奇既係…

居然有人下奏食完個吉列牛扒飯…

食TEA嗰陣再食一個熱狗加多一隻雞脾…(好得人驚！)

仲有一樣野好想講，

就係我放工時間應該係八點，

但係呢個禮拜…

我無試過準時收工…

最遲…七點半就走得！

最早嗰日…六點十就收工！

每日到咁上下時間都有人同我講"走得架喇"！(好神奇！)

計返上黎…

工作時間仲短過舊時！

今日係辭左職既第一日，

我地早一個禮拜已經安排好今日上魚排釣魚，

雖然今日無咩魚釣到…

我淨係釣到三條大過手板既石霎同埋一條泥鯭，

但係條泥鯭就差唔多有五號鞋咁大條！

特別鳴謝夫人借出一隻六號鞋！！

五號鞋泥鯭

--------------------------------------------------------------------------

黎緊呢個禮拜會攤抖下先~

七號先正式返新工！

不過頭呢幾日都好似好忙！

車牌夠期要換…

要去買噴泵…

又要去銀行…