重新整理過攪到無左之前打既野, 算數, 唔再打返喇. 好煩!!! 就咁睇啦!!!

我只係俾個攝影師影下做下 model 啫, 雖然呢張露了少許 tube, 不過我覺得自己咁啱笑得咁靚, 又俾佢影到個神情. 真係好欣賞. 好少呵. 所以照 post 上嚟囉. p.s. 個效果係攝影師影個時專登係咁, 佢唔知點打燈架, 無做手腳. 不過雖然好白, 但係又唔錯喎!

大家知唔知呢個係咩嚟? 呢個就係喺 M & M's 嘅糖上面印圖案, 相片或者文字. 你可以upload 張相上去然後揀咩顏色嘅糖印你想印嘅嘢上去. 係好過癮架!!! 不過我睇過都幾貴, 有啲最少 3 粒起, 最平都要三十幾四十蚊美金. 即係成幾百蚊得 3 粒. 仲未計運費!!! 不過其實真係好想試下, 唔知印左自己上去會係點樣呢?  http://www.mymms.com/customprint_faces/?src=112339&sc_cid=B_KN_FZ_N00_MA9F0N00BKNFZ111

晏畫 3 點幾同 "豬人" 玩影相, 影到 4點幾. 跟住就入左商場行, 之後去左食下午茶 + 晚餐(都算啩?!). 食左乜???

4:35p.m. - 越棧 @ 豬頸肉金邊粉, 生牛肉金邊粉

5:25p.m. - 板前壽司(忘記左之前發生中毒事件)

                 三文魚壽司 x 4 吞拿魚壽司 x 1 蟹捧壽司 x 1  加州卷 x 1 軟殼蟹壽司 x 1

7:00p.m. - Italian Tomato cake shop @ Chocolate cake  

9:00p.m. - 千色店小食部 @ 燒八爪魚丸 x 6粒 

10:00p.m. - 出前一丁杯麵大碗裝

10:30p.m. - 人參湯 @ 屋企煲湯

一日六餐, 有無人敢挑戰我??? 其實都唔係食左好多啫, 份量唔多, 不過食好多餐咁. 我諗我要改名做@大食女皇@喇!!!

我才是女主角.........Wahaha.............

此照片是攝於兩年前

地點 : 首爾機場一角

原因 : 正值韓國對外宣傳, 所以擺放了布景在機場的一個角落.

無論頭飾, 衫及裙都非常非常新淨, "當年" 應該是配合宣傳而製造的. 那個頭飾.....有一點點重但還可以接受, 也很容易戴上. 機場內的宣傳大使也協助我穿上整套韓服(她們真的 very very nice). 不過眼見有很多遊人都十分怕羞, 所以沒有人穿著來拍照. 既然如此, 我又不怕羞(不是在香港機場)兼難得一影, 於是上前拍下. 現在當然是沒有了啦!!! 不過在這次之前也穿過一次了, 但上次拍得不好, 這張算可以的了. 但其實她們跟我距離很遠地幫我拍下的.

呢個 special effect 過唔過癮呢? 基本上係唔性感兼無野睇, 所以先整個咁嘅效果, 希望唔係嚇親大家啦. 無拋胸, 無露肉........haha....其實呢條係一條淺黃色碎花色satin 睡裙嚟.

大家覺得呢度靚唔靚? 有無去過呢度? 考下大家先, 知唔知呢度係邊度? 去過嘅人應該會知道. 這裡佈滿了很多花花草草, 美得可以用來拍寫真或者影婚紗相. 大家知唔知最尾嘅婚紗相條婚紗有幾長? 答案係 : 2008米長. 相中當然不是本人, 係就好囉!!! 以上所有圖片全部來自一個官方網頁提供的. 這裡就是經常在電視賣廣告的 "深圳東部華僑城"裡的 "茶溪谷". 大家去過未?

從來我都不愛到大陸的什麼主題玩樂區玩, 因為以前細個無錢同埋屋企唔捨得使錢坐飛機去旅行, 所以就只有坐車返大陸, 返鄉下 "玩". 大約一年四, 五次, 年年如是, 當然係去左好多年啦. 細路仔唔去唔得, 唔通獨留屋企? 所以一定要跟住阿媽去到邊. 到現在我都不愛回大陸. 不過越嚟越大個就無再需要返去, 屋企亦唔去. 所以呢幾年無咁抗拒. 琴晚我突然攞起本旅遊書, 睇睇下就見到介紹呢個主題公園. 其實好早之前都有睇過雜誌介紹, 係仿傚 "瑞士" 嘛. 又係人造湖, 好似好靚. 但係無詳細介紹. 依家無意間睇到旅遊書推介, 嘩.....真係有啲 "刮目相看"! 影相感覺真係一啲都唔娘, 啲景一啲都唔假, 真係唔講都可以當佢係咩日本 or 外國. 以上幾張相真係靚到唔識講. 人地影嘅婚紗相就係喺 "向日葵花園", 加埋條婚紗, 真係好壯觀. 我相信我真的要到此一遊!!!