遲d會cut左netvigator喇! 已後個blog只可以係一個回憶…

唔知個Blog仲會唔會有人睇呢?

今日超遲出門口! 成9點3先急急腳急急腳急急腳...
返到公司都成9點10... 真係越o黎越唔好意思!
我一定要改喇! 唔可以再咁懶... 不過講改過都講左好耐!
1點幾放工... 同左阿斐食吉野家... 再行左陣街...
之後去左冒險樂園玩... 今日收穫都幾豐富!
玩左個幾月... 用左好多好多好多好多錢呀! 上癮添喇!
5點幾約左佢表哥傾佢d保險o既o野...
6點幾就約埋顏小姐一齊去酒樓飲Yenmi o既結婚酒...
第1次參加舊同學o既結婚, 感覺好開心呀!
成圍舊同學見到面都問"幾時到你呀?"
我o既例牌答案都係"到你都未到我啦!"
其實結婚都係開心事o黎o既... 大家唔好咁恐懼先得架!
成晚大家都係講當年讀書時o既o野...
大大話話都成10年有多o既事, 時間過得好快呀!
今日真係諗起好多o既回憶, 希望大家都過得快快樂樂啦!

今日超低能... 唔駛返學on居居走左去返學!
另外因為提早轉手提電話台...
比3罰左7百水... 我成日都以為提早轉台...
最多都係d回贈無得退姐...
點知今日收到張單比佢罰錢先知...
都怪我無留意d條款, 但比3陰到就唔抵嘛!
3真係勁賤格... 我發誓以後唔用3呀!
頂! 頂! 頂! 頂! 頂! 頂! 頂! 頂! 頂! 頂! 頂! 

今個3月第1次打blog... 都好耐無打過喇!
近排真係好忙好忙... 一來公司好多o野做...
二來要返學... 三來成日都陪阿斐... 晚晚都成兩點先訓!
今日心情唔靚... 其實無論咩理由... 我都唔鍾意人地呃我!
更何況係件好少o既事... 可能其他人會覺得我小器啦!
阿媽今日上o左大陸, 要禮拜日先會返!
今日都好忙... Lunch成2點半多d先去食!
7點多先放工, 幫阿Sam羅d o野比佢...
然後自己1個返屋企, 搭火車時... 唔知點解好想遊車河!
不過最後都無做到, 好耐無放工由火車站行番屋企...
我份人好鍾意邊行邊周圍望, 但望唔代表要望女仔...
有時發覺自己周圍都會發生好多特別o既o野!
返到屋企得自己1個, 今晚唔諗住食dinner...
雖然係會傷胃, 但我想減下肥... 我真係肥左好多喇!

前日15號終於返o黎lu... 今次旅程總算唔錯啦!
今年有好多o野都係第1次發生...
詳細就唔多講啦! 反正有好多都係私人o野!
今日都已經初十一, 夾夾埋埋我只係左11封利是...
聽日開始要返工, 放左12日假感覺真係過得好快!
聽日返工o既動力就係要利是...
雖然大左, 對收利是o既感覺都細左...
不過始終收利是都係一種開心o既感覺... 無人會唔鍾意o既!
今日有樣o野知道左, 我都唔知點解放完個長假就唔同左!
叫佢覆我又唔覆, 可以逃避o既咩? 更可況唔係要交代下o既咩?
我真係唔明宜家d年青人o既諗法! 一時一樣...
睇o野唔係睇長遠o既, 往往睇得好短視!
有時幫人都可能係錯o既, 我自己都理唔掂, 理掂自己好過喇!

大年初二...
祝各位身體健康! 心想事成!
近排懶左, 無點打blog... 見今日有d時間, 所以上o黎打下!
lee幾日做左好多好多o野, 去左維園行花市...
陪阿媽買過年o野, 琴日仲同阿斐去佢契老豆度拜年添!
今日屋企食開年飯, 阿姨表妹、阿公同阿斐佢地都會上o黎!
阿斐仲係第1次見到我d親戚, 睇o黎佢應該都幾緊張囉!
聽日我就會返大陸玩, 要1個禮拜先返落o黎...
希望新o既1年順風順水, 心想事成啦!

今日下晝同阿Sam去睇情人節禮物...
首先去左新世紀睇頸鍊同吊墜...
睇左幾間, 睇極都睇唔o岩...
之後去左食少少o野, 然後再睇過!
再去彌敦道睇, 睇左好多間... 心大心細...
都唔知點好, 最後都係去番新世紀買!
最後都揀到條鍊, 不過吊墜就揀唔到...
諗住遲兩日去再買, 成個下晝就係行行行...
之後6點左右就去尖咀接阿斐,
佢陪我過上環買禮拜一船飛過澳門,
因為我禮拜一又要過澳門工幹...
晨早8點半船, 諗住夜晚10點鐘先走!
之後我地過左維園搵fd, 佢今年開年宵賣花!
Dinner@麥記... 之後起程回家! 好"支力"呀!