今日同hovin去睇 <<我的機械人女友>>...........

套戲其實係hovin想睇0既 , 點知到最後睇完 , hovin覺得只係一般 , 反而我就幾鍾意..........

或者最初一個抱好大期望 , 一個抱住陪人睇0既心態入去 , 正所謂希望愈大 , 失望愈大 , 抱住平常心 , 反而會有驚喜..........

不過 , 或晒套戲都係郭在容導演0既作品 , 實力始終有番咁上下.........

哈.......至於劇情方面 , 我就唔係到多講啦 , 因為係張poster到 , 都有提大家盡量保持秘密..........

原本冇諗過咁快會買車.......

宜家機緣巧合下 , 買咗呢部車.........

Peugeot 206xt..........

昨日 , 由於同事有兩張asia-miles0既coupon俾我同hovin , 可以係朗豪酒店0既 "portal work and play" 到叫個二人tea set , 所以我上個week就book定位昨日去食............

去到 , 我們可以揀兩款餐 , 一係中式 , 一係西式...........

結果 , 我們揀咗西式..........

不過 , 我可以話俾大家聽 , 個餐真係好滯 , 到最後 , 我們兩個係食到唔想食0既.........

又大一歲.........

不過今年好似對自己0既生日 , 無乜以往興奮或者期待0既心情........

哈........或者呢樣就係年紀漸大0既關係........

anyway........hovin都有同我出去食餐飯.........

我們係沙田間shakey's食pizza同意粉.........

叫咗四個餸 , 但係已經飽到攬住個肚.........

2008 happy birthday to me !!!

星期日同星期一..........

同二小姐去咗長洲 , 來個兩日一夜之旅.........

享受吓陽光與海灘 , 放一個短0既悠長假期.........

我們揀咗住華威酒店 , 因為可以有全望海景房.........

入到房 , 好靚0既全海景........

中午十二點幾到埗 , 放低d 0野 , 我們就落咗去海灘行吓同玩水........

嘩 !!! 陽光與海灘 , 簡直就係海天一色藍呀 !!!

之後 , 我們就出番去碼頭果邊行吓 , 仲有食甜品.........

呢到好似就係天后廟...........

下午 , 我們就番酒店睇電視........

哈.......皆因本少爺要睇奧運直擊 , 籃球決賽 , 美國 vs 西班牙.........

到六點幾 , 我們就出番去碼頭食晚餐 , 是晚我們叫咗四樣餸 , 有咕嚕肉 , 炒生菜 , 蒜蓉粉絲蒸扇貝 , 仲有粟米魚肉羹 , 連埋白飯加飲品 , 都唔駛$200 , 幾抵 !!!

期間 , 影咗張好靚0既黃昏景.........夕陽無限好.......wow........

夜晚 , 八點 , 番酒店房睇閉幕........

不過 , 覺得有少少失望 , 覺得冇開幕咁好睇 , 而且真係好surprise點解會有容祖兒出現 , 好唔想見到佢囉 !!!

第二朝 , 晨咁早就起咗一次身 , 影吓個日出 , 然後又瞓過.........

到九點幾起身 , 我們就先落去下面酒店泳池游水........

之後再落去沙灘玩水..........

十一點幾 , 番房沖身執0野check-out , 然後出去碼頭搵0野食 , 期間 , 買咗個 "平安包" 匙扣俾老爸老媽做手信..........

之後 , 我們去咗飲茶 , 叫番一盎兩件來食吓 , 印象中記得d叉燒包好鬼大個........

然後 , 我們就搭船出番香港.........

過番海 , 去咗尖沙咀 "大良八記" 食糖水 , 之後再陪埋二小姐番美孚睇中醫.........

最後 , 我先番屋企抖..........

哈........宜家個身曬到好痛.........

哈.........今日係旺角行過 , 竟然俾我見到d人用lego砌咗個鳥巢同水立方出來 , 仲有沙田個馬術場館..........

本少爺又點會放過 , 即刻拍張照留念..........

真係整得好靚 , 勁呀 !!!

唉 ~ 不過今日中午聽到新聞 , 知道劉翔因傷退出 , 真係好唔開心.........

唔開心0既原因唔係因為劉翔拿唔到牌而失望 , 係因為果一刻亦感受到佢當事人0既無奈同遺憾..........

不過我覺得佢一定要振作 , 因為佢已經用咗最大0既勇氣嘗試出賽 , 亦都只係因為太過勤力練習而受傷.........

所以我覺得佢已經為中國人贏了面子 , 贏了掌聲........

加油吧 , 劉翔 !!!

另外 , 好開心中國男子籃球隊好大機會入到八強 , 希望佢地可以爭取到一個獎牌 !!!

哈.......前幾日 , 表姐一家人來咗香港玩.........

我就梗係可以見到我可愛0既兒甥女.........

呢個兒甥女係我咁多個細路入面最錫同最寵果個來0既.........

各位觀眾 , 有請zozo..........

不過實質呢隻衰妹宜家都幾曳吓 , 成日四圍跳 , 四圍走 , 無時停 , 好似食 "勁量" 大咁..........

睇住佢一陣 , 我都已經覺得攰..........

哈.......真係難為了表姐 !!!

獻給二小姐0既 "四葉妹妹" figure........

買俾二小姐0既原因 :

近排見佢心情成日都唔太好 , 而我見到呢隻公仔 , 又覺得好得意 , 好開心 , 於是就買來氹吓二小姐笑吓..........