星期日同星期一..........

同二小姐去咗長洲 , 來個兩日一夜之旅.........

享受吓陽光與海灘 , 放一個短0既悠長假期.........

我們揀咗住華威酒店 , 因為可以有全望海景房.........

入到房 , 好靚0既全海景........

中午十二點幾到埗 , 放低d 0野 , 我們就落咗去海灘行吓同玩水........

嘩 !!! 陽光與海灘 , 簡直就係海天一色藍呀 !!!

之後 , 我們就出番去碼頭果邊行吓 , 仲有食甜品.........

呢到好似就係天后廟...........

下午 , 我們就番酒店睇電視........

哈.......皆因本少爺要睇奧運直擊 , 籃球決賽 , 美國 vs 西班牙.........

到六點幾 , 我們就出番去碼頭食晚餐 , 是晚我們叫咗四樣餸 , 有咕嚕肉 , 炒生菜 , 蒜蓉粉絲蒸扇貝 , 仲有粟米魚肉羹 , 連埋白飯加飲品 , 都唔駛$200 , 幾抵 !!!

期間 , 影咗張好靚0既黃昏景.........夕陽無限好.......wow........

夜晚 , 八點 , 番酒店房睇閉幕........

不過 , 覺得有少少失望 , 覺得冇開幕咁好睇 , 而且真係好surprise點解會有容祖兒出現 , 好唔想見到佢囉 !!!

第二朝 , 晨咁早就起咗一次身 , 影吓個日出 , 然後又瞓過.........

到九點幾起身 , 我們就先落去下面酒店泳池游水........

之後再落去沙灘玩水..........

十一點幾 , 番房沖身執0野check-out , 然後出去碼頭搵0野食 , 期間 , 買咗個 "平安包" 匙扣俾老爸老媽做手信..........

之後 , 我們去咗飲茶 , 叫番一盎兩件來食吓 , 印象中記得d叉燒包好鬼大個........

然後 , 我們就搭船出番香港.........

過番海 , 去咗尖沙咀 "大良八記" 食糖水 , 之後再陪埋二小姐番美孚睇中醫.........

最後 , 我先番屋企抖..........

哈........宜家個身曬到好痛.........

哈.........今日係旺角行過 , 竟然俾我見到d人用lego砌咗個鳥巢同水立方出來 , 仲有沙田個馬術場館..........

本少爺又點會放過 , 即刻拍張照留念..........

真係整得好靚 , 勁呀 !!!

唉 ~ 不過今日中午聽到新聞 , 知道劉翔因傷退出 , 真係好唔開心.........

唔開心0既原因唔係因為劉翔拿唔到牌而失望 , 係因為果一刻亦感受到佢當事人0既無奈同遺憾..........

不過我覺得佢一定要振作 , 因為佢已經用咗最大0既勇氣嘗試出賽 , 亦都只係因為太過勤力練習而受傷.........

所以我覺得佢已經為中國人贏了面子 , 贏了掌聲........

加油吧 , 劉翔 !!!

另外 , 好開心中國男子籃球隊好大機會入到八強 , 希望佢地可以爭取到一個獎牌 !!!

哈.......前幾日 , 表姐一家人來咗香港玩.........

我就梗係可以見到我可愛0既兒甥女.........

呢個兒甥女係我咁多個細路入面最錫同最寵果個來0既.........

各位觀眾 , 有請zozo..........

不過實質呢隻衰妹宜家都幾曳吓 , 成日四圍跳 , 四圍走 , 無時停 , 好似食 "勁量" 大咁..........

睇住佢一陣 , 我都已經覺得攰..........

哈.......真係難為了表姐 !!!

獻給二小姐0既 "四葉妹妹" figure........

買俾二小姐0既原因 :

近排見佢心情成日都唔太好 , 而我見到呢隻公仔 , 又覺得好得意 , 好開心 , 於是就買來氹吓二小姐笑吓..........

上星期五 , 屋企人同本少爺慶祝舊歷生日.......

買咗個蛋糕賀一賀佢 , 梗係要影張相留念..........

p.s : 順帶一提 , 哈.........各位巴打 , 本少爺0既新歷生日係8月29日 !!!

2008年08月08日 , 晚上08時08分 , 北京奧運開幕啦.........

哈.......昨晚全程都對住個電視睇正播 , 點起聖火0既一刻 , 自己係由個心入面感動到出來.........

細心安排0既精彩開幕環節 , 我不需要在此重提 , 只覺得呢個開幕禮絕對向世界展現了中國新的面貌 , 亦保留我們千古文化0既精髓.........

現實講 , 中國暫時還未能成為一個超級大國 , 但經昨晚 , 我覺得 , 中國話 : 我要成為一個世界大國 !!!

哈..........不過或者有人唔同意我以上0既講法 , 因為自小我就覺得自己0既性格都係較為中化 , 而我亦都好鍾意中國文化同歷史.........

哈..........自己家事呀嘛 , 梗係要知少少0既..........

能夠係自己0既人生 , 身為中國人 , 有機會望到呢一刻 , 我覺得好自豪 !!!

p.s : 順帶係到加埋昨日一d精彩0既相片..........

上星期六 , 同hovin去會展 , 去動漫節........

宜家post番d相出來...........

首先 , 當然要post番今年電擊模型大賽0既作品..........

之後我們去咗lego zone睇人用lego砌吓香港0既景點........

臨場加送 , 去會展途中 , 係巴士入面見到出面維港下午個景好靚 , 於是影低咗落來..........

話說事件係昨日發生.........

昨日四點幾 , 突然手提響起 , 望吓來電 , 係二小姐公司打來0既 , 咁我就聽啦.......

二小姐 : 喂......Andy呀唔該........

本少爺 : 吓.........

二小姐 : 呀 ! 打錯電話呀 , Bye Bye........

就係咁 , 二小姐就好怱忙咁收咗綫啦............

收咗綫 , 我都唔知發生乜事 , 明明來電係自己女朋友公司打來0架 , 對方把聲明明都係自己女朋友來0架 , 但係點解自己個女朋友打俾自己 , 唔係搵自己 , 係搵Andy0架呢 , 哈........你話我係咪即時 "o晒咀"..................

當然 , 講真 , 我係絕對對自己同佢有百份百信心 , 如果真係要介意 , 我都只係介意佢當時係電話0既語氣差.........

哈.......不過到宜家諗番成件事 , 我都覺得好無厘頭 , 我諗我會有排笑二小姐 , 有乜理由打錯俾自己個男朋友搵另一個男仔..........

哈........二小姐 , 你失魂我就一早知 , 都唔駛失魂到咁盡0架 , 好0野 !!!