2008年08月08日 , 晚上08時08分 , 北京奧運開幕啦.........

哈.......昨晚全程都對住個電視睇正播 , 點起聖火0既一刻 , 自己係由個心入面感動到出來.........

細心安排0既精彩開幕環節 , 我不需要在此重提 , 只覺得呢個開幕禮絕對向世界展現了中國新的面貌 , 亦保留我們千古文化0既精髓.........

現實講 , 中國暫時還未能成為一個超級大國 , 但經昨晚 , 我覺得 , 中國話 : 我要成為一個世界大國 !!!

哈..........不過或者有人唔同意我以上0既講法 , 因為自小我就覺得自己0既性格都係較為中化 , 而我亦都好鍾意中國文化同歷史.........

哈..........自己家事呀嘛 , 梗係要知少少0既..........

能夠係自己0既人生 , 身為中國人 , 有機會望到呢一刻 , 我覺得好自豪 !!!

p.s : 順帶係到加埋昨日一d精彩0既相片..........

上星期六 , 同hovin去會展 , 去動漫節........

宜家post番d相出來...........

首先 , 當然要post番今年電擊模型大賽0既作品..........

之後我們去咗lego zone睇人用lego砌吓香港0既景點........

臨場加送 , 去會展途中 , 係巴士入面見到出面維港下午個景好靚 , 於是影低咗落來..........

話說事件係昨日發生.........

昨日四點幾 , 突然手提響起 , 望吓來電 , 係二小姐公司打來0既 , 咁我就聽啦.......

二小姐 : 喂......Andy呀唔該........

本少爺 : 吓.........

二小姐 : 呀 ! 打錯電話呀 , Bye Bye........

就係咁 , 二小姐就好怱忙咁收咗綫啦............

收咗綫 , 我都唔知發生乜事 , 明明來電係自己女朋友公司打來0架 , 對方把聲明明都係自己女朋友來0架 , 但係點解自己個女朋友打俾自己 , 唔係搵自己 , 係搵Andy0架呢 , 哈........你話我係咪即時 "o晒咀"..................

當然 , 講真 , 我係絕對對自己同佢有百份百信心 , 如果真係要介意 , 我都只係介意佢當時係電話0既語氣差.........

哈.......不過到宜家諗番成件事 , 我都覺得好無厘頭 , 我諗我會有排笑二小姐 , 有乜理由打錯俾自己個男朋友搵另一個男仔..........

哈........二小姐 , 你失魂我就一早知 , 都唔駛失魂到咁盡0架 , 好0野 !!!

或者係近排o.t.得多 , 個人好攰.........

或者係近排天氣真係好悶熱 , 令一個人0既情緒變得低落.........

聽住呢首歌..........

失樂園 草蜢

結果我共你 仍然逃不過
被圍攻  被捨棄
愛得驚天動地 總算運氣
無論褒貶尊與卑

愛可有定理 談情誰講理
越無理 越淒美
就算飛天遁地 萬年千里
亦決定要共你一起

苦戀註定難 我已經習慣
沿途承受不留情的雙眼
請給我負擔 叫世上人間
平凡情侶為你共我轟烈汗顏

苦戀註定難 我卻這樣貪
途人凝望中 寂靜的稱讚
請給我負擔 叫世上人間
惶惶情侶 在美麗與悲哀之間
留一線空間

已經愛定你 流亡情海裡
沒陽光 沒空氣
再多險境絕地 視而不理
任世俗繼續看不起

苦戀註定難 我已經習慣
沿途承受不留情的雙眼
請給我負擔 叫世上人間
平凡情侶為你共我轟烈汗顏

苦戀註定難 我卻這樣貪
途人凝望中 寂靜的稱讚
請給我負擔 叫世上人間
惶惶情侶  在美麗與悲哀之間
留一線空間

苦戀註定難 我卻這樣貪
綿綿情話中淡淡的感嘆
喜歡這負擔 看冷酷人間
何年何世 為你共我苦戀驚嘆
為戀愛平反

首歌 , 好似催化劑一樣 , 聽完 , 眼濕濕.........

不知為何 ?

昨晚約咗成班同事上karel屋企bbq , 開party..........

由於昨日本少爺放假 , 所以下午六點幾 , 我首先過咗北角接hovin放工 , 然後同佢一齊過海 , 去將軍澳會埋亞九同佢女友 , 上karel屋企個club house bbq.........

去到 , 發覺大部份同事都到齊晒 , 哈.......大家梗係唔好執輸 , 0拿0拿聲走去夾0野食...........

karel今次就重本啦..........預備咗好多又貴 , 而且非常好食0既食物慰勞大家 , 印象中有鵝肝 , 鰻魚 , 大蝦 , 青口 , 肉蟹 , 法國春雞 , 羊肉 , 牛面豬兜等等.........

全部都正到無得頂呀 , 哈.....至於本少爺 , 最like就梗係食鵝肝啦 !!! 真係多多都受呀 !!!

期間 , lever兩公婆帶埋個bb仔來 , 哈.......鍾意小朋友0既我 就梗係要逗下來玩........

仲有影其他同事0既相.........

九哥  , 佢女友 , bb仔........

karel抱bb仔.........

亞叔 , 馮生 , karel..........

bbq燒到九點 , 我們就執0野 , 放番d 0野上karel屋企 , 然後再落番去club house打保齡 , 哈........但係本少爺今次就真係獻醜啦 , 經常落坑 , 丟臉呀 !!!

之後再上番karel屋企 , 繼續吹水.......而羅生就同埋佢女友十點幾到.........最後吹水吹到十二點到 , 我們就番屋企........

羅生同佢女友落旺角搭通宵van , 而我就搭地鐵送hovin番屋企先 , 然後自己再搭的士番屋企........

番到屋企 , 已經成兩點幾 , 沖完涼 , 抖咗一陣就瞓覺啦 !!!

呢架就係之前係日本用1000日元 (即HK$7x) 買番來0既figure.........

Gundam Exia.......

同佢畫番綫 , 再補咗D油........

咁就可以post相出來啦 !!!!

我決定買呢部notebook.........

ASUS Eee 1000H Notebook..........

如果係豐澤買0既話 , $4,788 , 用匯豐咭係星期五簽可以有10% refund , 即係$4,300到 , 80GB Hard Disk , 1GB RAM , 算幾抵玩..........

最緊要係佢都有隻內置眼 , 1.3M-Pixels , 如果要係外地做0野或者去旅行0既時候 , 就可以用隻眼同hovin , 或者屋企人玩視像.........

啱晒我要求 !!!

住完一晚溫泉旅館 , 第二朝我們又要一早起身 , 趕車落番高山 , 再趕車番名古屋 , 哈.........因為要預多d時間俾女仕們shopping.......

朝早食0既早飯 , 又係旅館提供0既........

臨走前再影吓間旅館 , 呢道係我們房出面0既走廊.......

另外 , 呢道係其中一個休息0既地方 , 玻璃窗出面係d亭台樓閣 , 仲有d鴨仔係到 , 都幾寫意.........

呢道本來係俾旅客浸腳0既 , 不過老爸見一清早 , 應該冇乜人浸過 , 幾乾淨 , 二來見到d溫泉水冒晒煙 , 於是佢就用手試吓.........

番落高山之後 , 係便利店買0既北海道雪糕同桃啫喱 , 正 !!!

番到名古屋 , 由於酒店又係未可以check-in住 , 我們放低行李 , 就過咗隔離0既電器城行吓.........

係六樓果層 , 竟然係買模型0既一層 , 本少爺梗係要打個轉........

之後 , 我們就搭地鐵去 "名古屋城" , 用咗500日元入場 , 但係換來0既只係一個現代化 , 有電梯0既城堡 , shit !!!!

跟住落來果兩日 , 我們都係shopping時間 , 去咗 "榮" 同埋 "名古屋駅" 附近0既地下商場同百貨公司shopping.........

"榮" 附近0既地標 - 摩天倫商場 , 名古屋電視塔同附近0既街道........

"榮"0既地下街.........

係地下街食0既蛋包飯.........

我們兩晚0既晚餐 , 分別係街頭0既車仔拉麵檔..........

仲有一餐好豐富0既壽司大餐.........

今次旅程所得0既戰利品..........

我們行百貨公司果時影0既 , 其中一張係偷影陳煒熙行路時影0既 , 哈.......勁似d model行catwalk 0既步型.........

係名古屋酒店房入面影0既.........

呢道係名古屋酒店附近周圍..........

臨走前 , 係 "中巷機場" 影番張團體照留念.........

哈.......呢張珍藏呀 ! 難得hovin批准下 , 可以同其他女仔合照 (原因 : 因為hovin都覺得呢位空姐幾靚)

總括而言 , 今次0既旅程都算值得 , 比較relax , 又可以親眼望到雪山........

不過 , 至於買0野方面 , 名古屋多數都係得百貨公司同地下街 , 冇好似新宿或者秋業園 , 果d我想行0既地方 , 所以呢方面就稍為可惜 !!!

完........