只剩253kb儲相空間，很快便滿了，今天去了維園映相，映了花花草草，不過不是太漂亮，兼有些悶，看見一個男人坐在長椅上除下上衣，大字型在曬太陽，我有拍下他的怪相，但如果post出來又不是太好。另外，又見到一隻貓貓，牠好像很怕人呢！

在草叢中的小貓

小貓緊緊的盯著我

在維園工作的工人

朋友讓給我的迷你脚架，幾好用呢

買了Panasonic DMC lumix LX2 水貨 ，但仍未認真試用，呢兩張相仍然用緊舊機OLYMPUS來映，發覺效果都OK呀！

這兩星期突然參加了睇樓團，因為父母突然賣樓，現在又要急急腳買樓，睇了十幾個單位，真是有些累，個個單位差唔多，所以價錢係最重要考慮因素，睇得多別人的單位，突然覺得自己屋企好醜樣，相信大裝修都係時候了。

他們是誰？睇下你估中幾多個，答案要去時代廣場走一轉

今天因為喉嚨發炎及感冒留在家中休息，我發覺自己很易喉嚨發炎或咳，如果唔理它的話，總會愈來愈嚴重。

呢幾日忙於做功課和尋找花的下落，因為想嘗試用傻瓜機映一些淺景深的相片，昨天在公園內看見這些小花，便拍下她美麗的一剎！

上星期銅鑼灣有個相機展，我和朋友在時代廣場附近見到一個脛上掛上單鏡反光機的中年肥女人，外貌打扮好似師奶，師奶打扮加單鏡反光機，好似格格不入，對唔住，我真係有偏見，雖然，我都見過好多阿叔揸部單反，但我又唔覺得有問題，但當幻想阿家燕姐著住街坊裝揸部單反四圍映相，我就會覺得好攪笑！