嘩~嘩~嘩~

話咁快又放完兩日假,不過哩兩日假真係好充實,好滿足.

22號晚因為太累,又知第日要同亞媽飲茶,又要收拾間屋所以神七咁早就訓左,第日7點半就起左身.飲茶間亞媽話可以幫下我手一齊'汁'屋,當然好好啦.而且一早又約左肥仔幫手既,3個人一定好快攪掂,點知個死肥仔差唔多下晝5點先到,我同亞媽已經'汁'好咁濟..........不過佢都幫我將d垃圾推左去垃圾站.

間屋之後好似新既一樣(G/F,1/F,天台)唔該晒呀媽同肥仔,攪掂好晒送左亞媽走之後,我同肥仔就走左出去買BBQ d野食,肥仔話諗唔到BBQ可以如期進行,個天都幫我地呀,kakaka

可能間屋整齊左既關係,我地買左d野食返黎之後,我重好好心機咁整到好靚,張所有丸類同腸仔用隻日式刺身船載住,勁grand,呵呵呵~~~~

BBQ主題當然係我地既女皇Amy生日啦,BBQ大會就正式係10:30左右開始lu

一路燒,一路傾計,一路攪笑,同一嘔攪gag,成班老野玩想'舊屎',幾得人驚.言談中大家提起一個多年(8年或以上)冇搵既同學=朋友仔,即起鬨話打佢舊電話試下搵唔搵到佢,點知真係搵到喎,輪住講左一陣就收線,約下次funtion出黎,希望真係約到啦(因為下次做聯絡人係1號仔....都幾窄下...)

兩點令三點Amy就話要瘟仔就走左喇,佢竟然善忘到唔記得羅份禮物坎,又要我哩個下人下次羅返俾佢(女皇即係女皇)榮少同1號仔留左係度打賤兔,睇到我同關生,肥仔笑爆咀.

可惜第日1號仔要返工.得我地一行四人去左荃灣陪榮少買銀包,攪到我又睇中左個成900蚊既袋-_-

之後去左睇戲,本人想睇大象亞鈍救細界架,不過係咁俾人ban,亞榮少重假民主咁話去到戲院下一場做咩就睇咩,點知去到最近個場係佢地想睇既咩叉魔法書囉,原全冇諗過會睇,侮街,都算啦,話晒都有CG可以睇丫,開頭都冇咩野,ok好睇,一到結局,唉..............超爛gag囉><

最後就去食上海野黎做兩日假期既句號.

原來住既地方整齊真係令到個人都開心好多架,之後就係最難既一part,就係點keep好間屋囉.............

我真係好唔想寫D咩一個人過的生日呀,祝我生日快樂呀個D.

好老土........

對上幾個topic就已經係上年生日真係得人驚.係咪每次寫完一篇就要加句咩初回限定先得.

今年生日真係好唔開心,係自己問題,個d多愁善感呢放大到有少少抑鬱症既階段........今次真係好唔想攪........最好自己都唔記得自己生日,做咩重要問人地想點攪呀,要咩生日禮物呀.咁無謂姐....

咁多位朋友,我寫依篇野已經係我自己送俾自己既生日禮物喇,如果你地都想送既,睇我呢d無謂野唔小小聲當送左啦,好唔好?再對我好d既咪得閒update下囉,雖然我本人自己都唔係成日update,哈哈哈....

唔好再當我係正常人好唔好?我真係好唔正常架..有冇正常人晚晚訓覺會諗自己點死會舒適D架?又有冇正常人唔想人地對自己咁好架?有冇正常人一個個陣失驚無神流眼淚架?

I am not a happy prince!!!!

我想要既野，無人俾到我，因為我都唔知自己想要咩!!唔好再問我想點?想要咩?做咩唔開心?

Fxxking shit birthday !!!!get away for me !!!!i don't want this birthday!!!Help

到左第2日,要訓晏d,因為第3日要遊船河,咁個晚就係同d friend去左銅鑼灣CEO唱k食buffet囉!!

兩個星仔啦^^

KaKaKaKa~~~~

上面係我朋友1號仔既蛋糕,下面係我既,結論係我個個好食D,所以結果係....

我送俾另一星仔既禮物,得張紙?

當日究然俾呢班人粉破壞晒牯日既計劃,2點幾叫走,哼~~~(To be continued)

我今日放假,不過4點幾先起身,之後約左Amy女王佢地行年宵.

咁我6點幾先同老細食完野,出到旺角一個人唔知去邊,就上左十大書坊,不過睇唔夠一個鐘,女王同榮少就打俾我,話去食野,唉....都未肚餓.....叫左碟乜鬼大蝦龍脷都係食左少少.閒談間１號仔又係到呻個手瓜細左一吋呀，個胸細左一吋呀，咁Q姿整，冇可能係直既><

食到咁上下老細同屋企食完飯，肥仔同公司食完飯join埋一齊,向維園進發，今年狗年，都唔知點解冇乜狗product.係唔係我太早日期行年宵呢?

不過都買左d無聊野^^

狗頭一名

Sit!!!!!

好急尿><

女王&狗奴

合照

之後佢地又俾我捉左上cafe 飲野同玩UNO&層層疊

攪左咁多野,７點幾既我．．．．好死餓