6/10 (Mon) # Diary

已經轉左xanga喇...^^但又有d唔捨得呢度...
我會得閒返黎睇返以前既文章ga!!
我唔post個link係呢度喇，想入黎睇下就問我或者問其他人拎啦
我想肯定入去既人都係一d識既人..起碼唔駛有其他人罵我啦><

26/9 (Sat) # Diary

琴日走左去踢波...練波..反而廢左...
好唔適應咁熱既天氣，自己又狀態差左...捱多左一兩晚夜ja...真係虧虧地...
其他隊友都差左...體能好差..
如果咁踢班際...要殺入決賽奪金...就真係好吃力...機會就低好多...
防守仍然踢得唔錯，但進攻章法就要苦練...特別係臨門果腳..
超多野要練@@

今日去左繼續上堂...超難的函數方程...又關微積分事...仲要d個function= =
佢既d既步驟我睇唔明= =痴線的
佢仲教左好多額外function既野..我諗好多係pure maths 2,3本書會見到的...
但今堂真係投晒降咁濟..要快d做晒d野溫返><

返到黎夜晚掂返d programming既野，就黎10月，OI開始逼近
終於識寫DFS了...寫得出permutation喇~~
MS既人會明咩叫Permutation吧~~勁開心^^
踏出第一步喇...但識寫DFS only唔夠料砌HKOI senior...-.-
要努力d先得... 

20/9 (Sat) # Diary

社長真係一個非一般的post，很多野做很多野要擔心..
仲要俾CK話: 成日掛住搞個社!
的確...我pure applied既測驗都肥左...分別18/49, 22/50
唉...但真係好有挑戰性..特別係pure...好有比賽既數feel@@
我要再努力d先得喇..

但我琴日放學走左去踢波，體能應付都仲ok
表現冇參考價值..對手細我地幾年..@.@
踢到6,7點就開始天黑...踢殘奧咁...盲人足球...
但盲人足球個波有聲同埋場邊會有人俾提示...我地就個波都搵唔到

搞活動... 班足...好煩...煩在究竟咩人一隊
6A踢唔踢..?踢既話借邊d人過去好...?真的很煩人的問題-.-
跟住聽講 籃球果邊仲煩...連搞班際定自組形式賽事都未諗掂= =
希望心願達成

今日去左上堂，繼續奧數的第二階段課程...
今堂教函數方程(Functional Equation), 洪校長真係教到好難...-.-
跟住我又要坐到好後...前面冇位...跟住近視又勁深...
又一次感受盲人痛苦...整天也要借Tina既筆記抄返...跟住佢又有近視..但好過我，都要問ben抄返= =
我對呢個topic好有興趣~~@@
要努力計下先~~但之前要計掂學校果d先...= =

鑑於最近開始有白撞人士走入黎留下挑釁性留言= =
我諗住遲d會摺埋呢度...開Xanga...因為唔想俾無聊人士用yahoo search到
係識既人就冇所謂..
所以遲d個link唔會post係呢度..個link唔打算用已開左黎留言果個..
遲d想知可以問返我或者其他人拎的

5/9 (Fri) # Diary

現在每一日都挺忙，特別係為社，但我相信將d工作攤開黎做 比起 堆埋一次過做會好好多，同埋...有效的話 多花時間落去也是值得的
但我失去左研習學術既時間..><下個禮拜應該會好一點吧

談談我依家讀既五科
UE, 代課教，呢位人兄都幾得人驚...唔好睇佢成身大汗
佢俾好多功課做..一黎就一堆grammar題，之後就500字作文下一日交...

中化，好恐怖，要借好多書睇，搞掂個社之後我就要睇返幾本!!

physics，都難左好多，微積分我唔係咁熟..有點公式也忘了
第四版既野都未有時間去詳細諗返...relative velocity也曾令我有點難去理解..
依家仲係溫緊習，都跟到進度..

pure maths，坦白講..有去讀奧數在這方面有很大的優勢...
暫時也跟到...^^

app maths，暫時讀了奧數也沒有優勢..vector geometry..我感覺有點困難
weekend要花點時間去追了..mechanics..都應該沒有優勢=.=
probability同numerical method就要讀落去先知..

總結黎講就都真係幾難頂，不過都係因為忙先咁
正常我諗都跟到既...但之後就唔知了...

train 數學校隊同programming校隊既事 就停左lu= =真可憐, 本來呢d先係我既正職..= =依家咁樣，聽日唔知仲去唔去踢波好添..><
我淨係知我依家超累囉..又頭痛

30/8 (Sat) # Diary

琴日就踢波..今日就打波

琴日踢波表現自己滿意，今日打波既表現即刻頹晒= =
可能累吧~~XD
跟住仲有男仔話聽日踢埋波佢去開學..痴線的...囧
我累到嘔了-.- 我呢個禮拜做左4日運動, 2日踢波, 1日籃球, 1日跑步=口=

今日上午去左奮社既一個小聚會，去M記= =
選左我做社長..依家真係要做喇= =
傾左好幾樣野，唉，第一樣要做既野竟然係要學Dreamweaver
要整好幾個網頁呀..唉。

唉..個暑假咁就冇左...突然又好感概- -
下一年將會好麻煩好忙...

27/8 (wed) # Diary

今朝早走左去天水圍運動場練跑，九點半去到，點知咁啱俾我見到..
應該係天水圍飛馬係度練波...@@呢支係新加入香港甲組聯賽既球隊...
換言之即係將來會係電視亮相踢波的..我冇認錯既話見到鄭少偉@@(香港版享利仔)幾個黑人@@, 成廿個大人練波...同埋十幾個同我年紀相若既球員..我估係飛馬既青年軍...@@好專業，好大陣張呀...好似禮拜五會又練
跑了1400米左右就瓜了...orz, 跟我目標相差200米哦...陽光普照跑步好辛苦！！

跟住返元朗買野，預備新一學年，買了英文係書單到第一本書..幾本簿only
之後去圖書館探班xDD 沒有借書，已經借了很多...還沒有看...
又遇到了某人，真係唔講認唔到...她看書時從某角度看起..成個嬸嬸咁..@@ :p
之後去買書包，$145，款就一般款，冇乜特別..唔知算唔算貴= =?
跟住走人。

整個活動分為兩日:
20/8
第一日3點打波，但4點幾先有得打...因為冇波冇人
爽，打到7點幾先走，係水邊到一大班人打有晒以前放學打波既感覺

之後去美心食飯，去游水，得知天水圍爆左，冇得入
就去元朗果度游..有去既得我一個唔識游..仲要元朗..深咁多..
冇得玩水..= =下次都係去天水圍先叫我啦-.-
游完之後身體有點不適同埋想養精神就早走左，其他人繼續係球場吹水

21/8
9點7左右去到，有點累..
係樂湖集齊人就踩單車去喔，天水圍-->朗屏-->水邊-->天水圍
這樣就兩小時了...不慣踩上斜呢...一開始有個上斜路+障礙位差點就p了
p.s.大佬是光著上身踩的= =+

跟住就新北江食野，之後就歸家沖身
1點九去到新元朗中心，等睇戲，星戰喔!!
佢個動畫好出唔出一出就出中間果集...搞到每集只睇幾個字既我 唔知佢up乜，不過大概get到就係要打仗吧
畫面還蠻精彩的，不過我都係想睇小新多d

跟住就到左頹廢時間，去到千色機鋪打機，我沒有打
還是第一次入去呢類成人機鋪打機...係香港好似第一次...一大陣煙味..想走人-.- 打左一陣就走，之後四圍行，最後我建議去鐘聲籃球場，就去左果度等喇
我冇打，睇人打 同埋射左陣波。等到夠鐘就出發去景福宮

最尾有好多人出席呢餐飯，32個人@@俾足面大佬喇XD
唔係咁識食韓燒-___- 攞左次經驗下次就識架喇= =
睇女排，又睇到火都起埋
唉呀，唔睇女排喇，我睇左三場都輸既
冇睇果d贏晒...今次睇住輸三局，上兩次仲火，我開電視果陣係領先局數2:0
之後我睇到佢輸2:3...火都起埋!!
係景福宮由7點食到9點，每人$100= =時間太短了吧
臨走就同大佬敬返杯「茶」
係樓下又同大佬影左張大合照+二人照
大佬很帥啊，而我的咀影得有點怪= =(msn頭像果張)

之後去唱k，反而女仔d歌啱我= =我自己偏向國語歌...
佢地點女子國語歌，如果有人點男子國語歌我會更開心的
不過今次d歌，男仔點既都啱我XD Eason d歌就是很正~~
大佬表演得太含蓄喇，應該放膽d，大佬好似3點左右走lu
本身都想3點過d就走，但見果度唔知點樣計數計多左，我地就火起唱到4點先走!!
之後好眼訓，唔沖涼就訓lu

大佬，一路順風呀，過到去英國要依然keep住微笑=]
只係幾年既奮鬥，就可以返黎喇~~

(下午 03:09)       ~貢丸~ : 希望幾年之後大家都各有成就ar.....=]
(下午 03:10)  ＃Ｗ*ｉＮｇ＃ : 我會努力爬你頭的

唔係希望，係一定要，記得你講過既野
唔知佢係英國仲會唔會上呢個版呢?

請不要再挑釁，我們只想風波平息。

19/8 (Tue) # Diary

上一篇日記寫了做了社長，依家又要講返，因為有人提議投票再選
咁就到時先決定，到30號先決定，因為果日奮社約出黎傾野
飲茶, 但我唔記得左仲有邊d人未通知= =

用了兩日full day咁計數...實俾人笑白痴= =但都係因為今日test..
但淨溫左inequality同埋少少MI..其餘都係搭車果陣望下d notes就算
今日測得算唔錯啦，識兩題半...應該都啱...
2題Number theory同1題geometry都唔識...= =上篇日記仲話想做到...
完整識兩題都係inequality黎，一題普通做法都得
另外一題用柯西不等式做(Cauchy-Schwarz Inequality) 但我好似串錯左呢個Schwraz-.-做呢兩題用左個半鐘咁濟= =
途中又要急尿-.-因為遲到所以未去廁所就衝入試場-.-
個半題我識做既係組合學既題目黎...識做半題係因為佢分開a,b part
但a part淺d，7分一題，我諗做到a part最高都係得3分= =
但呢三分我寫左一版幾，寫左成個鐘..
加埋其餘求其寫d野搏一分
應該加加埋埋最高都係得18分，但tina同ben chan都係差唔多分
算係咁啦，tina話晒都女子港隊

測完就算~~可以ready去玩了~~