原來有半年冇update過hompy 喇,lol

等左隻constantine咁耐,今日終於買左,不過好失望囉,做翻譯個條友真係唔多掂,我諗我都譯得好過佢

真係火都黎

好耐冇黎update，都係因為上次打左好多野結果time out，攪到好唔想再post野，同牛肉講time out好易discourage到一dd 新用戶，隔左兩個幾星期唔知呢樣野fix 鬼左未。

monster 呢套戲靜靜雞上左畫，我諗好似落埋添喇，等左咁耐估唔到淨係得一間戲院上，搵笨。睇黎都係等VCD吧喇

上個星期搬左新OFFICE，由灣仔搬到去中環怡和大廈，即係以前既康樂大廈，返工放工都冇以前咁方便，食飯又貴左少少，同總公司同一個OFFICE，好鬼多大粒佬行黎行去，開個MSN都危險，都係以前好D。

仲諗住四月底會有BONUS，搵笨!仲未出，又要等多一個月，都唔知到頭來有定冇架。

忙忙忙忙忙，下個星期就黎開始AUDIT喇，搵人救下我。

打左勁多字，不過放得太耐佢要我再登入過，登入完又唔會幫我post份野出黎，now.com你點攪呀!

今日睇報紙，話說最近網路上有一篇關於招聘既"笑話"，內容為真人真事。

兩份工

a)中學請資訊科技技術員，月薪五千大元，要求中學程度，具有關經驗優先，工作包括協助進行學校網絡支援，軟硬件記錄管理等

b)中學請雜工，月薪六千三百三十元，要求小學程度，具有關經驗優先，無不良嗜好，工作包括清潔，油印，外勤及一般庶務工作

同樣為教育統籌局為兩間不同既中學請人，好難想像到一個雜工既人工會比負責IT既"技術人員"既薪金還要高。

我唔係話睇唔起雜工既工作，只不過有D難過...........

   從不同途徑得到三隻新出既聖衣神話星矢玩具之後，琴日終於下定決心買埋隻天秤座，因為俾我係yahoo拍賣網度見到有人賣得幾平下，仲要係全新添，唔買等幾時。呵呵~

   其實一隻聖衣神話既玩具話平唔平，話貴唔貴，我都唔明點解自己咁捨得俾幾舊水買埋D咁既野，可能真係情意結，就同龍珠Z一樣，套漫畫明明睇過十幾次喇，出龍珠完全版個時，結果又忍唔住手買左，一買就買左二十六期喇。

唔好多講，聽歌啦

我發覺我有一個病，就係個銀行冇乜存款個排，我個心情就會好煩燥，個人悶悶不樂。

以前讀書個陣時都唔係咁，讀書個陣，都未做過part-time，屋企每個月俾我既零用錢唔係多，而我打機搵番黎既錢足夠我自己用，所以都唔洗問屋企拎錢，就算冇錢洗，個心情都唔會好似以家咁煩燥。

時至今日，香港經濟轉好，我既online game 經濟就唔多掂，雖然打機仲係我份part-time(一日都唔洗一個鐘頭既part-time)，但係搵番黎既錢已經唔多喇，份人工又咁"un"........唉