指名者：海豚 ；相關文章：Blog Tag - 我的擇偶條件

遊戲玩法：
在一些英文網站看到這種有趣的Blog Tag遊戲，規則很簡單。開始遊戲的人出一個題目，在自己的blog上寫下答案，然後把題目丟給另外五個人，在文末附上這五個人的連結，並且到這些人的留言版留言，這五個被tag到的人，在自己的blog註明(並附上連結)是從哪一個blogger那裡傳來的題目(可用「引用」功能，但因hompy未有得trackback，請用人手啦)，然後寫下自己的答案，再去貼另外五個人，如此繼續下去。

-------------------------------------------------------------------

都唔知點寫好，又驚有人睇到唔高興.....

1. 外型（包括：長、闊、高和厚）唔可以比我大舊；
2. 頭髮唔可以短過我，行為唔可以粗魯過我；
3. 唔吸煙和爛賭，只可以小賭怡情果隻；
4. 操流利廣東話，因為我唔係鬼佬或大陸同胞；
5. 性格要溫馴，唔可以亂發脾氣和講粗口。

-------------------------------------------------------------------

今早睇報紙見到迪士尼開幕的消息，不知不覺又想起內地人的文化，其實無乜特別，以下被報導的行為是大家一早預料的，見唔到先至覺得世界末日。

多名華人遊客向著花槽吐痰、也有人若無其事坐在路旁的石壆上休息，壓毀了石壆旁花槽內的花卉。 四名來自汕頭的女遊客，在美國小鎮大街的樹蔭下席地休息。四女子悠然自得地脫掉鞋子，露出絲襪乘涼一番。 一名穿著黑色上衣、操普通話的婦人，替兒子脫下短褲對渠蓋小便。 一名姓李的內地遊客在飛越太空山外站外「煲煙」，記者提醒他該處為禁煙區後，對方隨即離開，但記者卻發現他走到另一旁再次吞雲吐霧 。 有內地男遊客拉高上衣「露肉」降溫，也有人拉高褲管、長褲變短褲，以圖一陣涼快。 更有人蹲在路旁休息聊天，或者坐著脫掉鞋子、但放雙腳在其他椅上小休。

以上報導是來自蘋果日報的，唔好以為我去咗趁熱鬧。其實我有少許佩服大陸的同胞，佢地果種我行我素的態度，完全唔理其他人的感受，簡直是使人嘆為觀止！

所以我覺得每件事都事出必有因的，點解成日講香港人或台灣人，甚至其他國家的人歧視大陸的同胞，我覺得是合理的。如果自己唔想比人歧視，便應該學習點樣溶入別人的社會，正所謂「入鄉隨俗」，唔好以為自己有錢便大晒，有錢便包起個場自己玩，唔係咁簡單的道理都要教呀！？

遊戲玩法：
在一些英文網站看到這種有趣的Blog Tag遊戲，規則很簡單。開始遊戲的人出一個題目，在自己的blog上寫下答案，然後把題目丟給另外五個人，在文末附上這五個人的連結，並且到這些人的留言版留言，這五個被tag到的人，在自己的blog註明(並附上連結)是從哪一個blogger那裡傳來的題目(可用「引用」功能，但因hompy未有得trackback，請用人手啦)，然後寫下自己的答案，再去貼另外五個人，如此繼續下去。

----------------------------------------------------------------------

神的怪癖一
每日早上都要飲凍咖啡或凍奶茶，否則唔多想開工。

神的怪癖二
唔會著短褲去街，就算去附近食早餐，都一定要著長褲，否則打死都唔出門口。

神的怪癖三
係人都知鳳爪即是雞腳，但唔知點解我只會食酒樓的鳳爪，永遠都唔食阿媽煲湯的雞腳，感覺上雞腳是不清潔，唔可以放入口的。

神的怪癖四
返到屋企一定要開電腦，唔知為乜都要開，好多時開電腦後未用過便要關機去睡覺，但開咗部電腦後個人會安心好多。

神的怪癖五
早餐食湯通粉要落好多好多胡椒粉，要白色果隻, 唔可以用辣椒油或其他代替, 最好要食到有噴火的感覺，這樣先覺得碗通粉好味。

----------------------------------------------------------------------

TAG by 
1.  紅荳園 (http://hompy.now.com.hk/id/frenchfry)
2.  海豚同樂會 (http://hompy.now.com.hk/id/purin)

----------------------------------------------------------------------

我的朋友：
1. gamehan
2. diver
3. evianh2o
4. gameemag
5. yhloo

今個星期六日本應想好好休息一下，無奈上天又點會對我咁好呢？星期六早上１１點，負責緊更換大廈污水渠的公司打電話來想約我入屋檢查單位廁所，因為下月中工程便做到我的單位，咁我便叫佢盡快來．．嘩！真的好快，不用５分鐘便來到。 （我心諗你是否剛剛企係門口跟我講電話呢！） 工程人員檢查完便同我講話廁所內的假天花可能要拆，咁我問點解可能呢？要唔要不是應該知道嗎？他說如果樓上單位順便要換埋地台去水喉的話便要拆，否則唔拆都可以進行更換公眾污水渠，我聽後便即時問點解樓上換野便要我拆假天花，這是甚麼道理，他接著便說這是你的責任，樓上要換你便要拆，我又說咁我死都唔拆又如何呢？最後他便叫我一齊去樓上商討，但原本樓上無人在家呢？此事暫時告一段落，他說遲點再跟我聯絡。 其實拆個假天花是一件小事，但我最激氣便說這是我的責任，一定要拆，我想樓上久唔久整下個廁所我咪好唔得閒，這是甚麼道理呢？真的俾佢氣死人啊！！！ 另外，今早看報紙講海洋公園聘百「嘩鬼」，還刊登其中一位應徵者出來（如圖），我覺得這位人仕必定入選，夜晚見到佢咁嘅表情都幾嚇人，連化妝都唔使呢！

終於明白，要學人住「豪」宅，原來要附出好大代價的。

唔好以為簡簡單單幾個SKINS, 幾個特效，幾個ICONS和多三幾十格階磚是好容易，原來好多野未試過是好難去明白的，「大口仔」三個字是好難寫的，少一些耐性都會變成「爛口仔」呢！

唔知大家住緊「豪」宅的時候，有沒有想過養返隻波絲貓呢？希望有一日，可以有命幫大家實現呢個夢想喇．．

終於黎到２００５年８月３日．．．

Hompy都快要步入２.０了，希望明天可以帶給大家驚喜喇！

當然最好是喜多驚少啦．．．否則頭條新聞都有我份啊．．．　

各位祝小弟（其實都一把年紀了）好運罷！早抖

今日12點幾便跟朋友去漫畫展，可能未到放工時間，人唔算多，不用15分鐘便從灣仔地鐵站行到去會場。 入到去的感覺 - 嘩！點解咁多上咗年紀的坐係場邊，吹水的有，食香蕉都有，連訓覺流口水的都有．．．勁！ 行咗差不多成個鐘，都搵唔到使錢的地方，當然我不是一個漫畫迷，一生中只完成一套漫畫（足球小將）和三套動畫（足球小將、頭文字Ｄ和櫻桃小丸子），所以今次都只是行行企企，食飯幾味。 至於每年都吸引不少男生的靚女Models，都好像買少見少，唔知是否時間尚早，靚女姐姐還未訓醒呢！行完成個場，好難先搵到個比較有誠意的姐姐，唯有影低呢位姐姐當給大家的手信了。 希望下年的漫畫展會比較有創意喇！（好彩今年有贈卷，否則用$25去麥記買個套餐仲好。）

今日放假，係屋企看返開心賓館第一集至第三集，呢套劇都相當搞笑，尤其是兩位男主角"陶大宇"和"黎耀詳"。大家有時間的話，不妨看一看，呢套不只是一般的搞笑劇，內裡有好多教你做人的道理呢!

例如陶大宇向黎耀詳講過兩句說話：「唔係順景牌打得好便叻，係逆景牌打得好先叫叻」!呢句話都幾發人深醒。其實打牌同做人都差不多，順景時個個都認叻，到遇到挫折，便無晒鬥志，所以剎那光輝不是永恆的。

大家記住喇!凡事不要去得太盡，做人留有餘地好。