July 28,2008
好好味的一天
好好味的一天
星期天，多數都是搵多吃東西的一天！一起來，已是下午時份，女友想吃美味的泰國東西，當然來到了泰菜臨立的九龍城，原來想去的是另一間叫小泰國的食店，怎知它居然下午關店了！唯有到出名的金寶啦！至少我知道生蝦是由它創的！叫了一碟生蝦(店員堅持是蝦刺身)，味道果然不錯，醬汁多點更好，因為它不是一般店的給你另一碟醬汁點的，而是醬汁已加入蝦之中，另外蝦的味道不算太濃；再叫了一個冬陰公，女友對這最有研究，喝後的結果是連聲好喝！再來鎮店之寶之一的醬爆蝦丸，感覺只是名過於實，還有外面太油了！60元4個也太貴了吧，雖然說用的是大頭蝦的蝦膏啦！最後來的是越式拚盤，除了春卷跟粉卷都可以之外，我還是建議你下次不要點！
晚上到了荷里活廣場逛了逛，再到了鳳德路的詠藜圜吃四川菜，店名是川菜，其實京川滬都有！點了担担麵，很佩服他們的湯底，竟然將不愛吃麵的我，但有自己吃上一碗的衝動！另外小籠包做得皮薄湯多，多少摺我沒有研究，但肯定這里的小籠包跟鼎泰豐的不相佰仲！最後的砂鍋雲吞雞，除了湯底比較咸點之外，都沒有什麼挑剔了！結帳只是二百不夠！抵！推介大家去試試！
俾意見 [1]
文章URL
引用 [0]
July 14,2008
Dinner Buffet@東涌諾富特東薈城酒店
Dinner Buffet@東涌諾富特東薈城酒店
嘩 唔經唔覺都成個月有多矛同大家見面，一見面又係講食！哈哈！今日既早午晚3餐一次過搞掂，揀左係東涌既諾富特東薈城酒店裡面既Essence，好誇聽人講好難訂位，就算open rice裡面都講要訂兩個月！點知一打去佢問左幾多位佢就話有，不過要坐偏d，好！唔緊要，為左食好多野殺你！一去到真係嚇親，未試過buffet入座要排隊(更準確d講係因為未試過準時一開就去到，嘿嘿！)，真係好多人，buffet區相對就太細，今次比起上次去屯門黃金海岸食少左好多食物種類，不過味道都唔錯，食左咩野就自己睇相啦！最最最緊要既係，只係$178一位咋陰公！之後去左睇赤壁，成140分鐘，不過一d悶場都矛，好期待睇下集呀！又強烈推介比大家去睇呀！
May 27,2008
癩拿@霸王山莊
癩拿@霸王山莊
又比人話我只係掛住食添，不過拍拖唔係行街睇戲食飯，仲有咩野其他做呀？我都扇做多左好多其他野架啦喎，歡迎大家比d意見呀！我諗住遲d去踩單車呀，哈哈，不過實熱死呀！今次去左荃灣既霸王山莊呀，今次又早左去，食唔到特價呀，究竟特價幾點先開始架！酸辣湯係我飲過暫時最好既，不過女朋友覺得唔夠酸！小籠包都扇皮薄，但係包得個樣唔好，所以夾唔起又易整爛囉！茄子幾好味，不過真係好肥！菜就塞下個相位架即，你去千祁唔好叫呀！埋單真係貴囉！下次唔搵你啦！
May 19,2008
澳門精華遊之觀光篇
澳門精華遊之觀光篇
矛錯啦！相信大家都估到其實我地去左馬交啦！係之前矛咩時間搵資料既情況之下，膽粗粗就帶左女朋友仔去玩！除左矛去氹仔之外，澳門街比較出名既地方都叫做去過啦！大三巴啦、博物館啦、大炮台遺跡、觀光塔、噴水池、漁人碼頭等等，當然唔少得緊係勁食啦！不過太好相既關係，要分開上下兩集啦，請大家留意啦！下次我地決定左再去攻陷氹仔先得！
May 18,2008
話劇@沙田大會堂
話劇@沙田大會堂
上次miss左ada既首次話劇演出，今次專登早d收工去捧佢場！由於現場不設劃位既關係呢，係一田急急咁樣食左mos burger就去沙田大會堂攞飛入場啦！入到現場緊係搵個中間唔前唔去既位置坐啦，典知一坐低，果位工作人員就話呢個位留左，噢！最多咪過兩個！後尾先知原來係套劇既導演坐既！ada既演出唔可以講係好pro，不過睇得出落左好多心機啦，同埋再多d既演出肯定會更加進步囉！套劇本身故事唔錯，係我嫌d爛gag唔夠爛囉，如果可以又有笑又有淚就更加好啦！值得一讚係道具做得幾迫真！今日佢地尾場啦，如果矛野做又想支持下本地創作，去支持下ada啦！
May 15,2008
同煲同撈@西環
同煲同撈@西環
早輪去過西環呢間火鍋店，岩岩先收番d相，所以呢其實呢幾次既post係矛時序既！呢間野係由女朋友仔推介既，我地專登去搵，本來諗住要排隊等緊，可能係weekday既關係又矛咩人喎，呢間火鍋屬小店形式，店內只有幾張檯，咁佢既打邊爐有咩特別呢？包括係牛同豬一d特別既部位啦，仲有手打既唔同丸類啦，仲有好新鮮既海鮮啦，我地食左個花甲，矛沙又甜，連我唔係幾食海鮮都贊你就知掂啦！埋單都唔係貴，原來女朋友仔識個老闆，佢靜雞雞折左！想試既朋友可以去呢度：西環西營盤第三街玫瑰里交界。
