上次miss左ada既首次話劇演出，今次專登早d收工去捧佢場！由於現場不設劃位既關係呢，係一田急急咁樣食左mos burger就去沙田大會堂攞飛入場啦！入到現場緊係搵個中間唔前唔去既位置坐啦，典知一坐低，果位工作人員就話呢個位留左，噢！最多咪過兩個！後尾先知原來係套劇既導演坐既！ada既演出唔可以講係好pro，不過睇得出落左好多心機啦，同埋再多d既演出肯定會更加進步囉！套劇本身故事唔錯，係我嫌d爛gag唔夠爛囉，如果可以又有笑又有淚就更加好啦！值得一讚係道具做得幾迫真！今日佢地尾場啦，如果矛野做又想支持下本地創作，去支持下ada啦！

估下我地假期去左邊？嘿嘿嘿..........

早輪去過西環呢間火鍋店，岩岩先收番d相，所以呢其實呢幾次既post係矛時序既！呢間野係由女朋友仔推介既，我地專登去搵，本來諗住要排隊等緊，可能係weekday既關係又矛咩人喎，呢間火鍋屬小店形式，店內只有幾張檯，咁佢既打邊爐有咩特別呢？包括係牛同豬一d特別既部位啦，仲有手打既唔同丸類啦，仲有好新鮮既海鮮啦，我地食左個花甲，矛沙又甜，連我唔係幾食海鮮都贊你就知掂啦！埋單都唔係貴，原來女朋友仔識個老闆，佢靜雞雞折左！想試既朋友可以去呢度：西環西營盤第三街玫瑰里交界。

我好友Ada有份演出既第2套戲呀！上一次放左飛機矛去到，今次點都要去捧場啦！有興趣既朋友都快d去買飛啦！今個星期五公演啦！Ada真係好勁架，又出書又做話劇，才女！

終於收到番呢輯相，係早排放假既時候，以同女友上山頂行下為名，其實係食懷念左好耐既Burger King為實，嘿嘿！記得當時Burger King係麥當當以後一個好正既選擇，甚至可以講，係雖一一間可以替代麥當當既添，之後既Wendy's或者Jack In The Box都唔夠佢勁，當你睇到件漢堡扒一條條燒出黎既印既時候，你就覺得佢唔似麥當當大型連鎖造出黎，似係西餐廳先食到既風味！其實之前係香港同埋台灣機場都食過，反而尖沙咀同山頂呢就未啦！不過都幾貴呀，成四五十蚊一個餐！唔知同山頂貴d租同多d遊客有矛關呢？不過食完之後覺得最好食都始終係個包，薯條呀洋蔥圈呢d，如果你飽下次去試可以唔食囉！食完去睇夜景呢，原來而家上到最頂睇夜景要比錢囉！真係奸商呀！我彩你都傻呀！

嘿嘿，又係食野呀！呢期女朋友仔番工好忙呀，所以要帶佢去食d好野獎勵下！今次去既係佐敦既太平館，我地七點幾去到，好好彩唔使等仲有卡位坐添，不過到隔離檯既小朋友太近，而後面既幾位OL亦都太嘈，環境氣氛就一般啦！去之前我地上左開飯啦做research，知道有個牛脷幾好味，不過呢次真係眼大肚腩窄啦，奉勸大家下次都係分開黎食啦，一次真係矛可能架！瑞士雞翼好入味，瑞士汁炒牛河呢，就好似濃味左d，整體都唔錯啦！值得一讚既係餐湯既龍蝦湯，真係同沙嗲王矛得揮！好creamy又好多龍蝦肉，yummy！個餐包呢表面雖然硬硬地，不過好香既麵包味呀！服務方面又唔係開飯啦既食評講到咁差囉，都扇係咁啦！見到隔離檯叫左梳乎里，嘩！超勁大個囉，我估下次要叫埋比利伉儷先可以試啦！送左份禮物氹女朋友仔開心，都話你一定鐘意架啦！哈哈！係咩野？遲d開估比大家知！

有一期矛同大家見面啦，有朋友仔叫我快d update個屋皮，因為矛野睇搞到佢地好悶呀，唔知你又係咪咁諗呢？呢期呢，唔好以為我掛住拍拖呀，我都想呀！其實係花左好多時間係工作方面，搞到番到屋企已經好攰唔想寫野啦！不過有人咁欣賞咁支持想去了解下我既生活，我就緊係攰一攰都頂住上啦！早排去左好耐矛食過既沙嗲王食能柱，緊係叫一直都覺得好好味既沙嗲牛肉粉絲啦！女友仔話好耐矛食蘿蔔糕，我估佢都係就我先叫既，嘿嘿！再叫左一個炒蜆同埋龍蝦湯！沙嗲牛肉粉絲黎到，一夾，咦？原來同隔離檯掉轉左，粉絲變左河粉！一換就15分鐘！唔知係咪真係即刻煮過碗呢？龍蝦湯，以15蚊既價錢都扇係咁啦，仲有一舊龍蝦肉呀！蘿蔔糕就想像中既味道啦！炒蜆呢，唔掂！蜆唔新鮮味道唔好！一排唔黎沙嗲王水準趺到咁！出菜都錯唔知佢典樣拎ISO既呢？

本來想去睇最後一日上既Step Up 2，典知佢安排左去VIP影院放，又唔用得贈卷，成$140張飛！送野食都矛用啦，岩岩先食到飽死左！唯有轉左去睇呢套咁長戲名既我男友搞乜鬼…有隻死鬼未婚妻！整體都幾好笑，女朋友仔話其中一個女主角都有做靚太唔易做喎！都幾溫馨架套戲！推介比大家！不過大家千祈唔好好似我後面果pair人咁，睇到打晒喊露啦！