一個8號可以俾我休息一下，時間過得真係快，今日已經8月7，仲有兩個月左右，就忙完手頭上既job~真係好想可以好好咁relax一下，去下旅行，自從有左佢地都無咩去過，我要放鬆D勒香港人！！

宜家多數D相會放起facebook，想睇佢地就去o個邊啦~haha~我懶得整上梨~~~

 Eddie & 阿龍& me  ~ happy bithday!!!

O個晚好多好耐無見既朋友都有梨，全場D人都互相認識，玩得好開心，至少我可以挨到尾，因為一早講明要切完蛋糕先好攪我，酒量好似好左DD甘多啦，玩到5點走人，條麻煩友同我返左去，第2朝俾阿雞嘈醒，條PK仲要偷影我訓覺相，之後約埋家姐阿來一齊入石澳，因為我唔想曬，我地飲埋茶先慢慢入去，去到岩岩好唔曬，太好勒，我地幾個唔想BBQ，跟住玩左樣成廿年無玩過既野（跳飛機），超低B，玩完之後，可怕既事情發生，佢地話我地飲茶都唔入梨先要俾人掉落水，阿來同家姐都PK左，到阿雞既時候，我突然諗起我D相起佢到，我即刻沖過去，不過唔係救佢，係幫佢拎住個電話，睇住佢俾人掉落水再慢慢del D相，哈哈，睇你點威脅我，到我既時候，我請佢地高抬貴手放過我，因為無帶野換+上我要走，甘先避過一野，一連3日地獄生日party就甘完結！thank you my best fd~希望以後每年既生日都有你地一齊慶祝~

一個平凡既生日~

好耐都未試過無蛋糕食~

火機當臘燭 ~ anyway thank you !!!

END！！！！！！！！！！！！！！！！！！！！！！！

唔知係咪食得杯面多+上熱氣，今日牙肉好鬼痛，收工飲完24味再食消炎藥都無咩用，頂唔順夜晚再去買止痛藥，救命呀，痛到野都唔想講，煙都唔想食=.=

好耐都未試過可以連續幾晚起屋企，可能太累了，連出去既精神體力都無，沖完涼已經唔想做任何野，重覆琴晚食既野....杯面=.=跟住同佢地3隻野玩，好耐無試過玩到訓哂起地下，冷落左佢地，知道佢地一日到黑起屋企好悶，我會盡可能帶你地去散下步架勒，每日返到屋企你地總會好開心期待甘歡迎我返梨，而我總係好COOL甘對你地，sorry,我依個Daddy太唔要得勒，係抵鬧既，但係你地都唔可以周圍咬野&尿尿架，一年幾張SOFA，平時都俾你地坐哂啦，俾D面好wo,再唔係搬左唔買SOFA一齊坐地下囉，俾小D野我做，俾多D骨頭你地Y！！！

連自己都唔知想點？仲可以叫人點？世界唔會因為你而停頓，錯過左只可以靠努力去爭取返梨，成功與否-----在乎事情對你既重要！！！

不知不覺又到7月，話甘快又生日，雖然個樣仲好後生，但心境就越梨越老，每年宜家時候總係我工作最繁忙既時間，日頭既生意令我要更加努力耕耘，因為我再唔係小朋友，要沉住氣去面對每一件事，我唔想起我手中有任何閃失，雖然真係好辛苦，要付出俾別人多更多努力，但仍然會撐落去，曾經我起宜度發洩好幾次，每次唔如意，有困難總喜歡發下勞so，如果唔係我會屈到病，哈哈！酒吧既生意都可以令我安心，可以專心打理日頭生意，總算令我小樣負擔。工作壓力大，令我又開始失眠，唔知點先可以放鬆自己，人越大個腦裝既草越梨越多，有無花農幫幫手除草^^，每個人總喜歡對自己要求多多，我都唔例外，今年我既難過一年，見證我宜27年梨辛苦得到，亦一手破壞既事情，難過都過去左，將來我已經唔敢想太遠，只知道自己要經一事長一智，唔好再同樣犯錯，梨緊既日子我又要準備搬屋勒，太多野要應付，點解自己好似無時無刻都甘忙咁既=.=早幾日MSN同一個好耐無聯絡既朋友傾左一陣，佢問我做咩就天光都未訓，我答佢心情唔好，點知換梨佢一句，你好似心情無咩點好過，我即刻靜哂，唔識答佢，再問下自己，又好似無咩值得開心，開心呀開心可以快D返梨嘛，我等緊你!發完勞SO勒，多謝你地仍然關心我~

有一個人講過~唔諗無野？真的嗎？我一點都不覺~

你在乎才會去在意所有野

爭取同努力過後發現唔work就要學會放手！

今晚收鋪返左去同阿雞宵夜，大家咩都傾一餐，都天光佢提意入海濱公園o個邊坐下，兩條麻甩佬對住個海傾下計，諗起個畫面都好笑，望住我地共同既目標，講講大家既近況，我地唔需要幫大家去解答難題，只係互相做一個聆聽者已經足夠，老土既野佢已經成日講，1/3個女人《--佢自己話~

佢同我都一樣，面對未來變得迷惘，唔知道條路要點行，好似好多問題圍繞住，但係大家都明白唔可以急，唯有慢慢改變，急功近利已經變成我最大缺點，我要好好反省下！

時間過得真係快，不知不覺間酒吧一周年勒，回顧lee一年，不論成功與否，我已經得到得著，由最初咩都唔識，咩都要問，要朋友幫忙，到宜家開始了解lee個行業，睇清某種人，某種事，過去既時間真係好艱苦，訓既時間唔多，用既心機精神更加超哂額，到宜家已經變成習慣！有人話對一樣自己中意既事，應該做得開心，要享受個過程，都岩既，雖然曾經有段時間做得好唔開心，亦發生有D事，但總算安穩落梨，多謝身邊好友支持！有某個人我真係衷心感謝，無你既幫忙我有好多野都做唔到，亦唔知點算，多謝你默默既支持，thank you very much!!你既說話我會記住，我清楚知道自己要點做，無論結果係點，起碼我已經盡力，仲有我老死，男拳，lee一年辛苦你勒（咁）幫手，你明我講咩既，anyway...thank you 各位好友，梨緊以後既周年紀念hope有你地既出現~~~~~~~~