十一月仲有兩日就過去，整個十一月都受著病魔折磨，真氣人。即使現在感冒已癒(或許還未)，整天都鼻塞塞的，說多兩句便痰上頸，真苦惱。

我看黑氣要在十二月才能徹底揮去呢！

尋晚係成個星期訓得最多最自在的一晚，加上尋日同今日夾埋飲左三杯海天堂感冒茶，所以今日覺得感冒清得七七八八。下午著住新買的波鞋去踢波，上半場幾個入波機會都蹧躂左，真可惜。好彩最後球隊都能在完場前追和，自己先無咁內疚。希望下次可以以入波黎補償返啦！

聽日開始又係我最憎的專題研習雙週，希望今年可以順順利利咁完成佢啦！

天呀！點解十一月中都仲咁熱架，快D涼返少少啦！

工作令人喘不過氣，望著堆積如山的工作紙及學生作文，真想一把火燒晒佢地，不是我懶惰，但真的太多，而且身體也太疲倦了。

香港人的生活實在太荒唐，早上六點起床，晚上六點多收工(有時仲要成八點)，而且仲有不少簿冊尚未批改完。難道回家後不用處理家務嗎？難道每位老師都要聘請工人在家侍候嗎？

人生為何如此，究竟幾時會放假呀？

熱刺頭八場聯賽只得兩分，但一換左領隊就三場得七分，三場對手當中，其中兩隊仲要係前列球隊，人生真是充滿神奇。

馬勒當拿這位踢波出神入化，但私生活就極不檢點的人，竟然可以當上阿根廷這枝世界級球隊的教練，這個世界真的不知所謂，哈哈！

拖着極疲乏的軀體，帶着無比的鬥志去完成本週最後一天的上課天。一進校門，幾位同學伸手向我要糖，由於他們說英文的原故，令我完全大惑不解，後經同事的講解，才醒起今天是西方人鬼節--萬聖節的日子，真是反應遲頓。

連上六堂後，下午還要到九龍聽工作坊。愈聽，頭垂得愈低，真的疲乏得不合怎去形容。席間看見友校的隊友，只見他也是帶病上陣，出席工作坊，真的慨嘆今天當教師真的不易，就算像我有着鋼鐵一樣的身體也捱得很吃力。想起明天星期六仍要回校帶隊，真的唏噓無限。

晚上，跟愛人到女人街一處頗有情調的餐廳吃了一個豐富的晚餐，之後便匆匆回家就寢，準備以最精神的狀態完成明早的帶隊工作。

今日星期六，終於都唔洗返工做野，於是訓到成十一點先起身，好耐無試過訓得咁開心。下午，同VICKY本來打算去動植物公園，點合去錯左，去左香港公園。不過都影左唔少相，環境唔錯。

晚上，陪VICKY去同佢亞嫲慶祝生日。結果，今日係四處頻撲的情況下度過一整天。

累，超累...................比我休息下啦！

晚上到沙田走一走，渴望趕走心中的疲累，買了周董的新碟回家。有一首歌叫<<稻香>>，歌詞幾好，給我好舒服的感覺，總算令我找一到一個心靈洗滌的感覺。

經過左剛剛呢兩個死亡星期，終於可以真正係屋企休息一下啦。睇返之前兩個星期，又要面對出卷，又要帶學生比賽，又要應付重點視學人員，真係晚晚都忙到八點幾先可以離開學校，真係攞命。尋日星期五，罕見地幾位男老師有時間落去陪D學生練波，大家講起都呢兩個星期都忙得頭暈轉向，所以難得一到星期五，大家都心思思落黎玩下，唔知幾時再有如此機會了。

剛剛呢個星期睇到金融海潚殺埋身，大型服裝零售店、大玩具廠、歷史悠久既電器行都相繼結業，令香港人都感受到經濟的不景氣，不知幾多員工因而失業，為兩餐愁眉深鎖。希望政府可以幫一幫這班人，拯救香港經濟。

尋晚係YOUTUBE睇返特首宣讀施政報告，黃毓民居然鬼煞咁嘈，仲掟蕉以示不滿添，睇黎以後特首同一眾議員開會都有排煩。今次社民連放多一隻惡狗入去立法會，以後的立法會開會一定好戲連場，真係要密切留意。

尋日係教師發展日，今年的節目比往年實際，起碼見到D同事都精神奕奕聽講座同參與，希望以後每次有類似的活動時，大家既可有收穫，同事間亦可藉此交流多一點。

晚上，在沒有預備的情況下與Vicky出左尖沙咀食飯行街，食完飯經過天星碼頭附近，剛好進行幻彩詠香江活動。今次係第一次睇到，好多遊客都在影相及拍viedo，唔知係唔係每晚都做一次架呢？我見d雲都行得好快，仲有好多星星添，都幾好睇bor。之後去sogo行左一陣我地就返左屋企lu。