四月二十日  (星期五)

今日一早我即將要離開嘅同事打內線俾我問我嘢，我順帶問佢:　"不如一齊食lunch lor??" 佢一口ok，問我想食咩??!  當時我忙到暈咁制，就好順口答佢諗諗la.......

到lunch time 果時，我終於都有時間可以問清楚佢要走嘅原因，o係我意識裡面，我成日都以為佢走係因為人事問題，原來當我地傾完之後先攪清楚，一直都係我自己以為。諗下又係嘅..... 佢都咁大個人，又係呢間公司做左咁耐，又點會e+ 先有人事問題呀?...

四月十八日  (星期四)

今日係其中一個朋友仔(debby) 生日，佢係我個老死個女朋友，亦係我舊同事之一，不過佢同我老死係兩個唔同時期嘅人，亦係兩間唔同公司名 (我做果行好興，幾百個公司名)，真係好鬼橋。  

事緣佢正日(21/4) 唔得閒，我哋就提早慶祝，原先想20號攪，不過主人家個honey 要返學，所以就今日出左lai 食飯，我老死打比我改時間，就順帶問我有咩好提議，唔知點解佢地成日覺得我好識食，亦好揀飲擇食(有好多嘢都唔食)，其實我唔介意平平哋食一餐，如果果度係ok...

四月十七日  (星期二)

四月五日  (星期四)

今日去左探我亞head 同佢個小天使，見到佢地兩個都健健康康，真係好開心，原來生命就係咁奇妙，由一個小小嘅bb，到我地e+ 咁大，真係好難想像，見到佢個bb，再加上我另外一個亞head 又帶埋一個半歲大嘅bb 一齊出來，攪到我d母性湧緊出來!!! 

十月十七日 (星期二)

今日係我入左來呢間公司做以來，又一大嘗試，我第一次in 人，不過比起自己見工，原本in 人真係輕鬆好多，亦可能急住等人用啦，都冇機會會再見其他人lu........ 唔知呢個第一次，會唔會亦都係最後果次呢!!!!

最近公司真係好大變動，有差唔多成team 人走左，另外又有同事放產假，多多少少都對工作量加重左好多，成日都ot，連啲暗瘡都唔生性，襯我病攞我命，全部一次過同我爆晒出來，真係嚇唔死人，自已想死....... 

係度真係希望請呢個女仔生生性性做得嘢啦，仲有唔好做一陣就走，如果係，我真係死比你睇!!!!!   

十月十六日 (星期一)

哈哈......一講開新形象，係人都會估到又關個頭事，最近 (其實係諗左好耐lu) 電左個頭，所有朋友同同事都幾鍾意我呢個新髮型咁，當然我自己都好喜歡啦!!!! 原來電左都唔係太師奶喞，之前我仲驚會太女人，電左塊面會大塊左，好彩都ok........  

早兩日見到班fd，大家嘅意見都係電左好睇好多，之前個頭好悶，最想死有個fd，見到之後第一句: "嘩!!!! 你電左頭呀，個頭跳脫左喎!!!!" 呢個都唔知係咩形容詞，咩叫跳脫，唔通啲頭髮會彈出來咩?! 真係bear 一聲比佢吹脹!!!  

九月二十一日   (星期四)

好唔開心......六合彩得主依然冇我份，檯上面一大埋工作就有我份，自從無離開到呢間公司之後，d工作又好似返返晒搵我咁，一切打回原狀......真係人都癲.......     

呢幾日都唔知發生咩事，冇啦啦聽左好多麻煩電話，有d 就係我老細唔聽，我已經要硬食，都算啦.....     

另外果一個人仲煩，每日都聽到佢把聲咁制......天呀!!!!         點解又係我呀????       點解佢仲陰魂不散o架!!!!!     

九月十八日  (星期一)

琴晚係呢度講過，我係夢度幫人地中"六合彩"，今日返到公司同果個同事講返，佢聽到冇笑，只係問左我一個問題.....

佢問：張飛係電腦飛定自己劃?

我答：係電腦飛.....

佢就好順手係銀包攞左$$ 比我，叫我幫佢買，

我又話啦：你認真架? 發夢咋喎......

佢就答：唔好理啦，照買.....

就住我就收左佢d $$，反正都係幫人買唧.......

今日lunch 同d 同事出左去食飯，同幾個女同事講開個夢，有一個同事就講，你夢到佢呀??? 我話唔係呀，佢哋開始起哄，係果一刻，勁後悔講左出o黎.......    

不過都有d 同事講，你要同佢(叫我買"六合彩"果同事)講，如果真係中左，每人50/50 呀!!!! 但係我自己就冇諗過，因為我覺得中嘅機會咁微，唔通佢唔中又問我攞返d $$ 咩!!!!    

放工果陣，好彩記得幫佢買咋，不過唔知聽日好唔好比佢呢??? 事關我個夢係話張飛我keep 住架，佢都唔知有d 咩no.，好啦聽日同佢講，睇下佢要唔要返先......