十月十六日 (星期一)

哈哈......一講開新形象，係人都會估到又關個頭事，最近 (其實係諗左好耐lu) 電左個頭，所有朋友同同事都幾鍾意我呢個新髮型咁，當然我自己都好喜歡啦!!!! 原來電左都唔係太師奶喞，之前我仲驚會太女人，電左塊面會大塊左，好彩都ok........  

早兩日見到班fd，大家嘅意見都係電左好睇好多，之前個頭好悶，最想死有個fd，見到之後第一句: "嘩!!!! 你電左頭呀，個頭跳脫左喎!!!!" 呢個都唔知係咩形容詞，咩叫跳脫，唔通啲頭髮會彈出來咩?! 真係bear 一聲比佢吹脹!!!  

九月二十一日   (星期四)

好唔開心......六合彩得主依然冇我份，檯上面一大埋工作就有我份，自從無離開到呢間公司之後，d工作又好似返返晒搵我咁，一切打回原狀......真係人都癲.......     

呢幾日都唔知發生咩事，冇啦啦聽左好多麻煩電話，有d 就係我老細唔聽，我已經要硬食，都算啦.....     

另外果一個人仲煩，每日都聽到佢把聲咁制......天呀!!!!         點解又係我呀????       點解佢仲陰魂不散o架!!!!!     

九月十八日  (星期一)

琴晚係呢度講過，我係夢度幫人地中"六合彩"，今日返到公司同果個同事講返，佢聽到冇笑，只係問左我一個問題.....

佢問：張飛係電腦飛定自己劃?

我答：係電腦飛.....

佢就好順手係銀包攞左$$ 比我，叫我幫佢買，

我又話啦：你認真架? 發夢咋喎......

佢就答：唔好理啦，照買.....

就住我就收左佢d $$，反正都係幫人買唧.......

今日lunch 同d 同事出左去食飯，同幾個女同事講開個夢，有一個同事就講，你夢到佢呀??? 我話唔係呀，佢哋開始起哄，係果一刻，勁後悔講左出o黎.......    

不過都有d 同事講，你要同佢(叫我買"六合彩"果同事)講，如果真係中左，每人50/50 呀!!!! 但係我自己就冇諗過，因為我覺得中嘅機會咁微，唔通佢唔中又問我攞返d $$ 咩!!!!    

放工果陣，好彩記得幫佢買咋，不過唔知聽日好唔好比佢呢??? 事關我個夢係話張飛我keep 住架，佢都唔知有d 咩no.，好啦聽日同佢講，睇下佢要唔要返先......    

九月十七日  (星期日)

琴晚發咗個好奇怪、攪笑嘅夢.......係咩???    

哈哈!!!! 都好開心架，就係中"六合彩"啦!

中就中，不過唔係我自己，只係幫我同事買六合彩，係佢中，重要係我幫佢買左張電腦飛之後，我攞左張飛返屋企，而我同事就竟然唔問我買左咩no.，到中左之後我冇即時打電話比佢，係樹諗.....aiya.....真係中左喎，不過點解係佢而唔係我呢???? 點解我自己又唔買喎??? 好自私，曾經有一刻諗住落格，當然.....最終就緊係冇做啦!!!...

九月五日  (星期二)

個演唱會唔係今日睇，係上星期六去睇，點解要到今時今日先係呢度寫.......都係因為太懶!!!!!   

其實佢哋上年個演唱會我已經睇過，事隔唔夠一年佢哋又開，我亦再一次去撐場，講真佢哋個show 氣氛真係好到不得了，d 觀眾又high，有好多人都企足全場，high 足全場!!!!      

我自己亦係啦!!! 有high 嘅時間，亦有一d 感觸嘅時間，可能呢d 就係成長係90's...

八月三十一日  (星期四)

每年到左呢一兩日，我哋幾個朋友就會出來慶祝一番，雖然，通常d 節目都離不開唱k 食飯，可能對某d人來講有d 悶，不過我哋依然樂於聚首一堂，吹吹水唔末咀........   ...

八月二十六日   (星期六)

哈哈!!!! 今晚約左個fd 出去食飯，諗左好耐都唔知食咩好，個fd 又要九點先ok，咁好啦.......就由我決定食d 咩都好喎，不過我又心多多，又想食越南嘢，又想食日本嘢，又想打邊爐喎，最後個fd 一句，要坐得耐，要去到即刻有得食，最終即係冇選擇地揀左去打邊爐囉!!!!   

去到開頭都冇咩嘢，咪等個fd 囉，個waiter 見我一個女仔，又不停咁望住門口，口多多問我個fd 係男定女，幫我望住，見有女仔到就引路喎..........

八月二十五日   (星期五)

完全係因為一套台劇，令我認識一個叫"賀軍翔"嘅靚仔，未睇套劇之前淨係知因為一套""惡魔在身邊""紅左一個"楊丞琳"同一個o靚仔，點都估唔到我睇完之後都中左毒.........

我同我d fd 講完都比人話，廿幾歲人都仲迷呢d 死o靚仔，我仲同個fd 講笑，如果我細返幾年，我一定都係果d 唔知死嘅追星族，哈哈!!!!!!!!!!!      

我又講個秘密比大家聽呀!!! 原來我同佢同一日生日o架!!!! 真係橋啦......