九月十八日  (星期一)

琴晚係呢度講過，我係夢度幫人地中"六合彩"，今日返到公司同果個同事講返，佢聽到冇笑，只係問左我一個問題.....

佢問：張飛係電腦飛定自己劃?

我答：係電腦飛.....

佢就好順手係銀包攞左$$ 比我，叫我幫佢買，

我又話啦：你認真架? 發夢咋喎......

佢就答：唔好理啦，照買.....

就住我就收左佢d $$，反正都係幫人買唧.......

今日lunch 同d 同事出左去食飯，同幾個女同事講開個夢，有一個同事就講，你夢到佢呀??? 我話唔係呀，佢哋開始起哄，係果一刻，勁後悔講左出o黎.......    

不過都有d 同事講，你要同佢(叫我買"六合彩"果同事)講，如果真係中左，每人50/50 呀!!!! 但係我自己就冇諗過，因為我覺得中嘅機會咁微，唔通佢唔中又問我攞返d $$ 咩!!!!    

放工果陣，好彩記得幫佢買咋，不過唔知聽日好唔好比佢呢??? 事關我個夢係話張飛我keep 住架，佢都唔知有d 咩no.，好啦聽日同佢講，睇下佢要唔要返先......    

九月十七日  (星期日)

琴晚發咗個好奇怪、攪笑嘅夢.......係咩???    

哈哈!!!! 都好開心架，就係中"六合彩"啦!

中就中，不過唔係我自己，只係幫我同事買六合彩，係佢中，重要係我幫佢買左張電腦飛之後，我攞左張飛返屋企，而我同事就竟然唔問我買左咩no.，到中左之後我冇即時打電話比佢，係樹諗.....aiya.....真係中左喎，不過點解係佢而唔係我呢???? 點解我自己又唔買喎??? 好自私，曾經有一刻諗住落格，當然.....最終就緊係冇做啦!!!...

九月五日  (星期二)

個演唱會唔係今日睇，係上星期六去睇，點解要到今時今日先係呢度寫.......都係因為太懶!!!!!   

其實佢哋上年個演唱會我已經睇過，事隔唔夠一年佢哋又開，我亦再一次去撐場，講真佢哋個show 氣氛真係好到不得了，d 觀眾又high，有好多人都企足全場，high 足全場!!!!      

我自己亦係啦!!! 有high 嘅時間，亦有一d 感觸嘅時間，可能呢d 就係成長係90's...

八月三十一日  (星期四)

每年到左呢一兩日，我哋幾個朋友就會出來慶祝一番，雖然，通常d 節目都離不開唱k 食飯，可能對某d人來講有d 悶，不過我哋依然樂於聚首一堂，吹吹水唔末咀........   ...

八月二十六日   (星期六)

哈哈!!!! 今晚約左個fd 出去食飯，諗左好耐都唔知食咩好，個fd 又要九點先ok，咁好啦.......就由我決定食d 咩都好喎，不過我又心多多，又想食越南嘢，又想食日本嘢，又想打邊爐喎，最後個fd 一句，要坐得耐，要去到即刻有得食，最終即係冇選擇地揀左去打邊爐囉!!!!   

去到開頭都冇咩嘢，咪等個fd 囉，個waiter 見我一個女仔，又不停咁望住門口，口多多問我個fd 係男定女，幫我望住，見有女仔到就引路喎..........

八月二十五日   (星期五)

完全係因為一套台劇，令我認識一個叫"賀軍翔"嘅靚仔，未睇套劇之前淨係知因為一套""惡魔在身邊""紅左一個"楊丞琳"同一個o靚仔，點都估唔到我睇完之後都中左毒.........

我同我d fd 講完都比人話，廿幾歲人都仲迷呢d 死o靚仔，我仲同個fd 講笑，如果我細返幾年，我一定都係果d 唔知死嘅追星族，哈哈!!!!!!!!!!!      

我又講個秘密比大家聽呀!!! 原來我同佢同一日生日o架!!!! 真係橋啦......    

八月二十日  (星期日)

完全係因為一個朋友嘅留言，先令我知道我要返來呢度，好多謝仲有朋友記得我.....

o係短短嘅時間裡面，真係有好多事發生，有開心、有唔開心；有人加入我嘅朋友圈子，亦有親人從我身邊離開........    ，有以為有新工作，到最後亦錯過左......好多好多事發生，短短呢幾個月，令我有種好實在嘅感覺。

到宜家先叫做安定些少，不過好快我又要忙下半年嘅大事，好快到年尾，我仲有多兩次姊妹做，開始緊張未???? 未喎..... 開始減肥未???? 都未喎。 所以之後嘅日子會仲更加忙......   

一月二十九日   大年初一

祝各位朋友狗年行大運,

身體健康!

心想事成!!

今年賺多d !!!

開開心心!!!!